25th Dec2015

ກອງປະຊຸມຄະນະຜູ້ແທນຂັ້ນສູງກະຊວງ ປກສ ລາວ ແລະ ກະຊວງຕຳຫຼວດຫວຽດນາມ

by somchan

ກອງປະຊຸມຄະນະຜູ້ແທນຂັ້ນສູງກະງຊວງ ປກສ ລາວ ແລະ ກະຊວງຕຳຫຼວດຫວຽດນາມ ໄດ້ຈັດຂຶ້ນໃນວັນທີ 24 ທັນວານີ້.  ທີ່ກະຊວງປ້ອງກັນຄວາມສະຫງົບ ຄະນະຜູ້ແທນລາວນຳໂດຍພົນຕີ ສົມແກ້ວ ສີລາວົງ ລັດຖະມົນຕີວ່າການກະຊວງ ປກສ ຝ່າຍຫວຽດນາມນຳໂດຍ ພົອ ສຈ ດຣ ເຈີ່ນດາຍກວາງ ລັດຖະມົນຕີວ່າການກະຊວງຕຳຫຼວດພ້ອມຄະນະ.

ໃນກອງປະຊຸມໄດ້ສະຫຼຸບຕີລາຄາຄືນການຈັດຕັ້ງປະຕິບັດແຜນການຮ່ວມມືປະຈຳປີ 2015 ແລະ ປຶກສາຫາລືກັນຕໍ່ກັບບັນຫາຕ່າງໆ. ພ້ອມນີ້ຍັງໄດ້ລົງນາມເຊັນບັດທຶກສັນຍາຮ່ວມມືຄັ້ງທີ 3 ໄລຍະ 2016-2020 ແລະ ລົງນາມແຜນການຮ່ວມມືປະຈຳປີ 2016 ນຳກັນ, ເພື່ອເປັນບ່ອນອີງໃຫ້ແກ່ສອງກະຊວງໃນການຈັດຕັ້ງປະຕິບັດການຮ່ວມມືໃນຂົງເຂດປົກປັກຮັກສາຄວາມສະຫງົບ ເປັນລະບຽບຮຽບຮ້ອຍຂອງສັງຄົມ ແລະ ຮັບປະກັນຄວາມປອດໄພໃຫ້ແກ່ພົນລະເມືອງຂອງສອງຝ່າຍຢູ່ປະເທດຂອງຕົນ, ການຮ່ວມມືໃນການກວດກາ ແລະ ຄຸ້ມຄອງເສດຖະກິດ, ການຮ່ວມມືໃນການປະສານສົມທົບປົກປັກຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍ ລະຫວ່າງບັນດາຊາຍແດນຕິດຈອດ, ນະຄອນ ແລະ ແຂວງແຮກສ່ຽວ, ການຮ່ວມມືດ້ານວຽກງານກໍ່ສ້າງກຳລັງ. ໃນປີ 2016 ກະຊວງຕຳຫຼວດ ສສ ຫວຽດນາມຈະສືບຕໍ່ກໍ່ສ້າງ-ບຳລຸງວິຊາສະເພາະ ແລະຮຽນວັດທະນະທຳໃຫ້ນັກຮຽນ, ນັກສຶກສາກະຊວງປ້ອງກັນຄວາມສະຫງົບລາວ 265ທຶນ, ການຮ່ວມມືຊ່ວຍດ້ານອຸປະກອນເຕັກນິກ, ການຮ່ວມມືແລກປ່ຽນຄະນະຜູ້ແທນໄປ-ມາເຮັດວຽກຢ້ຽມຢາມພັກຜ່ອນ, ປິ່ນປົວສຸຂະພາບ ແລະການຮ່ວມມືດ້ານອື່ນໆ.

ຕາງໜ້າກະຊວງ ປກສ ລາວລົງນາມເຊັນບົດບັນທຶກສັນຍາຮ່ວມມືໂດຍແມ່ນພົຕ ສົມແກ້ວ ສີລາວົງລັດຖະມົນຕີວ່າການກະຊວງປ້ອງກັນຄວາມສະຫງົບລາວ ແລະກະຊວງຕຳຫຼວດຫວຽດນາມແມ່ນ ພົນເອກ ສຈ ດຣ ເຈີນ ດາຍກວາງ ລັດຖະມົນຕີວ່າການກະຊວງຕຳຫຼວດ.

ນອກນີ້ຄະນະຜູ້ແທນກະຊວງຕຳຫຼວດຫວຽດນາມຍັງຈະໄດ້ສືບຕໍ່ເຄື່ອນໄຫວຢ້ຽມຢາມການນຳຂັ້ນສູງແລະ ພົບປະຢ້ຽມຢາມອົງການຈັດຕັ້ງຂອງລາວ ແລະ ຂອງຫວຽດນາມປະຈຳລາວຈຳນວນໜຶ່ງຕື່ມອີກ.

Off

Comments are closed.