03rd Aug2022

ກໍາລັງ ປກຊ-ປກສ ບ້ານທາງໂຄ້ງ ໄດ້ຮຽນວິຊາສະເພາະ

by somda phoneor

ວັນທີ 2 ສິງຫາ 2022 ປກສ ກຸ່ມນາຝາຍ ເມືອງປາກງື່ມ ນະຄອນຫຼວງວຽງຈັນ ໄດ້ຝຶກອົບຮົມວິຊາສະເພາະໄລຍະສັ້ນ ໃຫ້ກໍາລັງ ປກຊ-ປກສ ບ້ານທາງໂຄ້ງ ໂດຍການນໍາພາຂອງ ພັທ ສົມພານ ປະເສີດ ຫົວໜ້າ ປກສ ກຸ່ມນາຝາຍ, ມີ ພັທ ອຸ່ນຫຼ້າ ເພັດສະດາວົງ ຫົວໜ້າພະແນກຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ ປກສ ເມືອງປາກງື່ມ, ພະນັກງານກໍ່ສ້າງຮາກຖານການເມືອງ ແລະ ກຳລັງ ປກຊ-ປກສ ບ້ານເຂົ້າຮ່ວມ.

ການຝຶກອົບຮົມຄັ້ງນີ້, ບັນດາກໍາລັງ ປກຊ-ປກສ ບ້ານ ໄດ້ຮຽນຮູ້ ແລະ ເຂົ້າໃຈກ່ຽວກັບວຽກງານຄຸ້ມຄອງສຳມະໂນຄົວ-ອາຊີບພິເສດ-ພາຫະນະພິເສດ, ສິດ ແລະ ໜ້າທີ່ຂອງກຳລັງ ປກສ ບ້ານ; ວຽກງານຮັກສາຄວາມສະຫງົບທາງດ້ານການເມືອງ, ວຽກງານຄຸ້ມຄອງຄົນຕ່າງປະເທດ ແລະ ຄຸ້ມຄອງເປົ້າໝາຍ, ວິທີເອົາຄໍາໃຫ້ການເບື້ອງຕົ້ນ ແລະ ການປ້ອງກັນສະຖານທີ່ເກີດເຫດ.

ໃນໂອກາດນີ້, ພັທ ສົມພານ ປະເສີດ ຮຽກຮ້ອງໃຫ້ກໍາລັງ ປກຊ-ປກສ ບ້ານ ເອົາໃຈໃສ່ຄົ້ນຄວ້າຈັດຕັ້ງປະຕິບັດແນວທາງນະໂຍບາຍຂອງພັກ, ກົດໝາຍ, ລະບຽບການຂອງລັດວາງອອກ ແລະ ຄຳສັ່ງຂອງຂັ້ນເທິງກ່ຽວກັບວຽກງານປ້ອງກັນຄວາມສະຫງົບ ພ້ອມທັງ ຝຶກຝົນຫຼ່ໍຫຼອມຕົນເອງ, ຍົກລະດັບການສຶກສາ, ວັດທະນະທໍາ ແລະ ວິຊາສະເພາະຕໍາຫຼວດ; ປົກປັກຮັກສາຄວາມສະຫງົບ, ຄວາມເປັນລະບຽບຮຽບຮ້ອຍພາຍໃນບ້ານ; ກຳແໜ້ນສະພາບກົນອຸບາຍ, ເລ່ຫຼ່ຽມການເຄື່ອນໄຫວຂອງບຸກຄົນ, ກຸ່ມຄົນບໍ່ດີຢູ່ພາຍໃນ ແລະ ພາຍນອກບ້ານຂອງຕົນເອງ ເພື້ອຮັບກັນທົ່ວກຸ່ມມີຄວາມພັດທະນາ, ສະຫງົບປອດໄພຫຼາຍຂຶ້ນກວ່າເກົ່າ.

Comments are closed.