08th Jan2016

ກົມໃຫຍ່ 502 ປະກາດເລື່ອນຊັ້ນໃຫ້ ນາຍຕຳຫຼວດໃຫ້ຜູ້ທີ່ມີຜົນງານດີເດັ່ນ.

by somchan

ກົມໃຫຍ່ສັນຕິບານກະຊວງ ປກສ ໄດ້ປະກາດເລື່ອນຊັ້ນ ໃຫ້ນາຍຕຳຫຼວດ ໃນວັນທີ 7 ມັງກອນ 2016ນີ້ ໂດຍການເຂົ້າຮ່ວມເປັນກຽດ ພົຈວ ບຸນມີ ແສງຄຳຢອງ ຄະນະປະຈຳພັກກະຊວງ ຫົວໜ້າກົມໃຫຍ່ສັນຕິບານ, ມີຄະນະພັກ ພະນັກງານຫຼັກແຫຼ່ງ ແລະຜູ້ໄດ້ຮັບການເລື່ອນຊັ້ນເຂົ້າຮ່ວມ.

ພັທ ສີທັນ ຄຳສົມພູ ຮອງຫົວໜ້າຫ້ອງການເມືອງ ກົມໃຫຍ່ສັນຕິບານໄດ້ຜ່ານດຳລັດຂອງລັດຖະມົນຕີ ວ່າການກະຊວງ ປກສ ແລະຂໍ້ຕົກລົງຂອງ ກົມໃຫຍ່ການເມືອງ ປກສ ວ່າດ້ວຍການເລື່ອນຊັ້ນ ໃຫ້ນາຍຕຳຫຼວດທີ່ມີຜົນງານດີເດັ່ນ ໃນການຈັດຕັ້ງປະຕິບັດໜ້າທີ່ວຽກງານວິຊາສະເພາະທີ່ພັກ-ລັດ ແລະ ການຈັດຕັ້ງຂັ້ນເທິ່ງມອບໝາຍໃຫ້ໃນໄລຍະຜ່ານມາ ເຊິ່ງມີຜູ້ໄດ້ຮັບການເລື່ອນທັງໝົດນີ້ມີ 17 ສະຫາຍ. ໃນນີ້ ເລື່ອນຊັ້ນນາຍພັນ 9ສະຫາຍ, ນາຍຮ້ອຍ 8 ສະຫາຍ. ໃຫ້ກຽດປະດັບຊັ້ນໃນຄັ້ງນີ້ໂດຍ ພົຈວ ບຸນມີ ແສງຄໍາຢອງ ຄະນະປະຈະພັກກະຊວງ ຫົວໜ້າກົມໃຫຍ່ສັນຕິບານ ພ້ອມທັງໃຫ້ທິດຊີ້ນຳ ຕໍ່ນາຍຕຳຫຼວດທີ່ໄດ້ຮັບການເລື່ອນໃຫມ່ໃນຄັ້ງນີ້ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານ ຜົນສຳເລັດໃນການຈັດຕັ້ງປະຕິບັດເຮັດໜ້າທີ່ວຽກງານວິຊາສະເພາະໃນໄລຍະຜ່ານມາມີຜົນສຳເລັດຫຼາຍດ້ານ ພ້ອມທັງເໜັ້ນໜັກໃຫ້ເພີ່ມທະວີເອົາໃຈໃສ່ເຮັດໜ້າທີ່ການເມືອງທີ່ພັກລັດ ແລະ ການຈັດຕັ້ງມອບໝາຍໃຫ້ໃຫ້ມີຜົນງານໃໝ່ ຍິ່ງໃຫຍ່ກວ່າເກົ່າ ສົມກັບຊັ້ນ ແລະ ໜ້າທີ່ທີ່ໄດ້ຮັບມອບໝາຍ.

 

Off

Comments are closed.