17th Aug2022

ປກສ ແຂວງສະຫວັນນະເຂດ ຈັດຕັ້ງປະຕິບັດວຽກງານປ້ອງກັນຄວາມສະຫງົບ 06 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2022

by somda phoneor

ວັນທີ 15 ສິງຫາ 2022 ນີ້ ກອງບັນຊາການ ປກສ ແຂວງສະຫວັນນະເຂດ ໄດ້ເປີດກອງປະຊຸມສະຫຼຸບ ການຈັດຕັ້ງປະຕິບັດ ວຽກງານປ້ອງກັນຄວາມສະຫງົບປະຈຳ 06 ເດືອນຕົ້ນປີ ແລະ ວາງທິດທາງແຜນການ 06 ເດືອນທ້າຍປີ 2022 ໂດຍເປັນປະທານຂອງ ພັອ ສົມໝາຍ ພົມມະຈັນ  ຫົວໜ້າກອງບັນຊາການ ປກສ ແຂວງ, ໃຫ້ກຽດເຂົ້າຮ່ວມຂອງທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ມີຄະນະກອງບັນຊາການ ປກສ ແຂວງ, ຄະນະຫ້ອງ,ພະແນກອອ້ມຂ້າງ , ກອງບັນຊາການ ປກສ 14 ເມືອງ 01 ນະຄອນ ແລະ ແຂກຮັບເຊີນເຂົ້າຮວ່ມ.

ພັທ ຄໍາສຸກ ປະເສີດຄໍາຫຼ້າ ຫົວໜ້າຫ້ອງການກອງບັນຊາການ ປກສ ແຂວງ ໄດ້ສະຫຼຸບ ສັງລວມໃຫ້ຮູ້ວ່າ:  ໃນ06 ເດືອນຕົ້ນປີ 2022  ສາມາດແກ້ໄຂຄະດີຢາເສບຕິດທັງໝົດ 176 ລາຍ, ກັກຕົວຜູ້ຖືກຫາ 280 ຄົນ,ຍິງ 25 ຄົນ,ຄົນຕ່າງປະເທດ 03 ຄົນ, ຍຶດຂອງກາງຢາບ້າ 2.773.573 ເມັດ, ຢາອີ 467 ເມັດ, ຢາໄອ 51 ຖົງ, ຢາເຄ 01 ຖົງ, ຄັນຊາ 1.042 ກິໂລກຼາມ,ລົດໃຫ່ຍ 04 ຄັນ, ລົດຈັກ 39 ຄັນ, ເງີນກີບ 16.299.000 ກີບ, ເງີນບາດ 475.270 ບາດ,ເງີນໂດລາ 865 ໂດລາ, ມີ 03 ກະບອກ,ພ້ອມລູກກະສູນ 106 ລູກ, ຄະດີອາຍາເກີດຂື້ນ 97 ລາຍ, ກັກຕົວຜູ້ຖືກຫາ 109 ຄົນ,ຍິງ 09 ຄົນ, ຄະດີຄ້າມະນຸດ ມີ 04 ລາຍ, ຜູ້ຖືກຫາ 05 ຄົນ,ຍິງ 01 ຄົນ, ຄະດີເສດຖະກິດ 28 ລາຍ, ກັກຕົວຜູ້ຖືກຫາ 06 ຄົນ,ຍິງ 02 ຄົນ, ຜົນເສຍຫາຍເງີນກີບ 17.509.159.386 ກີບ,ເງີນບາດ 11.142.900 ບາດ,ເງີນໂດລາ 137.101 ໂດລາ,ລົດໃຫ່ຍ 01 ຄັນ, ອຸປະຕິເຫດເກີດຂື້ນທັງໝົດ 354 ລາຍ, ຄົນໄດ້ຮັບບາດເຈັບ 100 ຄົນ,ຍິງ 25 ຄົນ,ເສຍຊິວິດ 62 ຄົນ,ຍິງ 16 ຄົນ ແລະ ພາຫະນະເປ້ເພໃຊ້ການບໍ່ໄດ້ 17 ຄັນ ແລະ ອັກຄີໄພເກີດຂື້ນທັງໝົດ 11 ຄັ້ງ, ພ້ອກັນນີ້ ຜູ້ເຂົ້າຮ່ວມໄດ້ແລກປ່ຽນປະກອບຄຳຄິດຄຳເຫັນຢ່າງກົງໄປກົງມາ ແລະ ເລິກເຊິ່ງ. ຕໍ່ກັບບົດສະຫຼຸບຜົນງານ ແລະ ທິດທາງແຜນການໃນຕໍ່ໜ້າເພື່ອນຳໄປຈັດຕັ້ງປະຕິບັດໃຫ້ມີຜົນສຳເລັດ, ໃນໂອກາດນີ້ ທ່ານ ສັນຕິພາບ ພົມວິຫານ ເຈົ້າແຂວງສະຫວັນະເຂດ  ກໍ່ໄດ້ມອບໃບຍ້ອງຍໍ ໃຫ້ຜູ້ທີ່ມີຜົນງານດີເດັ່ນໃນການເຮັດສຳເລັດວຽກງານຮາກຖານການເມືອງ ຢູ່ 03 ເມືອງ,01 ນະຄອນ ປະຈຳປີ 2021 ຈໍານວນ 129 ສະຫາຍ, ພ້ອມທັງ ໂອ້ລົມຕໍ່ກອງປະຊຸມ ເຊິ່ງທ່ານ ໄດ້ສະແດງຄຳຍ້ອງຍໍຊົມເຊີຍ ຕໍ່ຜົນງານ ທີ່ ຍາດມາໄດ້ໃນ 06 ເດືອນຜ່ານມາ ພ້ອມທັງເນັ້ນໜັກໃຫ້ຄະນະພັກ-ຄະນະບັນຊາແຕ່ລະຂັ້ນ, ເອົາໃຈໃສ່ເຮັດໜ້າທີ່ວຽກງານປ້ອງກັນຊາດ-ປ້ອງກັນຄວາມສະຫງົບ ໃຫ້ມີຄວາມເຂັ້ມແຂງ,ໜັກແໜ້ນ, ເປັນແບບຢ່າງທີ່ດີຂອງກຳລັງປະກອບອາວຸດ, ເອົາໃຈໃສ່ ການປັບປຸງກໍ່ສ້າງກຳລັງ,ຫັນເອົາພະນັກງານລົງກໍ່ສ້າງຮາກຖານໃຫ້ເລິກເຊິ່ງ, ເພີ່ມທະວີແບບແຜນວິທີເຮັດວຽກໃຫ້ຖືກຕ້ອງກັບແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ຂໍ້ກໍານົດກົດລະບຽບຂອງກໍາລັງໃຫ້ ເຂັ້ມແຂງໜັກແໜ້ນຂຶ້ນເປັນກ້າວໆ.

Off

Comments are closed.