03rd Aug2022

ກຸ່ມ 6 ສິນໄຊ ເອົາໃຈໃສ່ຈັດຕັ້ງປະຕິບັດວາລະແຫ່ງຊາດ ແກ້ໄຂບັນຫາຢາເສບຕິດ

by somda phoneor

ໃນວັນທີ 2 ສິງຫາ 2022 ປກສ ກຸ່ມ 6 ສິນໄຊ ເມືອງ ປາກງື່ມ ນະຄອນຫຼວງວຽງຈັນ ໄດ້ເປີດຂະບວນການວຽກກໍ່ສ້າງຮາກຖານການເມືອງຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ແລະ ສ້າງຄອບຄົວ,ບ້ານປ້ອງກັນຄວາມສະຫງົບດີ ຢູ່ບ້ານຫົວນາທົ່ງ ເມືອງປາກງື່ມ ນະຄອນຫຼວງວຽງຈັນ. ໂດຍການເຂົ້າຮ່ວມຂອງ ພັທ ອາທອນ ລິດປັນຍາ ຮອງຫົວໜ້າກອງບັນຊາການ ປກສ ເມືອງປາກງື່ມ. ມີບັນດາຫົວໜ້າ-ຮອງຫົວໜ້າກອງ, ພະແນກ, ໜ່ວຍງານ, ປກສ ກຸ່ມ, ອຳນາດການປົກຄອງບ້ານ ແລະ ປະຊາຊົນເຂົ້າຮ່ວມ.

ກອງປະຊຸມ ໄດ້ຮັບຟັງການລາຍງານສະຫຼຸບວຽກງານຂອງບ້ານ ແລະ ແຜນວຽກງານຈຸດສູມຂອງ ປກສ ກຸ່ມ ໃນທ້າຍປີຈະສຸມໃສ່ສ້າງບ້ານປອດຢາເສບຕິດ ແລະ ບ້ານປ້ອງກັນຄວາມສະຫງົບດີ, ຂຶ້ນບັນຊີເປົ້າໝາຍເພື່ອນຳຕົວມາສືກສາອົບຮົມ, ປັບປຸງ ປກສ ບ້ານ, ປກສ ໜ່ວຍ, ຈັດແບ່ງຈາກ 10-20 ຫຼັງຄາເຮືອນ ມາເປັນ 10-15 ຫຼັງຄາເຮືອນ,  ຖອດຖອນບົດຮຽນ ແລະ ບໍາລຸງສິດໜ້າທີ່ໃຫ້ ປກສ ບ້ານ.

ໃນກອງປະຊຸມ ພັທ ອາທອນ ລິດປັນຍາ ໄດ້ຮຽກຮ້ອງໃຫ້ ປກສ ກຸ່ມ ສຸ່ມໃສ່ກວດກາປະເມີນຄອບຄົວ, ຕ້ອງສ້າງໃຫ້ໄດ້ຕາມມາດຖານ, ເງື່ອນໄຂ ແລະ ມີຄຸນນະພາບ,  ສົມທົບກັບການຈັດຕັ້ງບ້ານ ເຮັດວຽກງານໂຄສະນາກຽວກັບ ຜົນຮ້າຍ ແລະ ໄພອັນຕະລາຍຂອງຢາເສບຕິດໃຫ້ເຂົ້າສູ່ລ່ວງເລິກ ແທດເຖິງປະຊາຊົນຢ່າງກວ້າງຂວາງ, ເກັບກຳຂຶ້ນບັນຊີເປົ້າໝາຍ. ປຸກລະດົມໃຫ້ປະຊາຊົນແຕ່ລະຄອບຄົວ, ມີສ່ວນຮ່ວມໃນການຮັກສາຄວາມສະຫງົບ ແລະ ການແກ້ໄຂບັນຫາຢາເສບຕິດຢູ່ພາຍໃນໜ່ວຍ ແລະ ບ້ານໃຫ້ຫຼຸດໜ້ອຍຖອຍລົງ.

Comments are closed.