15th Aug2022

ພົນລະເມືອງດີ ມອບຢາເສບຕິດ ທີ່ເກັບໄດ້ໃຫ້ເຈົ້າໜ້າທີ່ ປກສ ເມືອງຊຳໃຕ້.

by Peaung Thanonkeo

ອາທິດຜ່ານມານີ້ ປະຊາຊົນທີ່ໄປຫາປາ ຢູ່ຫ້ວຍນ້ຳ ຂອບເຂດບ້ານນ້ຳສ້ານ ເມືອງຊຳໃຕ້ ແຂວງຫົວພັນ ໄດ້ນຳເອົາຢາເສບຕິດທີ່ພົບເຫັນ ມາມອບໃຫ້ກອງບັນຊາການ ປກສ ເມືອງຊຳໃຕ້ ແຂວງຫົວພັນ ເພື່ອນຳໄປທຳລາຍຖີ້ມ.

ທ້າວຄຳອົ້ນ ອາຍຸ 45 ປີ ຢູ່ບ້ານພັນສະຫວັນ ເມືອງຊຳໃຕ້ ແຂວງຫົວພັນ ໃຫ້ຮູ້ວ່າ: ໃນເວລາປະມານ 7 ໂມງຂອງວັນທີ່ 7 ສິງຫາ 2022 ຜູ້ກ່ຽວພ້ອມດ້ວຍໝູ່ 6 ຄົນ ໄດ້ໄປຫາປາຢູ່ຫ້ວຍນ້ຳ ຂອບເຂດບ້ານສ້ານ  ເມືອງຊຳໃຕ້ ແຂວງຫົວພັນ ພໍວ່ານແຫໄປໄດ້ໄລຍະໜຶ່ງ ໄດ້ເຫັນຫໍສີເຫຼື່ອງເປັນມັດໄຫລມານຳນ້ຳ ແລ້ວໄດ້ພ້ອມກັນເປີດເບິ່ງຖົງດັ່ງກ່າວ ພົບເຫັນເປັນ ຢາບ້າຈຳນວນຫຼາຍ ພໍເຫັນແນວນັ້ນພວກຕົນຈຶ່ງໄດ້ເກັບເອົາວັດຖຸດັ່ງກ່າວ ມາມອບໃຫ້ເຈົ້າໜ້າທີ່ ປກສ ເມືອງຊຳໃຕ້. ຕ່າງໜ້າມອບຄັ້ງນີ້ ໂດຍແມ່ນທ່ານ ຄຳອົ້ນ ແລະຕ່າງໜ້າຮັບ ໂດຍ ພັຕ ທອນທິສັກ ອີນສຸພັນ ຮອງກອງບັນຊາການ ປກສ ເມືອງຊຳໃຕ້ ພ້ອມດ້ວຍໜ່ວຍງານທີ່ກ່ຽວຂ້ອງ ເຂົ້າຮ່ວມ ເຊິ່ງມີຢາ ຢາບ້າຈຳນວນ 3 ມັດ ເທົ່າກັບ 6000 ເມັດ. ແລ້ວພາກສ່ວນເຈົ້າໜ້າທີຈະໄດ້ມອບຕໍ່ໃຫ້ພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງຫົວພັນ ເພື່ອນຳໄປທຳລາຍທີ້ມ.

Off

Comments are closed.