30th Jun2022

ປະກາດໂຮງຮຽນປະຖົມ 15 ແຫ່ງ ຂຶ້ນກັບເມືອງສີສັດຕະນາກ ເປັນໂຮງຮຽນປອດສິ່ງເສບຕິດ.

by somchan

ໃນວັນທີ 28 ມິຖຸນາ 2022, ຢູ່ໂຮງຮຽນປະຖົມສົມບູນດອນນົກຂຸ້ມ ເມືອງສີສັດຕະນາກ ນະຄອນຫຼວງວຽງຈັນ ໄດ້ຈັດພິທີປະກາດໂຮງຮຽນປະຖົມສົມບູນ 15 ແຫ່ງ ພາຍໃນເມືອງສີສັດຕະນາກ ເປັນໂຮງຮຽນປອດສິ່ງເສບຕິດ, ເຂົ້າຮ່ວມໂດຍທ່ານ ສິງຫາ ວົງພັກດີ ຫົວໜ້າຫ້ອງວ່າການປົກຄອງ ເມືອງສີສັດຕະນາກ, ທ່ານ ສີທົນ ດາວພະສິດ ຮອງຫົວໜ້າພະແນກສຶກສາທິການ ແລະ ກິລາ ນະຄອນຫລວງວຽງຈັນ, ທ່ານ ຄໍາສິງ ດວງດາລາ ຫົວໜ້າຫ້ອງການສຶກສາທິການ ແລະ ກິລາ ເມືອງສີສັດຕະນາກ, ພັທ ສີທາດ ໜູການ ຮອງຫົວໜ້າພະແນກຕໍາຫຼວດ ຊີ້ນໍາວຽກງານສະກັດກັ້ນ ແລະ ຕ້ານຢາເສບຕິດ ກອງບັນຊາການ ປກສ ເມືອງສີສັດຕະນາກ, ມີພະນັກງານ ຄູ-ອາຈານ ແລະ ນ້ອງນັກຮຽນ ເຂົ້າຮ່ວມ.

ທ່ານຫົງແກ້ວ ທໍາມະວົງ ຫົວໜ້າຂະແໜງພາລະ – ສິລະປະ ພະແນກສຶກສາທິການ ແລະ ກິລາ ນະຄອນຫລວງວຽງຈັນ ໄດ້ຜ່ານຂໍ້ຕົກລົງ ວ່າດ້ວຍການປະກາດໂຮງຮຽນປະຖົມສົມບູນ 15 ແຫ່ງ ຢູ່ເມືອງສີສັດຕະນາກ ເປັນໂຮງຮຽນປອດສິ່ງເສບຕິດ ໃນສົກປີ 2020-2021; ໃນນີ້ ມີໂຮງຮຽນປະຖົມສົມບູນດອນນົກຂຸ້ມ, ໂພນປ່າເປົ້າ, ສະພານທອງເໜືອ, ສະພານທອງໃຕ້, ໂພນສະຫວ່າງ, ໂພນສີນວນ, ສ້າງເຫວີຍ, ໄຊສະຖານ, ພະໄຊ, ສີອໍາພອນ, ໂຮງຮຽນປະຖົມສົມບູນໂກເດນ, ໂຮງຮຽນປະຖົມສົມບູນໄຊປະເສີດ, ໂຮງຮຽນປະຖົມສົມບູນວຽງຈັນກະຣໍລີ, ໂຮງຮຽນປະຖົມສົມບູນສີວັດທະນາ ແລະ ໂຮງຮຽນປະຖົມສົມບູນມິດເຊີ້ນສິງກະໂປ ເປັນໂຮງຮຽນປອດສິ່ງເສບຕິດ ໂອກາດນີ້ ທ່ານ ສີທົນ ດາວພະສິດ ຮອງຫົວໜ້າພະແນກສຶກສາທິການ ແລະ ກິລາ ນະຄອນຫລວງວຽງຈັນ ກໍ່ໄດ້ມອບປ້າຍຢັງຢືນໃຫ້ທັງ 15 ໂຮງຮຽນ.

Off

Comments are closed.