22nd Jun2022

ຍົກລະດັບວຽກງານວິຊາສະເພາະໃຫ້ ປກສ 7 ບ້ານທົ່ວກຸ່ມນາຊາຍທອງ.

by somchan

ປກສ 7 ບ້ານທົ່ວກຸ່ມນາຊາຍທອງ ເມືອງນາຊາຍທອງ ນະຄອນຫຼວງວຽງຈັນ ໄດ້ຮັບການຍົກລະດັບຝຶກອົບຮົມບຳລຸງສິດໜ້າທີ່ ໃນວັນທີ 20 ມິຖຸນາ 2022, ຢູ່ທີ່ ວັດບ້ານດົງຫຼວງ, ໂດຍການນຳພາຂອງ ພັທ ສົມປອງ ພົນສະຫວັນ ຮັກສາການຫົວໜ້າ ປກສ ກຸ່ມນາຊາຍທອງ, ໃຫ້ກຽດເຂົ້າຮ່ວມໂດຍ ພັທ ບຸນສົງ ມຸນຕີ ຮອງຫົວໜ້າກອງບັນຊາການ ປກສ ເມືອງນາຊາຍທອງ , ມີກຳລັງ ປກສ ບ້ານເຂົ້າຮ່ວມ 44 ທ່ານ, ຍິງ 4 ທ່ານ.

ພັທ ສົມປອງ ພົນສະຫວັນ ໃຫ້ຮູ້ວ່າ: ປກສ ບ້ານ ທີ່ເຂົ້າຮ່ວມຝຶກອົບຮົມໃນຄັ້ງນີ້ ແມ່ນມາຈາກ  ບ້ານນາຊາຍກາງ,  ນາຊາຍໃຕ້,  ດົງຫຼວງ, ດົງບອງ, ໜອງຍາວ,  ນາຄູນ ແລະ ປັກແຮດ ການຝຶກອົບຮົມຄັ້ງນີ້ ນັກສຳມະນາກອນໄດ້ຮຽນຮູ້ ແນວທາງປ້ອງກັນຊາດ-ປ້ອງກັນຄວາມສະຫົງບ ທົ່ວປວງຊົນຮອບດ້ານຂອງພັກ; ພາລະບົດບາດສິດ ແລະ ໜ້າທີ່ ຂອງ ປກສ ບ້ານ; ວຽກງານຄຸ້ມຄອງສໍາມະໂນຄົວ ແລະ ອາຊີບພິເສດ; ວິທີ່ເອົາຄຳໃຫ້ການເບື້ອງຕົ້ນ ແລະ ວຽກງານປ້ອງກັນສະຖານທີ່ເກີດເຫດ; ວຽກງານຂຶ້ນບັນຊີຄຸ້ມຄອງຄົນຕ່າງປະເທດ ແລະ ການຂຶ້ນບັນຊີຄຸ້ມຄອງເປົ້າໝາຍຢູ່ຂັ້ນບ້ານ ເພື່ອແນໃສ່ເຮັດໃຫ້ກຳລັງ ປກສ ບ້ານ ໄດ້ຮັບຮູ້ ແລະ ເຂົ້າໃຈດ້ານຫຼັກການ, ຮັບປະກັນການຈັດຕັ້ງປະຕິບັດວຽກງານຕົວຈິງ ໃຫ້ຖືກຕ້ອງ ແລະ ສອດຄ່ອງກັບກົດໝາຍ ແລະ ລະບຽບການ.

Off

Comments are closed.