04th Aug2022

ແມ່ຍິງກົມໃຫ່ຍການເມືອງ ປກສ ສະເຫລີມສະຫລອງວັນແມ່ຍິງລາວ ຄົບຮອບ 67 ປີ 20 ກໍລະກົດ 1955 – 20 ກໍລະກົດ 2022

by Peaung Thanonkeo

ສະຫະພັນມ່ຍິງກົມໃຫ່ຍການເມືອງ ປກສ ສະເຫລີມສະຫລອງວັນສ້າງຕັ້ງສະຫະພັນແມ່ຍິງລາວ ຄົບຮອບ 67 ປີ 20 ກໍລະກົດ 1955 – 20 ກໍລະກົດ 2022ໃນວັນທີ 5 ສິງຫາ 2022, ໂດຍການເປັນປະທານຂອງ ພັອ ນາງ ຈັນເດືອນ ເທພະວົງ ປະທານສະຫະພັນແມ່ຍິງກົມໃຫ່ຍການເມືອງ ປກສ, ໃຫ້ກຽດເຂົ້າຮ່ວມຂອງ ພົຈວ ຄຳສາຍ ຈັນທະວົງ ຮອງຫົວຫນ້າກົມໃຫ່ຍການເມືອງ ປກສ, ມີບັນດາຄະນະພັກ – ຄະນະກົມ, ຫ້ອງ-ໂຮງຮຽນ, ຫນ່ວຍແມ່ຍິງ ແລະ ສະມາຊິກແມ່ຍີງ ອ້ອມຂ້າງກົມໃຫ່ຍການເມືອງເຂົ່າຮ່ວມ.

