06th Jul2022

ນາຍົກລັດຖະມົນຕີ ຕ້ອນຮັບ ປະທານຄະນະ ກຳມະການປະຊາຊົນ ແຂວງຮ່າຕິ້ງ ສສ ຫວຽດນາມ.

by somchan

ທ່ານ ພັນຄຳ ວິພາວັນ ນາຍົກລັດຖະມົນຕີ ໄດ້ໃຫ້ກຽດຕ້ອນຮັບ ການເຂົ້າຢ້ຽມຂໍ່ານັບຂອງ ທ່ານ ຫວໍ ຈ້ອງ ຫ້າຍ ຮອງເລຂາພັກແຂວງ, ປະທານຄະນະກຳມະການປະຊາ ຊົນແຂວງຮ່າຕິ້ງ ສສ ຫວຽດນາມ ພ້ອມດ້ວຍຄະນະ ໃນວັນທີ 5 ກໍລະກົດ 2022 ນີ້, ໃນໂອກາດເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນລະຫວ່າງວັນທີ 4-7 ກໍລະກົດນີ້.

ໃນໂອກາດທີ່ມີຄວາມໝາຍສໍາຄັນນີ້ ທ່ານ ພັນຄຳ ວິພາວັນ ນາຍົກລັດຖະມົນຕີ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ ທ່ານ ຫວໍ ຈ້ອງ ຫ້າຍ ທີ່ໄດ້ນຳພາຄະນະ ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ເຊິ່ງເປັນການປະກອບ ສ່ວນອັນສຳຄັນ ເຂົ້າໃນການຮັດແໜ້ນ ສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ໃຫ້ໄດ້ຮັບການພັດທະນາ ແລະ ແຕກດອກອອກຜົນ ຍິ່ງຂຶ້ນໄປເລື້ອຍໆ, ທັງເປັນການເສີມຂະຫຍາຍການພັວພັນຮ່ວມມືລະຫວ່າງແຂວງ ຫາ ແຂວງ ຂອງສອງປະເທດ ທີ່ມີຊາຍແດນຕິດຈອດກັນໃຫ້ໄດ້ຮັບການພັດທະນາ ແລະ ສືບຕໍ່ ໃຫ້ການສະໜັບສະໜູນຊ່ວຍເຫລືອເຊິ່ງກັນ ແລະ ກັນ ຕະຫລອດໄປ,ທັງເປັນການ ປະກອບສ່ວນເຂົ້າໃນການສະເຫລີມສະຫລອງ ປີສາມັກຄີມິດຕະພາບ ລາວ-ຫວຽດນາມ, ຫວຽດນາມ-ລາວ ໃຫ້ມີບັນຍາກາດອັນຟົດຟື້ນພ້ອມນີ້, ທ່ານນາຍົກລັດຖະມົນຕີ ຍັງໄດ້ສະແດງຄວາມຫວັງວ່າ ສອງປະເທດ ລາວ-ຫວຽດນາມ ຈະສືບຕໍ່ໃຫ້ການສະໜັບສະໜູນຊ່ວຍເຫລືອເຊິ່ງກັນ ແລະ ກັນໃນທຸກຂົງເຂດວຽກງານ ເພື່ອນຳເອົາຜົນປະໂຫຍດຕົວຈິງມາສູ່ປະຊາຊົນ ສອງຊາດ ລາວ-ຫວຽດນາມ,ເຮັດໃຫ້ການພົວພັນຮ່ວມມືອັນເປັນມູນເຊື້ອອັນຍາວນານ ລະຫວ່າງສອງປະເທດໃຫ້ໄດ້ຮັບການພັດທະນາຂຶ້ນໄປເລື້ອຍໆໃນອະນາຄົດ ແລະ ຍາວນານ.

ພ້ອມນີ້ ທ່ານ ຫວໍ ຈ້ອງ ຫ້າຍ ກໍໄດ້ສະແດງຄວາມຂອບໃຈ ມາຍັງທ່ານ ພັນຄຳ ວິພາວັນ ນາຍົກລັດຖະມົນຕີ ທີ່ໄດ້ສະຫລະເວລາອັນມີຄ່າ ໃຫ້ຕ້ອນຮັບຢ່າງອົບອຸ່ນໃນຄັ້ງນີ້, ພ້ອມທັງແຈ້ງໃຫ້ຊາບຈຸດປະສົງຂອງການເດີນທາງມາຢ້ຽມຢາມ ສປປ ລາວ ໃນຄັ້ງນີ້ໃຫ້ທ່ານ ນາຍົກລັດຖະມົນຕີໄດ້ຮັບຊາບແລະຈະເຮັດໃຫ້ສໍາເລັດຕາມການມອບໝາຍທີ່ພັກ-ລັດຖະບານມອບ

ໝາຍໃຫ້.

Off

Comments are closed.