12th Aug2022

ກອງບັນຊາການປ້ອງກັນທີ່ຕັ້ງປະກາດປັບປຸງການຈັດຕັ້ງ

by somda phoneor

ກອງບັນຊາການປ້ອງກັນທີ່ຕັ້ງ ກະຊວງ ປ້ອງກັນຄວາມສະຫງົບ ຈັດພິທີ ປະກາດການແຕ່ງຕັ້ງ ຮອງຫົວໜ້າກອງບັນຊາການປ້ອງກັນທີ່ຕັ້ງ ຄົນໃໝ່ ໃນວັນທີ 12 ສິງຫາ 2022 ໂດຍມີ  ທ່ານ ພົຕ ວັນທອງ ກອງມະນີ ຮອງລັດຖະມົນຕີ ຫົວໜ້າກົມໃຫຍ່ການເມືອງ ກະຊວງ ປກສ ມີຄະນະພັກຄະນະບັນຊາ ອ້ອມຂ້າງເຂົ້າຮ່ວມ.

 

ພັອ ສົມພອນ ແກ້ວພູທອນ ຮອງຫົວຫນ້າກົມຈັດຕ້ງພະນັກງານ ກົມໃຫຍ່ການເມືອງ ປກສ ໄດ້ຜ່ານຂໍ້ຕົກລົງຂອງລັດຖະມົນຕີກະຊວງ ປກສວ່າດ້ວຍການແຕ່ງຕັ້ງນາຍຕຳຫຼວດ ທີ່ຂຶ້ນກັບກອງບັນຊາການປ້ອງກັນທີ່ຕັ້ງ ໃນນີ້, ໄດ້ແຕ່ງຕັ້ງ ພັອ ຄຳແກ້ວ ມະໂນລາ ເປັນຮອງຫົວໜ້າກອງບັນຊາການປ້ອງກັນທີ່ຕັ້ງ ສ່ວນຫົວໜ້າ ແລະ ຮອງທີ່ມີຢູ່ແລ້ວ ແມ່ນຮັກສາໄວ້ຄືເກົ່າ.

ໃນພິທີ ບັນດາຜູ້ເຂົ້າຮ່ວມຍັງໄດ້ຮັບຟັງການໂອ້ລົມ ຂອງ ທ່ານ ພົຕ ວັນທອງ ກອງມະນີ ຮອງລັດຖະມົນຕີ ຫົວໜ້າກົມໃຫຍ່ການເມືອງ ກະຊ່ວງ ປກສ ທ່ານໄດ້ເນັ້ນໜັກ ແລະ ໃຫ້ທິດເຍຶອງທາງໃນການຈັດຕັ້ງປະຕິບັດວຽກງານວິຊາສະເພາະໃຫ້ມີຄວາມສາມັກຄີ, ມີຄວາມເປັນເອກະພາບ ພ້ອມກັນປັບປຸງກອງບັນຊາການປ້ອງກັນທີ່ຕັ້ງໃຫ້ໜັກແໜ້ນເຂັ້ມແຂງໃນທຸກໆດ້ານ ໂດຍສະເພາະແມ່ນຜູ້ທີ່ໄດ້ຮັບການແຕ່ງຕັ້ງໃໝ່ ຈົ່ງເອົາໃຈໃສ່ເຮັດວຽກງານສຶກສາອົບຮົມການເມືອງແນວຄິດໃຫ້ ພະນັກງານ-ນັກຮົບ ມີແນວຄິດອຸ່ນອ່ຽນທຸ່ນທຽງບໍລິສຸດຕໍ່ຊາດຮັບໃຊ້ປະຊາຊົນຢ່າງແທ້ຈິງ.

Off

Comments are closed.