06th Jul2022

ການພົວພັນຮ່ວມມືກັນຢ່າງແໜ້ນແຟ້ນ ແລະ ມີຜົນງານຮ່ວມກັນຫຼາຍດ້ານ ຂອງສອງກໍາລັງຕຳຫຼວດ ລາວ-ຫວຽດນາມ.

by somchan

ພົນຕີ ຄໍາກິ່ງ ຜຸຍຫຼ້າມະນີວົງ ຄະນະປະຈໍາພັກກະຊວງ ຫົວໜ້າກົມໃຫ່ຍຕໍາຫຼວດ ກະຊວງປ້ອງກັນຄວາມສະຫງົບ, ໄດ້ໃຫ້ສໍາພາດຕໍ່ສື່ມວນຊົນປ້ອງກັນຄວາມສະຫງົບ, ເນື່ອງໃນໂອກາດສະເຫຼີມສະຫຼອງປີສາມັກຄີມິດຕະພາບລາວ-ຫວຽດນາມຄື: ວັນສ້າງຕັ້ງສາຍພົວພັນການທູດລາວຫວຽດນາມ ຄົບຮອບ 60 ປີ ແລະ ວັນເຊັນສົນທິສັນຍາມິດຕະພາບການຮ່ວມມືລາວ-ຫວຽດນາມຄົບຮອບ 45 ປີ, ໃນປີ2022ນີ້ ຕະຫຼອດໄລຍະທີ່ຜ່ານມາກະຊວງປ້ອງກັນຄວາມສະຫງົບລາວ ກໍ່ຄືກົມໃຫ່ຍຕໍາຫຼວດ ກະຊວງປ້ອງກັນຄວາມສະຫງົບລາວ ແລະ ກະຊວງປ້ອງກັນຄວາມສະຫງົບຫວຽດນາມ ກໍ່ຄືກົມກອງວິຊາສະເພາະອ້ອມຂ້າງກະຊວງປ້ອງກັນຄວາມສະຫງົບຫວຽດນາມ ໄດ້ສຸມທຸກຄວາມພະຍາຍາມຮ່ວມກັນຢ່າງຕັ້ງໜ້າໃນການຈັດຕັ້ງຜັນຂະຫຍາຍແຜນການຮ່ວມມືລະຫວ່າງ ກະຊວງປ້ອງກັນຄວາມສະຫງົບລາວ ກັບ ກະຊວງປ້ອງກັນຄວາມສະຫງົບຫວຽດນາມໃຫ້ນັບມື້ມີໜາກຜົນຍິ່ງໆຂື້ນ. ຜົນສໍາເລັດດັ່ງກ່າວກໍ່ໄດ້ສ້າງເງື່ອນໄຂອໍານວຍຄວາມສະດວກໃຫ້ບັນດາກົມກອງເຫຼົ່າວິຊາສະເພາະຢູ່ຂັ້ນສູນກາງ ແລະ ທ້ອງຖິ່ນໄດ້ມີໂອກາດ, ເງື່ອນໄຂແລກປ່ຽນບົດຮຽນ, ອໍານວຍຄວາມສະດວກ, ຊ່ວຍເຫຼືອເຊີ່ງກັນ ແລະ ກັນເຂົ້າໃຈຢ່າງເລິກເຊີ່ງຕໍ່ທິດຊີ້ນໍາຂອງຂັ້ນເທີງ ຂອງຕົນຕໍ່ວຽກງານການຮ່ວມມືຮອບດ້ານເພື່ອຮ່ວມມືກັນຕ້ານອາຊະຍາກໍາປະເພດຕ່າງໆ ພົ້ນເດັ່ນແມ່ນບັນຫາຢາເສບຕິດ, ຄ້າມະນຸດ,ຄາດຕະກໍາ ແລະ ອື່ນໆໃນນີ້ໄດ້ຮ່ວມກັນແກ້ໄຂກຸ່ມອາຊະຍາກໍາຂ້າມຊາດທີ່ມີການຈັດຕັ້ງ, ເປັນກຸ່ມແກ້ງ, ມີແຜນການເຄື່ອນໄຫວທີ່ເລິກແລບອັນໄດ້ສ້າງຄວາມຫຍຸ້ງຍາກບໍ່ນ້ອຍໃຫ້ແກ່ການປະຕິບັດໜ້າທີ່ປົກປັກຮັກສາຄວາມສະຫງົບ, ຄວາມເປັນລະບຽບຮຽບຮ້ອຍທາງສັງຄົມຂອງສອງປະເທດ ລາວ-ຫວຽດນາມ, ຜ່ານການຈັດຕັ້ງຜັນຂະຫຍາຍແຜນການຮ່ວມມືລະຫວ່າງກໍາລັງຕໍາຫຼວດ ລາວ ແລະ ກໍາລັງຕໍາຫຼວດຫວຽດນາມ, ໃນໄລຍະຜ່ານມາກໍ່ສາມາດບັນລຸໄດ້ຜົນສໍາເລັດອັນສະຫງ່າງາມຫຼາຍດ້ານໃນການຕ້ານອາຊະຍາກໍາ, ການຊ່ວຍເຫຼືອເຊີ່ງກັນ ແລະ ກັນທາງດ້ານວັດຖຸເຕັກນິກ ແລະ ປັດໃຈອື່ນໆ ເຊີ່ງເປັນການປະກອບສ່ວນຢ່າງໃຫຍ່ຫຼວງຕໍ່ວຽກງານຄວາມສະຫງົບ ແລະ ຄວາມເປັນລະບຽບຮຽບຮ້ອຍທາງສັງຄົມ, ແຕ່ເຖິງຢ່າງໃດກໍ່ຕາມການຮ່ວມມືຕ້ານອາຊະຍາກໍາ ແລະ ອາຊະກຳຂ້າມຊາດຂອງສອງປະເທດຂອງພວກເຮົາກໍ່ຍັງພົບຄວາມຫຍຸ້ງຍາກ, ສິ່ງທ້າທາຍ ແລະ ອຸປະສັກຕ່າງໆນາໆຢ່າງຫຼີກລ້ຽງບໍ່ໄດ້ເພາະບັນດາອາຊະຍາກໍາເປັນຕົ້ນແມ່ນການລັກລອບຄ້າຂາຍຢາເສບຕິດ, ການປຸ້ນຊັບພົນລະເມືອງ, ລັກຊັບ, ການຄ້າມະນຸດ, ການກະທໍາຜິດທາງດ້ານເສດຖະກິດ ແລະ ອາຊະຍາກໍາຂ້າມຊາດໃນຮູບແບບອື່ນໆ. ເວລາໃດພວກຄົນບໍ່ດີກໍ່ຊອກຫາຊ່ອງວ່າງເປັນຕົ້ນດ້ານກົດໜາຍຂໍ້ຕົກບົກຜ່ອງໃນການເຄື່ອນໄຫວດ້ານວິຊາສະເພາະຂອງກໍາລັງຕໍາຫຼວດ,ຄວາມບໍ່ເປັນລະບຽບເຂັ້ມງວດຂອງກໍາລັງເພື່ອເຄື່ອນໄຫວທໍາລາຍມ້າງເພໝາກຜົນຂອງການປະຕິວັດ,ຄວາມໝັ້ນຄົງ ແລະ ຄວາມເປັນລະບຽບຮຽບຮ້ອຍຂອງສອງປະເທດ ລາວ-ຫວຽດນາມ.

