10th Aug2022

ກອງປະຊຸມຄົບຄະນະບໍລິຫານງານພັກ ຫ້ອງວ່າການກະຊວງປ້ອງກັນຄວາມສະຫງົບ ຄັ້ງທີ 5 ສະໄໝທີ VI

by Peaung Thanonkeo

ກອງປະຊຸມຄົບຄະນະບໍລິຫານງານພັກ ຫ້ອງວ່າການກະຊວງປ້ອງກັນຄວາມສະຫງົບ ຄັ້ງທີ 5 ສະໄໝທີ VI, ໄດ້ຈັດໃນວັນທີ 10 ສິງຫາ 2022 ໂດຍການເປັນປະທານຂອງ ສະຫາຍ ພົຕ ສົມວັນ ສາຍລ້ອງພາ ຄະນະປະຈຳພັກກະຊວງ, ເລຂາຄະນະພັກ ຫົວໜ້າຫ້ອງວ່າການກະຊວງ ປ້ອງກັນຄວາມສະຫົງບ, ມີຮອງເລຂາ, ຄະນະປະຈຳພັກ, ຄະນະພັກກົມ, ຫ້ອງ ເຂົ້າຮ່ວມ.

     

 ສະຫາຍ ພົຈວ ສຸລິນະ ແກ້ວປະເສີດ ຄະນະພັກກະຊວງ ຮອງເລຂາຄະນະພັກ ຮອງຫົວໜ້າຫ້ອງວ່າການກະຊວງປ້ອງກັນຄວາມສະຫົງບ ໄດ້ຜ່ານບົດສະຫຼຸບການເຄື່ອນໄຫວນຳພາຂອງອົງຄະນະພັກຫ້ອງວ່າການ ກະຊວງ ປກສ ປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2022 ເຊີ່ງມີຜົນສຳເລັດດ້ານຫລາຍ ສະແດງອອກ ດ້ານນຳພາວຽກງານການເມືອງແນວຄິດ ໄດ້ເອົາໃຈໃສ່ຊີ້ນຳ-ນຳພາສຶກສາອົບຮົມການເມືອງແນວຄິດ ໃຫ້ຄະນະໜ່ວຍພັກ, ສະມາຊິກພັກ, ນາຍ ແລະພົນຕຳຫຼວດ ເຊື່ອມຊືມກຳແໜ້ນ, ມະຕິ, ຄຳສັ່ງ ກໍຄືແນວທາງນະໂຍບາຍຂອງພັກ, ກົດໝາຍຂອງລັດ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງສູນກາງພັກ, ມະຕິກອງປະຊຸມໃຫຍ່ ຄັ້ງທີ V ຂອງອົງຄະນະພັກກະຊວງ ປກສ ກໍຄືມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກ ຫ້ອງວ່າການກະຊວງເຂົ້າສູ່ທຸກຂົງເຂດວຽກງານໃຫ້ປະກົດຜົນເປັນຈິງ. ວຽກງານກໍ່ສ້າງພັກໄດ້ເອົາໃຈໃສ່ຊີ້ນຳ, ນຳພາວຽກງານປັບປຸງກໍ່ສ້າງໜ່ວຍພັກທົ່ວຫ້ອງວ່າການໃຫ້ມີຄວາມປອດໃສ, ເຂັ້ມແຂງ, ໜັກແໜ້ນໂດຍຖືເອົາການປັບປຸງທາງດ້ານການຈັດຕັ້ງ, ດ້ານການເມືອງແນວຄິດ, ການປະຕິບັດລະບຽບວິໄນເຂັ້ມງວດ, ມີແບບແຜນວິທີເຮັດວຽກທີ່ດີ, ມີຄວາມສາມັກຄີເປັນເອກະພາບພາຍໃນເພື່ອກ້າວໄປເຖິງຄວາມປະສົບຜົນສຳເລັດໃນໜ້າທີ່. ວຽກງານຂະຫຍາຍພັກ ແຕ່ລະໜ່ວຍພັກໄດ້ມີການສ້າງແຜນການ ແລະ ມອບໝາຍໃຫ້ສະມາຊິກພກສົມບູນຕິດຕາມມະຫາຊົນຜູ້ກ້າວໜ້າເພື່ອຂະຫຍາຍເປັນສະມາຊິກພັກ, ໃນ 6 ເດືອນຜ່ານມາສາມາດຂະຫຍາຍ ມະຫາຊົນປູ້ທີ່ມີຄວາມກ້າວໜ້າເຂົ້າຮຽນສະໜັບສະໜູນ 19 ສະຫາຍ, ຍິງ 10 ສະຫາຍ, ຮຽນກົດລະບຽບພັກ 9 ສະຫາຍ, ຍິງ 4 ສະຫາຍ, ເຂົ້າພັກສຳຮອງ 16 ສະຫາຍ, ຍິງ 4 ສະຫາຍ, ວຽກງານຈັດຕັ້ງບຳລຸງ-ກໍ່ສ້າງພະນັກງານ ໃນໄລຍະ 6 ເດືອນຜ່ານມາໄດ້ຄົ້ນຄ້ວາໃນການກໍ່ສ້າງນາຍ ແລະ ພົນຕຳຫຼວດ ເພື່ອໄປຍົກລະດັບວິຊາສະເພາະຢູ່ພາຍໃນ ແລະ ຕ່າງປະເທດໃຫ້ຖຶກຕ້ອງຕາມມາດຖານເງື່ອນໄຂ, ພ້ອມທັງຕິດຕາມນາຍ ແລະ ພົນຕຳຫຼວດທີ່ກຳລັງສຶກສາຮ່ຳຮຽນໃນສະຖາບັນຕ່າງໆເພື່ອຮັບປະກັນໝາກຜົນຂອງການສຶກສາຮັບໃຊ້ແກ້ໜ້າທີ່ວຽກງານໃນສະເພາະໜ້າ ແລະ ຍາວນານ,  ຄົ້ນຄ້ວາ ນຳສະເໜີຂັ້ນເທິງປັບປຸງກົງຈັກການຈັດຕັ້ງຂັ້ນກົມ, ຂັ້ນພະແນກ ທົ່ວຫ້ອງວ່າການ 2 ຄັ້ງ ມີນາຍຕຳຫຼວດໄດ້ຮັບການເລື່ອນຕຳແໜ່ງ 20 ສະຫາຍ, ສະເໜີເລື່ອນຊັ້ນໃຫ້ນາຍ ແລະ ພົນຕຳຫຼວດທົ່ວຫ້ອງວ່າການ 52 ສະຫາຍ, ເຂົ້າຮຽນທິດສະດີການເມືອງຊັ້ນສູງລະບົບເລັ່ງລັດ 5 ເດືອນ 2 ສະຫາຍ, ເຂົ້າຮຽນບຳລຸງວິຊາສະເພາະປກສ ລະບົບ 6 ເດືອນ ຈຳນວນ 6 ສະຫາ ຍ ແລະ ວຽກງານອື່ນໆ ມີຜົນສຳເລັດຕາມຄາດໝາຍທີ່ວາງໄວ້.

Off

Comments are closed.