ພິທີສະເຫລີມສະຫລອງໄດ້ຮັບຊົມການສະແດງສິນລະປະຈາກກອງສີລະປະກອນ ປກສ ປະກອບມີ ບົດຟ້ອມ,ບົດເພັງ ແລະ ຂັບລຳເພື່ອເປັນການສະເຫລີມສະຫລອງຜົນງານອັນພົ້ນເດັ່ນ ເວົ້າລວມເວົ້າສະເພາະແມ່ນຜົນງານທີ່ແມ່ຍີງກົມໃຫຍ່ການເມືອງຍາດມາໄດ້ໃນໄລຍະຜ່ານມາ ຈາກນັ້ນກໍ່ໄດ້ຮັບຟັງບົດສະຫລຸບການຈັດຕັ້ງປະຕິບັດວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ ຈາກ ພັທ ນາງລີວອນ ລາວລີ ຮອງປະທານສະຫະພັນແມ່ຍີງກົມໃຫຍ່ການເມືອງ ປກສ ທ່ານໄດ້ຍົກໃຫ້ເຫັນຜົນງານອັນພົ້ນເດັ່ນຫລາຍດ້ານ ເປັນຕົ້ນແມ່ນ ໄດ້ເອົາໃຈໃສ່ສຶກສາອົບຮົມການເມືອງນໍາພາແນວຄິດໃຫ້ສະມາຊິກແມ່ຍິງ ຄົ້ນຄວ້າເຊື່ອມຊຶມແນວທາງນະໂຍບາຍຂອງພັກ ກົດໝາຍຂອງລັດ ເອົາໃຈໃສ່ຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ ທີ່ສູນກາງສະຫະພັນແມ່ຍິງລາວວາງອອກ ແລະ ຕາມການຊີ້ນໍາ ຂອງສະຫະພັນແມ່ຍິງກະຊວງປ້ອງກັນຄວາມສະຫງົບໃນແຕ່ລະໄລຍະ, ໄດ້ນຳພາຈັດຕັ້ງເຜີຍແຜ່ເນື້ອໃນຂໍ້ແຂ່ງຂັນ 3 ດີ ໃຫ້ແກ່ສາມາຊິກແມ່ຍິງພາຍໃນກົມໃຫ່ຍການເມືອງ ຕິດພັນກັບກົມກອງ – ໜ່ວຍພັກປອດໃສ ເຂັ້ມແຂງ ໜັກແໜ້ນ ໂດຍນຳເອົາເນື້ອໃນຂໍ້ແຂ່ງຂັນ 03 ດີມາເປັນເນື້ອໃນສໍາຫຼວດ ກວດກາ ປະຈໍາເດືອນ, ປະຈຳໄຕມາດ,ປະຈຳປີ ແລະ ສະຫຼຸບຕີລາຄາຈັດແບ່ງປະເພດແມ່ຍິງ 03 ດີ ເຊິ່ງສະແດງອອກໃນ 06 ເດືອນ ຜ່ານມາ ສາມາດຕີລາຄາຈັດແບ່ງປະເພດບຸກຄົນ 3 ດີ ປະເພດ I ມີ 585 ຄົນ, ບຸກຄົນ 3 ດີ ປະເພດ II ມີ 09 ຄົນ, ຕົວແບບດ້ານຕ່າງໆ ມີ 05 ຄົນ, ຕົວແບບວິຊາສະເພາະມີ 02 ຄົນ, ຕົວແບບເສດຖະກິດມີ 03 ຄົນ, ໜ່ວຍສະຫະພັນແມ່ຍິງ 03 ດີ ປະເພດ I ມີ 15 ໜ່ວຍ, ໜ່ວຍສະຫະພັນແມ່ຍິງ 03 ດີ ປະເພດ II ມີ 01 ໜ່ວຍ, ສາມາດຕີລາຄາສະຫະພັນແມ່ຍິງກົມໃຫ່ຍການເມືອງເປັນສະຫະພັນແມ່ຍິງ 03 ດີ ປະເພດ I, ດ້ານວຽກງານນະໂຍບາຍ ໄດ້ເອົາໃຈໃສ່ຢ້ຽມຢາມຄອບຄົວພະນັກງານເຈັບເປັນ, ເກີດລູກ, ຊ່ວຍຄອບຄົວພະນັກງານເສຍຊີວິດ, ປຸກລະດົມທາງດ້ານວັດຖຸ, ຈິດໃຈ, ເຫືອແຮງຕາມສະພາບເງືອນໄຂຄວາມສະດວກຕົວຈິງ, ສະມາຊິກແມ່ຍິງໄດ້ຮັບການເລື່ອນຊັ້ນຂັ້ນ ຕ່າງໆ ມີ 49 ຄົນ,ໄດ້ເລື່ອນສະມາຊິກພັກສຳຮອງຂຶ້ນສົມບູນ 14 ສະຫາຍ,ຮຽນລະບຽບພັກ 08 ສະຫາຍ, ຮຽນສະໜັບສະໜູນ 03 ສະຫາຍ ຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງ 40 ສະຫາຍ, ກະຕຸກຊຸກຍູ້ຄວາມກ້າວໜ້າຂອງແມ່ຍິງໃນໄລຍະຜ່ານມາສູ້ຊົນໃຫ້ ສະມາຊິກແມ່ຍິງໄດ້ເຄື່ອນໄຫວໃນທຸກຂົງເຂດວຽກງານຕາມພາລະບົດບາດ ຄວາມຮູ້-ຄວາມສາມາດຕົວຈິງເອົາໃຈໃສ່ຊຸກຍູ້ສົ່ງເສີມຄວາມກ້າວໜ້າຂອງແມ່ຍິງ ແລະ ປະຕິບັດຄໍາຂັວນສິດສະເໝີພາບຍິງ – ຊາຍ ຕີດພັນກັບການພັດທະນາ, ການປົກປ້ອງສິດທິເດັກ ການໃຫ້ຄຳປຶກສາແກ່ຄອບຄົວທີ່ມີບັນຫາປະກົດການຍໍ້ທໍ້ຕ່າງໆຢູ່ບັນດາກົມກອງ ແລະ ອື່ນໆ.

ໂອກາດນີ້ກໍ່ໄດ້ມອບໃບຍ້ອງຍໍໃຫ້ກົມກອງກອງລວມຫມູ່ ຫນ່ວຍແມ່ຍີງ 3 ດີ  ບຸກຄົນ 3 ດີ ແລະ ໃບຊົມເຊີຍ ບຸກຄົນ 3 ດີ ເປັນກຽດມອບໂດຍ ພົຈວ ຄຳສາຍ ຈັນທະວົງ ຮອງຫົວຫນ້າກົມໃຫຍ່ການເມືອງ ປກສ.

 

 

Comments are closed.