17th Aug2022

ທ່ານ ເຈົ້າແຂວງໄຊຍະບູລີ ລົງຕິດຕາມສະພາບ ຜົນກະທົບໄພນໍ້າຖ້ວມຢູ່ ເມືອງຊຽງຮອນ

by Peaung Thanonkeo

ໃນວັນທີ 14 ສິງຫາ 2022 ນີ້ ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ໄດ້ລົງຕິດຕາມສະພາບທີ່ກະທົບຈາກໄພນໍ້າຖ້ວມຢູ່ເມືອງຊຽງຮ່ອນ ໃນຄັ້ງວັນທີ11-12 ສິງຫາ 2022 ຜ່ານມາ ໂດຍການຕ້ອນຮັບຂອງທ່ານ ກົງທອງ ສິດທິໄຊ ເຈົ້າເມືອງຊຽງຮ່ອນ ພ້ອມດ້ວຍຄະນະ ນໍາຂັ້ນເມືອງ ໃນການລົງຕິດຕາມສະພາບນ້ຳຖ້ວມຄັ້ງນີ້ ທ່ານ ກົງສາ ສິດທິໄຊ ເຈົ້າເມືອງຊຽງຮ່ອນ ໄດ້ລາຍງານສະພາບນ້ຳຖ້ວມທີ່ເກີດຂຶ້ນ ໃນນີ້ໄດ້ສ້າງຄວາມເສຍຫາຍໃຫ້ປະຊາຊົນ ຈຳນວນ 244 ຄອບຄົວ, ເຮືອນເສຍຫາຍ 4 ຫຼັງ ຖືກນໍ້າພັດໄຫຼສູນຫາຍ 1 ຫຼັງ, ໂຮງຮຽນ 1 ຫຼັງ, ເນື້ອທີ່ທຳການຜະລິດເສຍຫາຍ 600 ກວ່າເຮັກຕາ, ເນື້ອທີ່ສວນຢາງພາລາ 2,5 ເຮັກຕາ,ມີສັດລ້ຽງຕາຍ ປະເພດງົວ21 ໂຕ,ໄກ່ແລະເປັດ 790 ໂຕ,ລົດໄຖນາ 2 ຄັນ,ລົດຈັກ 13 ຄັນ,ໜອງປາ 43 ໜອງ ເຂົ້າເປືອກເສຍຫາຍ 789ເປົາ,ເຂົ້າສານເສຍຫາຍ 231 ເປົາ,ຊົນລະປະທານຫຼາຍແຫ່ງໄດ້ຮັບຜົນເສຍຫາຍ, ດິນເຈື່ອນທັບຖົມທາງລະຫວ່າງ ເມືອງຊຽງຮ່ອນ-ເມືອງເງີນຖືກຕັດຂາດ

ນອກນີ້ໄພພິບັດດັ່ງກ່າວເຮັດໃຫ້ຊັບສິນ, ເຄື່ອງໃຊ້ໃນຄົວເຮືອນ ຂອງປະຊາຊົນເສຍຫາຍເປັນຈຳນວນຫຼາຍໃນການລົງຕິດຕາມສະພາບນ້ຳຖ້ວມໃນຄັ້ງນີ້ ທ່ານ ພົງສະຫວັນ ສິດືິວົງ ,ເຈົ້າແຂວງໄຊຍະບູລີ ຍັງໄດ້ມອບເງິນຈໍານວນ 100,000,000 ກິບ  ໃຫ້ການນຳຂອງເມືອງເພື່ອນຳໄປຟື້ນຟູບູລະນະນັ້ນຖານໂຄງລ່າງຕ່າງໆທີ່ໄດ້ຮັບຜົນກະທົບ ຈາກໄພພິບັດທາງທຳມະຊາດ ແລະ ທ່ານຍັງໄດ້ເນັ້ນໜັກໃຫ້ອົງການປົກຄອງເມືອງຈົ່ງເອົາໃຈໃສ່ຟື້ນຈິດໃຈຂອງຜູ້ໄດ້ຮັບການກະທົບ ແລະ ພື້ນຟູອາຄານສະຖານທີ່ຕ່າງໆ ໃຫ້ໃຫ້ກັບມາໃຊ້ຊີວິດເປັນປົກກະຕິ.

ໃນໂອກາດນີ້ ທ່ານ ກົງທອງ ສິດທິໄຊ ເຈົ້າເມືອງຊຽງຮ່ອນ ໄດ້ສະແດງຄວາມຂອບໃຈ ຕໍ່ການນໍາຂັ້ນແຂວງທີ່ໄດ້ນໍາເອົາວັດຖຸປັດໃຈມາຊ່ວຍເຫຼືອໃນຄັ້ງນີ້ ແລະ ທ່ານໃຫ້ສັນຍາວ່າຈະນຳໃຊ້ເງິນດັ່ງກ່າວເຂົ້າໃນການຟື້ນຟູລະບົບພື້ນຖານໂຄງລ່າງ ທີ່ໄດ້ຮັບຜົນກະທົບໃຫ້ທ່ວງທັນກັບສະພາບການ, ພ້ອມນີ້ ທ່ານ ເຈົ້າແຂວງ ພ້ອມດ້ວຍການນໍາຂັ້ນເມືອງຍັງໄດ້ລົງຕິດຕາມສະພາບຜົນກະທົບຈາກອຸກກະໄພນໍ້າຖ້ວມຢູ່ ບ້ານ ປົ່ງ, ບ້ານ ນາຄອນ ແລະ ບ້ານ ທາດ ອີກດ້ວຍ,

Off

Comments are closed.