13th Jan2016

ກະຊວງ ປກສ ຜ່ານແຜນການປ້ອງກັນ ກອງປະຊຸມໃຫຍ່ຄັ້ງທີ 10ຂອງພັກ

by somchan

ກະຊວງປ້ອງກັນຄວາມສະຫງົບ ຜ່ານແຜນການປ້ອງກັນກອງປະຊຸມໃຫຍ່ຄັ້ງທີ 10ຂອງພັກ ໃນວັນທີ 11ມັງກອນ 2016 ໂດຍພາຍໃຕ້ການເປັນປະທານຂອງ ພົນຕີ ກົງທອງ ພົງວິຈິດ ລັດຖະມົນຕີຊ່ວຍວ່າການ ກະຊວງປ້ອງກັນຄວາມສະຫງົບ, ມີບັນດາຄະນະພັກ-ຄະນະນຳກະຊວງ ແລະ ພະນັກງານກົມກອງອ້ອມຂ້າງກະຊວງ ປກສ ເຂົ້າຮ່ວມ.

ພັອ ສົມວັນ ສາຍລ້ອງພາ ຮອງຫົວໜ້າຫ້ອງວ່າການກະຊວງ ປກສ ໄດ້ຜ່ານແຜນການປ້ອງກັນກອງປະຊຸມໃຫຍ່ຄັ້ງທີ 10 ຂອງພັກປະຊາຊົນ ປະຕິວັດລາວ ໂດຍສະເພາະແມ່ນສະຫຼຸບຕີລາສະພາບການຕ່າງໆທີ່ເກີດຂຶ້ນໃນສັງຄົມ ພ້ອມນີ້ຄະນະພັກ-ຄະນະນຳກະຊວງ ປກສ ໄດ້ເຫັນດີເປັນເອກກະພາບແຕ່ງຕັ້ງຄະນະຮັບຜິດຊອບຊີ້ນຳ-ບັນຊາລວມ, ຄະນະຊີ້ນຳ-ບັນຊາຕົວຈິງ, ກອງເລຂາຊ່ວຍວຽກອະນຸກຳມະການປ້ອງກັນ, ຈຳນວນພົນແຕ່ລະກົມກອງ, ພາຫະນະຮັບໃຊ້ ແລະ ກຳນົດຈຸດປ້ອງກັນ ເຊິ່ງກັນກຳລັງທີ່ນຳເຂົ້າປ້ອງກັນໃນຄັ້ງນີ້ມີ 2ພັນ ກວ່າສະຫາຍ, ລົງປ້ອງກັນຢູ່ 31ຈຸດທີ່ສຳຄັນ ເພື່ອຮັບປະກັນໃຫ້ກອງປະຊຸມໃຫຍ່ຄັ້ງທີ 10ຂອງພັກປະຊາຊົນ ປະຕິວັດລາວ ຮັບປະກັນໄດ້ຄວາມສະຫງົບ ເປັນລະບຽບຮຽບຮ້ອຍໃນທຸກດ້ານ ພ້ອມດຽວກັນນີ້ ພົນຕີ ກົງທອງ ພົງວິຈິດ ລັດຖະມົນຕີວ່າການກະຊວງບັນກັນຄວາມສະຫງົບ ຍັງຮຽກຮ້ອງໃຫ້ບັນດາຄະນະຮັບຜິດຊອບທີ່ໄດ້ຮັບການແຕ່ງຕັ້ງ ຕ້ອງເອົາໃຈໃສ່ປະຕິບັນໜ້າທີ່ການເມືອງທີ່ພັກລັດ ແລະ ການຈັດຕັ້ງຂັ້ນເທິງມອບໝາຍໃຫ້ ໃຫ້ບັນລຸຕາມຈຸດປະສົງ ແລະ ຄາດໝາຍ.

 

Off

Comments are closed.