ພົນຕີ ຄໍາກິ່ງ ຜຸຍຫຼ້າມະນີວົງ ກ່າວຕື່ມວ່າ: ແຜນການສືບຕໍ່ການພົວພັນຮ່ວມມືສອງຝ່າຍໃນຕໍ່ໜ້າ ລະຫວ່າງ ກໍາລັງຕາຫຼວດ ລາວ ແລະ ກໍາລັງຕໍາຫຼວດຫວຽດນາມ ຈະໄດ້ເອົາໃຈໃສ່ ສືບຕໍ່ສຶກສາອົບຮົມໃຫ້ນາຍ ແລະ ພົນຕໍາຫຼວດເຊື່ອມຊຶມກໍາແໜ້ນ, ຮັບຮູ້ເຂົ້າໃຈຢ່າງ ເລິກເຊິ່ງ ຕໍ່ມູນເຊື້ອຄວາມສາມັກຄີພິເສດ ບໍ່ວ່າໃນສະພາບແວດລ້ອມໃດໂດຍສະເພາະໃນສະພາບປະຈຸບັນນີ້ຍິ່ງກວ່າເວລາໃດໝົດທີ່ 2 ພັກ-ລັດ,ປະຊາຊົນ 2 ຊາດລາວ-ຫວຽດນາມຕ້ອງສາມັກຄີກັນຢ່າງແໜ້ນແຟ້ນ,ປົກປ້ອງຊ່ວຍເຫຼືອຮ່ວມມື ເຊິງກັນ ແລະ ກັນ ສໍາລັບກໍາລັງປ້ອງກັນຄວາມສະຫງົບເວົ້າລວມ, ເວົ້າສະເພາະກໍາລັງຕໍາຫຼວດຈະຕ້ອງໄດ້ສືບຕໍ່, ຈັດຕັ້ງປະຕິບັດແຜນການສັນຍາຮ່ວມມືລະຫວ່າງກະຊວງປ້ອງກັນຄວາມສະຫງົບ ແລະ ກະຊວງປ້ອງກັນຄວາມສະຫງົບ ສສ ຫວຽດນາມ ທີ່ໄດ້ເຊັນຮ່ວມກັນແຕ່ລະປີໃຫ້ປະກົດຜົນເປັນຈິງ ເປັນຕົ້ນແມ່ນວຽກງານທີ່ພົວພັນໃນຄວາມຮັບຜິດຊອບຂອງ 2 ກາລັງຕໍາຫຼວດລາວ-ຫວຽດນາມໃຫ້ແໜ້ນແຟ້ນຍິ່ງໆຂື້ນ.

 

 

Off

Comments are closed.