06th Jul2022

ປກສ ກຸ່ມ 1 ຄົກເພີງ ເມືອງ ສັງທອງ ນະຄອນຫຼວງວຽງຈັນ ໄດ້ເປີດຂະບວນການວຽກງານກໍ່ສ້າງ ຮາກຖານການເມືອງ.

by somchan

ປກສ ກຸ່ມ 1 ຄົກເພີງ ເມືອງ ສັງທອງ ນະຄອນຫຼວງວຽງຈັນ ໄດ້ເປີດຂະບວນການວຽກງານກໍ່ສ້າງ ຮາກຖານການເມືອງ ເພື່ອຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຕິດພັນກັບການສ້າງຄອບຄົວ ແລະ ບ້ານປ້ອງກັນຄວາມສະຫງົບດີ ຢູ່ວັດທ່ານາສ້າງຫີນ ເມືອງ ສັງທອງ ນະຄອນຫຼວງວຽງຈັນ ໃນວັນທີ 5 ກໍລະກົດ 2022, ໂດຍການໃຫ້ກຽດເຂົ້າຮ່ວມຂອງ ພັທ ສີວິໄລ ພູມນະໄຊ ຫົວໜ້າກອງບັນຊາການ ປກສ ເມືອງ ສັງທອງ, ມີບັນດາຄະນະພັກ, ຄະນະນໍາ, ກອງບັນຊາການ, ປກສ ກຸ່ມ, ພະນັກງານກໍ່ສ້າງຮາກຖານການເມືອງ, ອຳນາດການປົກຄອງ ແລະ ປະຊາຊົນພາຍໃນບ້ານ ເຂົ້າຮ່ວມ.

ພົທ ສີທົນ ພົມມະວົງ ຫົວໜ້າ ປກສ ກຸ່ມ 1 ຄົກເພິງ ໄດ້ກ່າວວ່າ : ກຸ່ມ 1 ຄົກເພິງ ມີ 10 ບ້ານຂຶ້ນກັບ, ປະຈຸບັນໄດ້ສຳເລັດການເປີດຂະບວນການວຽກງານກໍ່ສ້າງຮາກຖານການເມືອງ ເພື່ອຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ແລະ ສ້າງຄອບຄົວ, ບ້ານປ້ອງກັນຄວາມສະກງົບດີແລ້ວ 3 ບ້ານ, ໂດຍຈະໄດ້ເລັ່ງໃສ່ການສະກັດກັ້ນ ແລະ ແກ້ໄຂບັນຫາຢາເສບຕິດ, ສ້າງ ແລະ ປະເມີນຄອບຄົວ, ບ້ານປອດຢາເສບຕິດ ແລະ ບ້ານປ້ອງກັນຄວາມສະຫງົບດີ ທັງນີ້ກໍເພື່ອຈັດຕັ້ງຜັນຂະຫຍາຍ ວາລະແຫ່ງຊາດ ຕາມແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ແນໃສ່ຮັບປະກັນສະຖຽນລະພາບ ທາງດ້ານການເມືອງ, ຄວາມສະຫງົບສຸກ ແລະ ຄວາມເປັນລະບຽບ ຮຽບຮອຍທາງດ້ານສັງຄົມ ທັງເປັນການປຸກລະດົມ ປະຊາຊົນພາຍໃນບ້ານ ປະກອບສ່ວນເຂົ້າໃນວຽກງານປ້ອງກັນຊາດ – ປ້ອງກັນຄວາມສະຫງົບ ໂດຍສຸມໃສ່ 6 ວຽກງານ ຄື: ວຽກງານຄຸ້ມຄອງສໍາມະຄົວ ແລະ ກໍ່ສ້າງຮາກຖານ, ວຽກງານປ້ອງກັນສະກັດກັ້ນ ແລະ ແກ້ໄຂຢາເສບຕິດ, ວຽກ ງານຄຸ້ມຄອງຄົນຕ່າງປະເທດ, ວຽກງານປັບປຸງກົງຈັກການຈັດຕັ້ງ ກຳລັງ ປກຊ ບກສ ແລະ ສຸມໃສ່ວຽກງານປະເມີນ ຜົນການສ້າງຕອບຄົວ ແລະ ບ້ານປ້ອງກັນຄວາມສະຫງົບດີ ໂດຍປະຕິບັດຕາມ 5 ມາດຖານເງື່ອນໄຂສຳລັບຄອບຄົວ ແລະ 6 ມາດຖານເງື່ອນໄຂສໍາລັບການສ້າງບ້ານປ້ອງກັນຄວາມສະຫງົບດີ.

 

 

Off

Comments are closed.