29th Jun2022

ກົມສື່ສານ ສະຫຼຸບຜົນງານ 6 ເດືອນຕົ້ນປີ

by somda phoneor

ກົມສື່ສານ ກະຊວງ ປກສ ຈັດກອງປະຊຸມສະຫຼຸບການເຄື່ອນໄຫວວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2022 ໃນວັນທີ 28 ມິຖຸນາ ໂດຍການເປັນປະທານຂອງ ພັອ ບົວພັນ ສີສະຫວັດ ຮອງຫົວໜ້າກົມສື່ສານ, ມີຫົວໜ້າຫ້ອງການ, ພະແນກ ພ້ອມດ້ວຍພະນັກງານ-ນັກຮົບ ເຂົ້າຮ່ວມ.

ພັທ ພູຊັນ ວົງໄຊ ຮອງຫົວໜ້າຫ້ອງການ ໄດ້ລາຍງານໃຫ້ຮູ້ວ່າ: ຕະຫຼອດໄລຍະ 6 ເດືອນຜ່ານມາ, ຄະນະພັກ-ຄະນະບັນຊາ ໄດ້ເອົາໃສ່ໃສ່ຢ່າງຕັ້ງໜ້າໃນການສຶກສາອົບຮົມການເມືອງ-ແນວຄິດໃຫ້ພະນັກງານ-ນັກຮົບຢ່າງເປັນປົກກະຕິ ແລະ ຕໍ່ເນື່ອງ ຄຽງຄູ່ກັບການຈັດຕັ້ງປະຕິບັດວິຊາສະເພາະຕາມພາລະບົດບາດ ແລະ ໜ້າທີ່ໃຫ້ມີຜົນສໍາເລັດຕາມຄາດໝາຍ ເຊິ່ງສະແດງອອກ ໄດ້ປັບປຸງວຽກງານວິຊາສະເພາະຕິດຕໍ່ສື່ສານລະບົບປ້ອງກັນຕົວເມືອງໃນຂອບເຂດທົ່ວປະເທດ, ສ້ອມແປງ-ປ່ຽນຖ່າຍລະບົບກາວເບດສູນວິທະຍຸທີ່ຖືກຄົນຮ້າຍຕັດສາຍກາວ ແລະ ສ້ອມແປງແອຢູ່ສູນວິທະຍຸສື່ສານທັນສະໄໝຂອງແຕ່ລະຈຸດສຳເລັດ, ເຂົ້າໂປແກຣມຈັກໂຟນີໃຫ້ກົມກອງອ້ອມຂ້າງກະຊວງ ແລະ ປກສ ແຂວງ ທົ່ວປະເທດຈຳນວນ 4.357 ເຄື່ອງ, ຈັກຕິດລົດ 15 ເຄື່ອງ ແລະ ສ້ອມແປງເຄື່ອງຈັກທີ່ເປ່ເພ ໄດ້ 178 ເຄື່ອງ, ປະກອບເອກະສານຊຳລະຄ່າໂທລະສັບໃຫ້ບໍລິສັດໂທລະຄົມມະນາຄົມ – ມະຫາຊົນປະຈໍາແຕ່ລະເດືອນ, ປະກອບເອກະສານຂໍຖອນເງິນສົດເພື່ອຊຳລະຄ່າເຊົ່າຕູ້ໄປສະນີປະຈຳປີ ທັງຕິດຕາມກວດກາການປ່ອຍໝາຍເລກໂທລະສັບ ຈໍານວນ 13 ໝາຍເລກ ໃຫ້ກົມຄຸມຂັງດັດສ້າງ ແລະ ລົງແກ້ໄຂເບີໂທ ຢູ່ວິທະຍາຄານສັນຕິບານປະຊາຊົນ ສຳເລັດ, ຕິດຕັ້ງ-ສ້ອມແປງ ໂທລະສັບໃຫ້ກົມກອງອ້ອມຂ້າງກະຊວງ ໄດ້ 335 ເບີ ແລະ ຕັດຕໍ່ສາຍກາບ 100 ຄູ່ ໃຫ້ກົມໃຫຍ່ຕໍາຫຼວດສໍາເລັດ, ໄດ້ປະຊຸມຮ່ວມກັບກະຊວງເທັກໂນໂລຊີ ແລະ ການສື່ສານໃນການລົງທະບຽນເບີໂທລະສັບໃຫ້ຖືກຕ້ອງຕາມລະບຽບຫຼັກການ, ກວດກາ ແລະ ສ້ອມແປງສາຍກາບທີ່ຖືກຕັດຈາກຈຸດໄຟແດງທາດຫຼວງຫາ ປກສ ນະຄອນຫຼວງໄລຍະ 154 ແມັດ ແລະ ສ້າງຜັງແລວສາຍຈຸດຕໍ່ສາຍກາບຫາແຕ່ລະພາກສ່ວນສໍາເລັດຕາມຄາດໝາຍ.

ນອກນັ້ນ, ຍັງໄດ້ຕິດຕາມກວດກາ ແລະ ສ້ອມແປງກ້ອງວົງຈອນປິດຕາມເສັ້ນທາງຕ່າງໆທີ່ມີການເປ່ເພໃຊ້ງານບໍ່ໄດ້ທີ່ເກີດຈາກໄຟໃໝ້, ລົດຕຳ, ກຸ່ມຄົນບໍ່ດີລັກຕັດສາຍ ແລະອື່ນໆ ສາມາດແປງໄດ້ 157 ຄັ້ງ ມີທັງໝົດ 859 ຈຸດ, ກວດກາບຳລຸງຮັກສາລະບົບອິນເຕີເນັດໃຫ້ບັນດາກົມກອງອ້ອມຂ້າງກະຊວງ ຈໍານວນ 39 ຄັ້ງ ແລະ ສົມທົບກັບ ບໍລິສັດ LTCC ໃນການວາງສາຍສົ່ງຕາມແລວທາງດ່ວນ ນັບແຕ່ນະຄອນຫຼວງວຽງຈັນ ຫາ ວັງວຽງ ໄດ້ສຳເລັດໄປແລ້ວ 80% ຂອງໄລຍະທາງທັງໝົດ.

ໃນຕໍ່ໜ້າ, ກົມສື່ສານ ຈະໄດ້ສືບຕໍ່ຈະຕັ້ງປະຕິບັດບັນດາແຕ່ລະໜ້າວຽກໃຫ້ສໍາເລັດຕາມເປົ້າໝາຍ 100% ເປັນຕົ້ນແມ່ນສືບຕໍ່ຕິດຕາມລະບົບສູນຢູ່ບັນດາ ປກສ ແຂວງ, ປກສ ເມືອງ ແລະ ດ່ານສາກົນໃຫ້ມີຄວາມຮັບປະກັນແກ່ການຊີ້ນໍາ-ນໍາພາຈາກການນໍາຂັ້ນຕ່າງໆ ແລະ ຕິດຕາມສ້ອມແປງບັນດາເຄື່ອງຈັກ-ອຸປະກອນສື່ສານ, ການເຂົ້າໂປແກຼມໃຫ້ບັນດາກົມກອງ ແລະ ທ້ອງຖິ່ນໃຫ້ເປັນປົກກະຕິ ຮັບປະກັນໄດ້ຄວາມສະດວກວ່ອງໄວໃນການນໍາໃຊ້ອຸປະກອນສື່ສານເຂົ້າໃນວຽກງານວິຊາສະເພາະໃຫ້ທັນກັບສະພາບການ.

Off

Comments are closed.