05th Aug2022

ຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ໄດ້ປັບປຸງ ແລະ ສ້ອມແປງ ໄຟເຍືອງທາງ ແລະ ໄຟອຳນາດ

by Peaung Thanonkeo

ທ່ານບຸນຈັນ ແກ້ວສີທຳມະ ຫົວຫນ້າຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ໄດ້ໃຫ້ສຳພາດວ່າ: ເພື່ອອຳນວຍຄວາມສະດວກໃຫ້ແກ່ການສັນຈອນໃນນະຄອນຫລວງວຽງຈັນ ໃຫ້ສະດວກ ຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ໄດ້ປັບປຸງ ແລະ ສ້ອມແປງ ໄຟເຍືອງທາງ ແລະ ໄຟອຳນາດ ໃນນະຄອນຫລວງວຽງຈັນ 8 ຈຸດໃນນະຄອນຫລວງວຽງຈັນ ເພື່ອອຳນວຍຄວາມສະດວກໃຫ້ແກ່ການສັນຈອນ ໃນນີ້ ມີ ໄຟແດງໂພນສະອາດ ໄຟແດງຫໍປະຊຸມແຫ່ງຊາດ ໄຟແດງລາດຄວາຍ (ບ້ານໂນນສະອາດ) ໄຟແດງສີບຸນເຮືອງ ໄຟແດງຮ່ອງໄກ່ແກ້ວ ໄຟແດງສີດຳດວນ ໄຟແດງໂຮງກາຍະສິນ ແລະ ໄຟແດງດົງປາແຫລບ ເນື່ອງຈາກໄຟອຳນາດຈຸດດັ່ງກ່າວເກົ່າແກ່ ແລະ ຊຸດໂຊມ ການສ້ອມແປງໃນຄັ້ງນີ້ທາງຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ໄດ້ສຸມໃສ່ການຕິດຕັ້ງ ແລະ ສ້ອມແປງ ປ່ຽນຖ່າຍລະບົບໄຟອຳນາດໄຫມ່ ຕິດຕັ້ງລະບົບໄຟຄືນໄຫມ່ (ໃນເມື່ອກ່ອນແມ່ນນຳໃຊ້ລະບົບໄຟໂຊລາເຊວ ປັບປ່ຽນມາເປັນລະບົບໄຟຟ້າ)

ປະຈຸບັນເຫັນໄດ້ວ່າມີຄວາມຫຍຸ້ງຍາກສັບສົນຫລາຍພໍສົມຄວນ ເຮັດໃຫ້ການຕິດຕັ້ງຊັກຊ້າ ສະເພາະຕົ້ນອາທິດນີ້ແມ່ນສຳເລັດການຕິດຕັ້ງແລ້ວ 2 ຈຸດຄຶ ໄຟແດງປະຕູໄຊ ແລະ ໄຟແດງໂພນສະອາດ ພາຍຫລັງສຳເລັດແລ້ວ ພວມສືບຕໍ່ໄປຈຸດອື່ນໆເພື່ອໃຫ້ສຳເລັດຕາມແຜນການ

 

Comments are closed.