11th Aug2022

ປກສ ເມືອງບໍລິຄັນ ກັກຕົວຜູ້ຖືກຫາຄ້າຂາຍຢາບ້າພ້ອມຂອງກາງ 10,264 ເມັດ

by Peaung Thanonkeo

ເມື່ອບໍ່ດົນມານີ້ ເຈົ້າຫນ້າທີ່ໜ່ວຍງານສະກັດກັ້ນ ແລະ ຕ້ານຢາເສບຕິດກອງບັນຊາການ ປກສ ເມືອງ ບໍລິຄັນ, ແຂວງ ບໍລິຄໍາໄຊ ສາມາດກັກຕົວຜູ້ຖືກຫາໄດ້ 01 ຄົນ ຊື່ ທ້າວ ຕູນີ່ (ນີ່) ອາຍຸ 25 ປີ,

ຢູ່ ບ້ານ ຫາດດອນຄູນ, ເມືອງ ບໍລິຄັນ, ແຂວງ ບໍລິຄໍາໄຊ ພ້ອມຂອງກາງ ຢາບ້າຈໍານວນ 10,264 ເມັດ. ຜ່ານການສຶບສວນ-ສວບສວນ ທ້າວ ຕູນີ່ (ນີ່) ໄດ້ຮັບສາລະພາບຕໍ່ເຈົ້າຫນ້າທີ່ວ່າ:

ຢາບ້າຈຳນວນດັງກ່າວເປັນຂອງຜູ້ກ່ຽວແທ້ເຊີ່ງໄດ້ຊື່ມາຈາກຄູ່ຮ່ວມຂະບວນການ, ໃນໄລຍະຜ່ານມາຜູ້ກ່ຽວໄດ້ເຂົ້າຮ່ວມໂຄງການ ສະກັດກັ້ນ ແລະ ຕ້ານຢາເສບຕິດ ຢູ່ໃນເປົ້າໝາຍຄ້າຂາຍ ແລະ ເສບຢາເສບຕິດ ( ປະເພດຢາບ້າ ) ໄດ້ເຮັດບົດບັນທຶກ ສຶກສາອົບຮົມມາແລ້ວ ແຕ່ຜູ້ກ່ຽວຍັງບໍ່ເຂັດຫຼາບ, ບໍ່ມີການປຽນແປ່ງແຕ່ຢ່າງໃດ ເຊີ່ງສ້າງຄວາມບໍ່ສະຫງົບ ແລະ ຄວາມບໍ່ເປັປນລະບຽບຮຽບຮ້ອຍໃນສັງຄົມ, ການກະທຳຂອງຜູ້ກ່ຽວແມ່ນຜິດໃນສະຖານຄ້າຂາຍຢາເສບຕິດ  ປະຈຸບັນເຈົ້າຫນ້າທີພ້ອມດຳເນີນຄະດີຕາມກົດໝາຍ.

Off

Comments are closed.