10th Aug2022

ກົມພັກກົມໃຫຍ່ການເມືອງ ລົງເຄື່ອນໄຫວ ຕິດຕາມກວດກາ – ຊຸກຍູ້ຂະບວນການກໍ່ສ້າງຫນ່ວຍພັກປອດໃສເຂັ້ມແຂງ, ຫນັກແຫນ້ນ

by Peaung Thanonkeo

ກົມພັກ ກົມໃຫຍ່ການເມືອງ ປ້ອງກັນຄວາມສະຫງົບ ລົງເຄື່ອນໄຫວ ຕິດຕາມກວດກາ – ຊຸກຍູ້ຂະບວນການກໍ່ສ້າງຫນ່ວຍພັກ ປອດໃສເຂັ້ມແຂງ,ຫນັກແຫນ້ນ ປະຈຳປີ 2022 ຢູ່ກອງບັນຊາການປ້ອງກັນເຄື່ອນທີ່ ໃນວັນທີ 9 ສິງຫາ 2022ນີ້ ໂດຍການເຂົ້າຮ່ວມຂອງ ພັອ ທອງພັດ ແສນສຸວັນ ຄະນະພັກ ຮອງກອງບັນຊາການປ້ອງກັນເຄື່ອນທີ່ມີ ພັທ ລັດສະຫມີ ເພັງສະຫວັນ ຄະນະພັກ ຮອງຫົວຫນ້າກົມພັກ ພ້ອມດ້ວຍບັນດາຄະນະພັກຮາກຖານ ຫນ່ວຍພັກ ແລະ ສະມາຊິກພັກເຂົ້າຮ່ວມ ພັທ ລັດສະຫມີ ເພັງສະຫວັນ ຄະນະພັກ ຮອງກົມພັກ ໄດ້ກ່າວວ່າ: ຈຸດປະສົງການລົງເຄື່ອນໄຫວ ຕິດຕາມກວດກາ – ຊຸກຍູ້ຂະບວນການກໍ່ສ້າງຫນ່ວຍພັກ ປອດໃສເຂັ້ມແຂງ, ຫນັກແຫນ້ນ ປະຈຳປີ 2022 ໃນຄັ້ງນີ້ເພື່ອຕິດຕາມກວດກາ ການຈັດຕັ້ງປະຕິບັດກົດລະບຽບພັກ ປະຊາຊົນປະຕິວັດລາວສະໄໝທີ່ XI, ບັນດາມະຕິ, ຄຳສັ່ງ, ຄຳສັ່ງແນະນຳກ່ຽວກັບການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ການນໍາ ພາຂອງຄະນະພັກ ຕາມ 5 ຫລັກການ, 3 ທິດນໍາໃນການກໍ່ສ້າງ ແລະ ຂະຫຍາຍພັກ, ວຽກງານຄຸ້ມຄອງ ແລະ ລະບຽບການຍົກຍ້າຍຮ່ວມຊີວິດພັກ ອ້ອມຂ້າງກະຊວງປ້ອງກັນຄວາມສະຫງົບ, ກວດກາຄືນຕໍ່ແບບແຜນວິທີນໍາພາ – ບັນຊາ ຂອງຄະນະພັກແຕ່ລະຂັ້ນ ການດຳເນີນຮ່ວມຊີວິດພັກ, ປຶກສາຫາລື ແລກປ່ຽນບົດຮຽນຄວາມຮັບຮູ້ ແລະ ເຂົ້າໃຈຕໍ່ການຈັດຕັ້ງປະຕິບັດຂໍ້ກຳນົດ ແລະ ນິຕິກຳຕ່າງໆ ກ່ຽວກັບວຽກງານພັກເຊັ່ນ: ຂໍ້ກຳນົດ ຂອງຄະນະບໍລິຫານງານພັກກະຊວງປ້ອງກັນຄາມສະຫງົບ ວ່າດ້ວຍການຂະຫຍາຍພັກໃນກຳລັງປ້ອງກັນຄວາມສະຫງົບ. ຄຳສັ່ງແນະນຳ ຂອງຄະນະບໍລິຫານງານພັກກະຊວງປ້ອງກັນຄວາມສະຫງົບ ວ່າດ້ວຍການເພີ່ມທະວີວຽກງານຄຸ້ມຄອງ ແລະ ລະບຽບການຍົກຍ້າຍ ຮ່ວມຊີວິດພັກໃນກຳລັງປ້ອງກັນຄວາມສະຫງົບ. ແຈ້ງການແນະນຳເພີ່ມເຕີມ ຂອງກົມໃຫຍ່ການເມືອງປ້ອງກັນຄວາມສະຫງົບ ແນະນໍາຂັ້ນຕອນ, ວິທີການດໍາເນີນການກວດກາ, ຕີລາຄາແບ່ງ ປະເພດສະມາຊິກພັກ, ໜ່ວຍພັກ ແລະ ຄັດເລືອກໜ່ວຍພັກປອດໃສ, ເຂັ້ມແຂງ, ໜັກແໜ້ນ.

