06th Jul2022

ແກ້ໄຂມ້າງກຸ່ມແກ້ງລັກເຫຼັກລາງລົດໄຟ ຈັບຕົວພວກຖືກຫາໄດ້ທັງໝົດຈໍານວນດ 8 ຄົນ

by Peaung Thanonkeo

ເມື່ອບໍ່ດົນມານີ້ເຈົ້າໜ້າທີ່ຕໍາຫຼວດ ປກສ ກຸ່ມ VI ໄຮຄໍາ ແລະ ເຈົ້າໜ້າທີ່ຕໍາຫຼວດໜ່ວຍງານທາງລົດໄຟໄດ້ສົມທົບກັບອໍານາດການປົກບ້ານນາຄວາຍໃຕ້ ເມືອງ ໄຊເສດຖາ ນະຄອນຫຼວງວຽງຈັນ ລົງແກ້ໄຂມ້າງກຸ່ມແກ້ງລັກເຫຼັກລາງລົດໄຟ,ຢູ່ເຂດບ້ານນາຄວາຍໃຕ້,ເມືອງ ໄຊເສດຖາ, ນະຄອນຫຼວງວຽງຈັນ, ສາມາດຈັບຕົວພວກຖືກຫາໄດ້ທັງໝົດຈໍານວນດ8ຄົນຄື: ທ້າວ ບຸນມີ ຫຼືແຫຼ້ອາຍຸ 36 ປີ, ທ້າວ ຍັນ ຫຼືຍິນ ອາຍຸ 36 ປີ,ທ້າວ ບຸນເຖີງ ຫຼືນາຍ ອາຍຸ 40 ປີ,ທ້າວ ບຸນທະວີຫຼືແຂກອາຍຸ 31 ປີ,ທ້າວ ທອງດໍາຫຼືດໍາ ອາຍຸ 31 ປີ,ທ້າວ ພອນໄຊ ຫຼືຫຼາມ ອາຍຸ 32 ປີ,ທ້າວ ຝອດ ອາຍຸ 16 ປີ,ທ້າວ ສົມຄິດ ຫຼືຈີນ ອາຍຸ 31 ປີ, ທັງ8ຄົນ,ອາຊີບກໍາມະກອນ ຢູ່ບ້ານ ນາຄວາຍໃຕ້ ເມືອງໄຊເສດຖາ, ນະຄອນຫຼວງວຽງຈັນ,ຫຼັງຈາກນັ້ນຈື່ງນໍາສົ່ງໃຫ້ທາງໜ່ວຍງານຄະດີອາຍາ ປກສເມືອງໄຊເສດຖາ,ນະຄອນຫຼວງວຽງຈັນ, ດຳເນີນການສືບສວນ-ສອບສວນ ໂດຍທີ່ພວກກ່ຽວທັງ 8 ຄົນ,ໄດ້ໃຫ້ການສາລະພາບວ່າ ໄດ້ລັກເຫຼັກທາງລົດໄຟຢູ່ເຂດບ້ານ ນາຄວາຍໃຕ້ແທ້ຈໍານວນຫຼາຍຄັ້ງເຊິ່ງລວມຊັ່ງເປັນກິໂລ 1381 ກິໂລ,ແລ້ວເອົາໄປຂາຍໃຫ້ຮ້ານຊື້ຫຼັກເສດທົ່ວໄປ,ໄດ້ເງິນລວມທັງໝົດ 6 ລ້ານກວ່າກີບ,ແລ້ວເອົາມາແບ່ງປັນກັນໄປຊື້ຢາບ້າມາເສບຈົນໝົດ,ມາຮອດວັນທີ 27 ມິຖຸນາ 2022ຈື່ງຖືກເຈົ້າໜ້າທີກັກຕົວໄດ້,ປະຈຸບັນເຈົ້າໜ້າທີ່ພວມດໍາເນີນຄະດີຕາມກົດໝາຍ.

Off

Comments are closed.