04th Aug2022

ປະທານປະເທດ ແຫ່ງ ສາທາລະນະລັດປະຊາຊົນປະຕິວັດລາວ ຢ້ຽມຢາມ ເມືອງໄຊຍະບູລີ .

by somda phoneor

ໃນວັນທີ 4 ສິງຫາ 2022 ພະນະ ທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ປະທານປະເທດ ແຫ່ງ ສປປລາວ ພ້ອມດ້ວຍຄະນະ ໄດ້ເດີນທາງໄປຢ້ຽມຢາມ ສວນສາທາລະນະ ຊ້າງນ້ອຍກ໋ອບ ເມືອງໄຊຍະບູລີ ແຂວງໄຊຍະບູລີ ໃຫ້ກຽດຕ້ອນຮັບ ໂດຍ ທ່ານ ພົງສະຫວັນ ສິດທະວົງ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງໄຊຍະບູລີ ພ້ອມດ້ວຍ ການນໍາຂອງແຂວງ, ການນໍາຂອງເມືອງ, ພະນັກງານຫຼັກແຫ່ງຂອງແຂວງ, ຂອງເມືອງ ,ນ້ອງນ້ອຍນັກຮຽນ ຕ້ອນຮັບຢ່າງອົບອຸ່ນ

ໃນໂອກາດນີ້ ພະນະ ທ່ານ ທອງລຸນ ສີສຸລິດ ພ້ອມດ້ວຍຄະນະ ໄດ້ພ້ອມກັນປູກຕົ້ນໄມ້ ຈໍານວນ 2 ຕົ້ນ ເພື່ອເປັນທີລະນືກໄວ້ສວນຊ້າງນ້ອຍກ໋ອບ, ຈາກນັ້ນກໍ່ໄດ້ຢ້ຽມຊົມຮ້ານວ່າງສະແດງສີນຄ້າໂອ້ດ໋ອບ ເຊີ່ງປະກອບມີ: ຜະລິດຕະພັນໄມ້ດູ່-ໄມ້ຄ່າ, ເຫຼົ້າບັ້ງໄມ້ໄຜ່, ເຫຼົ້າກາເຄືອງສາມປີກ, ໜັງຍໍາ, ນໍ້າປູ, ແຈ່ວບອງ, ສົ້ມປາ, ລູກຊີ້ນ, ຍໍ່, ເສັ້ນເຂົ້າປຽກ, ເສັ້ນເຟີ, ໝາກໄມ້, ໄຂ່, ຜັກນານາຊະນິດ ເຊີ່ງເປັນສີນຄ້າໂອ້ດ໋ອບ ຂອງເມືອງໄຊຍະບູລີ ທ່ານຍັງໄດ້ສະແດງຄວາມຍ້ອງຍໍຊົມເຊີຍສີນຄ້າໂອ້ດ໋ອບຂອງເມືອງໄຊຍະບູລີ ວ່າເປັນສີນຄ້າທີ່ມີຄຸນນະພາບ ແລະ ຄວນໄດ້ຮັບການສົ່ງເສີມໃຫ້ເປັນສິນຄ້າຈຳໜ່າຍພາຍໃນ ແລະ ສົ່ງອອກຂາຍໄປຕ່າງປະເທດໃຫ້ຫຼາຍຂື້ນ, ເພື່ອກະຕຸ້ນເສດຖະກິດຂອງປະເທດໃຫ້ມີການຂະຫຍາຍຕົວເວົ້າລວມ, ເວົ້າສະເພາະກໍ່ແມ່ນຂອງແຂວງໄຊຍະບູລີ.

 

Comments are closed.