29th Dec2015

ກອງປະຊຸມວຽກງານປ້ອງກັນຄວາມສະຫງົບ ທົ່ວປະເທດປະຈຳປີ 2015

by somchan

ກະຊວງ ປກສ ຈັດກອງປະຊຸມວຽກງານ ປ້ອງກັນຄວາມສະຫງົບທົ່ວປະເທດປະຈຳປີ 2015 ໃນວັນທີ 29 ທັນວານີ້ ໂດຍການເປັນປະທານຂອງພົນຕີ ສົມແກ້ວ ສີລາວົງ ກຳມະການສູນກາງພັກ ລັດຖະມົນຕີວ່າການກະຊວງ ປກສ ມີຄະນະພັກກະຊວງ ຄະນະພັກກົມໃຫຍ່ ກົມກອງອ້ອມຂ້າງກະຊວງ ແລະ ບັນດາ ປກສ ແຂວງທົ່ວປະເທດເຂົ້າຮ່ວມ. DSC_2024-(cut)

ພົນຕີ ສິນທະວົງ ໄຊຍະສອນ ລັດຖະມົນຕີຊ່ວຍວ່າການກະຊວງ ປກສ ໄດ້ຜ່ານບົດສະຫລຸບວຽກງານປ້ອງກັນຄວາມສະຫົງບໃນ1ປີຜ່ານມາ ກະຊວງປ້ອງກັນຄວາມສະຫງົບໄດ້ເອົາໃຈໃສ່ເປັນບັນຫາສຳຄັນ ໃນການກໍ່ສ້າງ ປັບປຸງກຳລັງປ້ອງກັນຄວາມສະຫງົບກໍ່ສ້າງພັກ ກໍ່ສ້າງພະນັກງານ ແລະ ອົງການຈັດຕັ້ງມະຫາຊົນໃນທຸກດ້ານ ເພື່ອໃຫ້ມີຄວາມໜັກແໜ້ນທາງດ້ານການເມືອງແນວຄິດ ເຂັ້ມແຂງທາງດ້ານການຈັດຕັ້ງ ມີຄວາມຊຳນິຊຳນານທາງດ້ານວຽກງານວິຊາສະເພາະ ໂດຍຕິດພັນກັບວຽກງານກໍ່ສ້າງຮາກຖານການເມືອງ ຂະບວນການແຂ່ງຂັນ ‘ຮັກຊາດແລະ ພັດທະນາ’ ແລະ ‘ວຽກງານ 3 ສ້າງ’. ເພື່ອບັນລຸ 4 ຄາດໝາຍ, 4 ບຸກທະລຸ ແລະ ວຽກງານຈຸດສຸມຂອງກະຊວງປ້ອງກັນຄວາມສະຫງົບວາງອອກ. ເພື່ອສືບຕໍ່ຜັນຂະຫຍາຍມະຕິ 09 ມະຕິ 03 ຂອງກົມການເມືອງສູນກາງພັກ ເຊິ່ງຜ່ານການຈັດຕັ້ງປະຕິບັດໃນການຫັນເອົາພະນັກງານ ເຮັດວຽງກງານກໍ່ສ້າງຮາກຖານ ສາມາດສ້າງບ້ານປ້ອງກັນຄວາມສະຫງົບດີໄດ້ 3.401ບ້ານ, ສ້າງຄອບຄົວປ້ອງກັນຄວາມສະຫງົບດີ 4ແສນກວ່າຄອບຄົວ, ສ້າງບ້ານພັດທະນາໄດ້ 4ພັນກວ່າບ້ານ, ບ້ານປອດຄະດີໄດ້ 53ບ້ານ, ບ້ານພັດທະນາໄດ້ 15ບ້ານ, ສ້າງຄອບຄົວພັດທະນາໄດ້ 8ແສນກວ່າຄອບຄົວ ແກ້ໄຂຄອບຄົວທຸກທຸກຍາກໄດ້ 92ພັນກວ່າຄອບຄົວ.

ຜ່ານການຈັດຕັ້ງວຽກງານປ້ອງກັນຄວາມສະຫງົບໃນ 1ປີ ທົ່ວປະເທດສາມາດມ້າງລາຍຄະດີຕ່າງໆທີ່ເກີດຂຶ້ນໄດ້ທັງໝົດ 8,403ລາຍ, ກັກຕົວຜູ້ກະທຳຜິດໄດ້ 5.361ຄົນ,ຍິງ 658ຄົນ, ຍືດລົດໃຫຍ່ໄດ້ 95 ຄັນ ລົດຈັກ 275ຄັນ, ຢາບ້າ571,71 ກິໂລກຣາມ, ເຮໂລອິນ 134,84 ກິໂລກຣາມ, ຢາໄອ 141,91 ກິໂລກຣາມ ແລະ ອື່ນໆ.

DSC_2062(cut)

Off

Comments are closed.