ຈາກນັ້ນກອງປະຊຸມກໍ່ໄດ້ຮັບຟັງການຜ່ານບົດລາຍງານຫຍໍ້ຂອງຄະນະພັກກອງບັນຊາການປ້ອງກັນເຄື່ອນທີ ກ່ຽວກັບການກໍ່ສ້າງຫນ່ວຍພັກປອດໃສເຂັ້ມແຂງຫນັກແຫນ້ນ ໃນໄລຍະຜ່ານມາເປັນຕົ້ນ ຄະນະພັກໄດ້ປັບປຸງ, ກໍ່ສ້າງພັກດ້ານການຈັດ ໃຫ້ມີຄວາມໜັກແໜ້ນ, ເຂັ້ມແຂງປະຕິບັດຢ່າງເຂັ້ມງວດ 05 ຫຼັກການ, 03 ທິດນໍາໃນການກໍ່ສ້າງ ແລະ ປັບປຸງພັກໂດຍ ຖືເອົາຄຸນນະພາບເປັນກົກ ແລະ ຖືກຕ້ອງຕາມມາດຖານເງື່ອນໄຂ, ບາດກ້າວຂັ້ນຕອນ ການຂະຫຍາຍພັກ, ດຳເນີນຊີວິດການເມືອງພາຍໃນພັກ ແລະ ປະຕິບັດລະບອບສ່ອງແສງລາຍງານ ຂັ້ນເທິງເປັນປົກກະຕິຈັດຕັ້ງຮຽນສະໜັບສະໜູນ ໃຫ້ມະຫາຊົນກ້າວໜ້າ 01 ຊຸດ ມີ 97 ສະຫາຍຍິງ 15 ສະຫາຍ, ຮຽນກົດລະບຽບພັກ 60 ສະຫາຍ, ຍິງ 07 ສະຫາຍ, ຮັບມະຫາຊົນກ້າວໜ້າເຂົ້າ ເປັນສະມາຊິກພັກສຳຮອງ 50 ສະຫາຍ, ຍິງ 06 ສະຫາຍ, ເລືອນສຳຂື້ນສົມບູນ 12 ສະຫາຍ, ຍິງ 01 ສະຫາຍ.ຄະນະພັກແຕ່ລະຂັ້ນ ໄດ້ເອົາໃຈໃສ່ນຳພາ-ຊີ້ນຳ ຂະບວນການກໍ່ສ້າງໜ່ວຍພັກ ປອດໃສ, ເຂັ້ມແຂງໜັກແໜ້ນ ຢ່າງເປັນຂະບວນຟົດຟື້ນ, ຖືກຕ້ອງຕາມຂັ້ນຕອນ, ເນື້ອໃນທີ່ຂັ້ນເທິງໄດ້ກໍານົດ ແລະ ໄດ້ຈັດພິທີມອບຮັບໃບຢັ້ງຢືນຖືກຕ້ອງ, ໃນ 1 ປີຜ່ານມາ ສາມາດຕີລາຄາ ແລະ ຈັດແບ່ງປະເພດການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ສາມາດຈັດແບ່ງສະມາຊິກພັກ ປະເພດແຂງ 440 ສະຫາຍ, ຍິງ 53 ສະຫາຍ, ປະເພດກາງ 13ສະຫາຍ, ຍິງ 04 ສະຫາຍ, ຕີລາຄາຄຸນນະພາບ ແລະ ແບ່ງປະເພດ ໜ່ວຍພັກ ປະເພດແຂງ ມີ 12 ໜ່ວຍ, ກາງ 01 ໜ່ວຍ ພ້ອມກັນນັ້ນຄະນະພັກແຕ່ລະຂັ້ນ ໄດ້ຖືເອົາ ກົດລະບຽບຂອງພັກ ເປັນບ່ອນອີງໃນການເຄື່ອນໄຫວຕົວຈິງ ນຳພາປະຕິບັດດໍາເນີນຊີວິດພັກ ປະຈຳເດືອນ, ໄຕມາດ, ປີ ແລະ ສະຫຼຸບລາຍງານເປັນປົກກະຕິ ເຮັດໃຫ້ປະຕິບັດສິດ, ພາລະ ບົດບາດການນຳພາ ຂອງຄະນະພັກແຕ່ລະຂັ້ນ ຍັງຮັກສາໄດ້ບົດບາດນຳພາ ແລະ ເປັນແກນນໍາ ຢູ່ບັນດາກົມກອງຢ່າງແທ້ຈິງ.

Off

Comments are closed.