17th Aug2022

ເຈົ້າແຂວງໄຊຍະບູລີ ຕ້ອນຮັບຫົວໜ້າກົງສູນໃຫຍ່ ສສຫວຽດນາມ ປະຈໍາພາກເໜືອຂອງ ສປປລາວ

by Peaung Thanonkeo

ໃນຕອນເຊົ້າຂອງວັນທີ 16 ສິງຫາ ນີ້, ທີ່ຫ້ອງຮັບແຂກຫ້ອງວ່າການແຂວງ ໄຊຍະບູລີ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ໄດ້ຕ້ອນຮັບທ່ານ ນາງ ກຽວທິຮັງຟຸກ ຫົວໜ້າ ກົງສູນໃຫຍ່ ສສ ຫວຽດນາມ ປະຈໍາພາກເໜືອຂອງ ສປປ ລາວ ພ້ອມຄະນະ, ໃນໂອກາດນີ້ຫົວໜ້າກົງສູນ ແມ່ນໄດ້ສະເໜີຈຸດປະສົງເປັນຕົ້ນແມ່ນ:

ເພື່ອມາສະເໜີຕົວ ພາຍຫຼັງທີ່ໄດ້ຮັບໜ້າທີ່ເປັນຫົວໜ້າກົງສູນໃຫຍ່ ສສຫວຽດນາມ ປະຈໍາພາກເໜືອຂອງ ສປປ ລາວຄົນໃໝ່, ສະເໜີກ່ຽວກັບການກະກຽມໂຮມຊຸມນຸມສະມາຄົມຄົນຫວຽດນາມທີ່ດໍາເນີນທຸລະກິດຢູ່ 8 ແຂວງພາກເໜືອຂອງລາວ ເພື່ອເຜີຍແຜ່ວັນຊາດຂອງ ສສຫວຽດນາມຄົບຮອບ 77 ປີ, ພ້ອມທັງໄດ້ສະເໜີຕໍ່ການນໍາຂອງແຂວງໃຫ້ສືບຕໍ່ອໍານວຍຄວາມສະດວກໃຫ້ກັບນັກທຸລະກິດຊາວຫວຽດນາມທີ່ດໍາລົງຊີວິດຢູ່ແຂວງ ໄຊຍະບູລີ, ສືບຕໍ່ຫັດແໜ້ນສາຍພົວພັນມິດຕະພາບ ລາວ-ຫວຽດນາມ, ເວົ້າລວມ, ເວົ້າສະເພາະແມ່ນແຂວງ ໄຊຍະບູລີ ກັບ ບັນດາແຂວງແຮກສ່ຽວຂອງ ສສຫວຽດນາມໃຫ້ໝັ້ນຄົງທະນົງແກ່ນ, ຈາກນັ້ນ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ກໍ່ໄດ້ກ່າວສະແດງຄວາມຍິນດີຕ້ອນຮັບຫົວໜ້າກົງສູນພ້ອມຄະນະທີ່ໄດ້ສະລະເວລາມາຢ້ຽມຢາມແຂວງ ໄຊຍະບູລີ, ພ້ອມທັງໄດ້ລາຍງານສະພາບເສດຖະກິດ-ສັງຄົມຂອງແຂວງໂດຍສັງເຂບ, ເຊິ່ງທ່າແຮງບົ່ມຊ້ອນຂອງແຂວງແມ່ນກະສິກໍາການປູກຝັງ, ການລ້ຽງສັດຕິດພັນກັບການປຸງແຕ່ງ ແລະ ອະນາຄົດແມ່ນອຸດສາຫະກໍາໄຟຟ້າ ເຊິ່ງປະຈຸບັນມີ 2 ແຫ່ງຄື: ໄຟຟ້ານໍ້າຂອງ ເມືອງ ໄຊຍະບູລີ ແລະ ໄຟຟ້າຖ່ານຫີນເມືອງ ຫົງສາ

Off

Comments are closed.