12th Aug2022

ປກສ ກຸ່ມນາຊາຍທອງ ສຸມໃສ່ການແກ້ໄຂປະກົດການຫຍໍ້ທໍ້ໃນສັງຄົມ

by somda phoneor

ປກສ ກຸ່ມນາຊາຍທອງ ເມືອງນາຊາຍທອງ ນະຄອນຫຼວງວຽງຈັນ, ໄດ້ຈັດກອງປະຊຸມສະຫຼຸບວຽກງານ 6 ເດືອນຕົ້ນປີ  ແລະ ວາງທິດທາງວຽກງານຈຸດສຸມ 6 ເດືອນທ້າຍ ປີ 2022 ຂຶ້ນໃນວັນທີ 4 ສິງຫາ 2022 ໂດຍການເປັນປະທານຂອງ ພັທ ສົມປອງ ພົນສະຫວັນ ຮັກສາການ ຫົວໜ້າ ປກສ ກຸ່ມນາຊາຍທອງ, ມີກໍາລັງລົງກໍ່ສ້າງຮາກຖານການເມືອງ ແລະ ປກສ ບ້ານເຂົ້າຮ່ວມ.

ພັທ ສົມປອງ ພົນສະຫວັນ ຮັກສາການ ຫົວໜ້າ ປກສ ກຸ່ມນາຊາຍທອງ ໃຫ້ຮູ້ວ່າ: 6 ເດືອນຕົ້ນປີ  2022, ປກສ ກຸ່ມນາຊາຍທອງ ໄດ້ສຸມໃສ່ວຽກງານກໍ່ສ້າງຮາກຖານການເມືອງ ຕິດພັນກັບການຈັດຕັ້ງວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ, ວຽກງານຮັກສາຄວາມສະຫງົບ ໂດຍສົມທົບກັບອໍານາດການປົກຄອງບ້ານ ແລະ ພາກສ່ວນທີ່ກ່ຽວຂ້ອງປະເມີນບ້ານປ້ອງກັນຄວາມສະຫງົບດີ ແລະ ບ້ານປອດຢາເສບຕິດໄດ້ 8 ບ້ານ, ມີ 3440 ຄອບຄົວ, ສຸມໃສ່ເກັບກໍາ ແລະ ຂຶ້ນບັນຊີເປົ້າໝາຍເພື່ອຄຸ້ມຄອງ ຈໍານວນ 232 ຄົນ, ຍິງ 31 ຄົນ, ໃນນີ້ໄດ້ນໍາຕົວມາສຶກສາອົບຮົມແລ້ວ 6 ບ້ານ, ມີ 103 ຄົນ, ຍິງ 7 ຄົນ, ໄດ້ກໍານົດຈຸດທີ່ມີຄວາມສ່ຽງກໍ່ຄວາມບໍ່ສະຫງົບພາຍໃນກຸ່ມມີ 16 ຈຸດພ້ອມທັງແກ້ໄຂຈຸດມົ້ວສຸມຢາເສບຕິດສໍາເລັດ 6 ຈຸດ, ຢຶດຂອງກາງຢາເສບຕິດໄດ້ 2.801 ເມັດ, ກັກຕົວຜູ້ມົ້ວສຸມ 19 ຄົນ, ຍິງ 2 ຄົນ, ສົ່ງໃຫ້ກອງບັນຊາການ ປກສ ເມືອງດໍາເນີນຄະດີ. ສໍາລັບວຽກງານຕໍາຫຼວດ: ຜ່ານມາທົ່ວກຸ່ມມີປະກົດການຫຍໍ້ທໍ້ເກີດຂຶ້ນ 18 ເລື່ອງ, ກັກຕົວຜູ້ຖືກຫາໄດ້ 8 ຄົນຄະດີລັກຊັບພົນລະເມືອງ(ລັກລົດຈັກ 12 ເລື່ອງ), ແກ້ໄຂໄດ້ 2 ເລື່ອງ, ກັກຕົວຜູ້ຖືກຫາໄດ້ 3 ຄົນ, ສົ່ງໃຫ້ກອງບັນຊາການ ປກສ ເມືອງນາຊາຍທອງສືບຕໍ່ດໍາເນີນຄະດີ ແລະ ອື່ນໆ. ນອກຈາກນີ້ ຍັງໄດ້ສຸມໃສ່ເກັບກຳຂຶ້ນທະບຽນສໍາມະໂນຄົວສໍາເລັດແລ້ວມີ 2906 ຄອບຄົວ, ຍັງບໍ່ມີສໍາມະໂນຄົວ 325 ຄອບຄົວ, ພາຍໃນກຸ່ມມີຄົນພັກເຊົາຊົ່ວຄາວເປັນຄົນຕ່າງດ້າວມີ 4 ຄອບຄົວ.

Off

Comments are closed.