17th Aug2022

ວິທະຍາຄານສັນຕິບານປະຊາຊົນ ສຳເລັດຝຶກອົບຮົມວຽກງານວິຊາສະເພາະ.

by somda phoneor

ວິທະຍາຄານສັນຕິບານປະຊາຊົນ ກະຊວງປ້ອງກັນຄວາມສະຫງົບ ໄດ້ປິດຊຸດຝຶກອົບຮົມວຽກງານວິຊາສະເພາະ ໃນວັນທີ 17 ສິງຫາ 2022 ນີ້ ພາຍຫຼັງທີ່ໄດ້ດໍາເນີນມາເປັນເວລາ 10 ວັນ ໂດຍການໃຫ້ກຽດເຂົ້າຮ່ວມ ຂອງ ພົຈວ ປອ ວັນສົມ ສີສົມບັດ ຫົວໜ້າອຳນວຍການວິທະຍາຄານສັນຕິບານປະຊາຊົນ ມີຄະນະອຳນວຍການຄູອາຈານ ແລະ ສຳມະນາກອນ ຈາກກົມກອງທີ່ກ່ຽວຂ້ອງອ້ອມຂ້າງກະຊວງປ້ອງກັນຄວາມສະຫງົບເຂົ້າຮ່ວມ.

ພັທ ປອ ຄຳສີ ໄຊຍະໂຊກ ຫົວໜ້າຫ້ອງຄຸ້ມຄອງການສຶກສາວິທະຍາຄານສັນຕິບານປະຊາຊົນ ໄດ້ສະຫຼຸບຕີລາຄາບັ້ນຝຶກອົບຮົມວຽກງານວິຊາສະເພາະ ໃນຄັ້ງນີ້ມີວຽກງານຄຸ້ມຄອງການທ່ອງທ່ຽວ, ວຽກງານຄົນເຂົ້າ-ອອກ ສປປ ລາວ, ວຽກງານນິຕິວິທະຍາ ແລະ ວຽກງານຕຳຫຼວດທາງລົດໄຟ ຜ່ານການຈັດຕັ້ງປະຕິບັດເຫັນໄດ້ວ່າ ສຳມະນາກອນສ່ວນຫຼາຍແມ່ນໄດ້ເອົາໃຈໃສ່ໃນການຄົ້ນຄວ້າຮ່ຳຮຽນ ແລະ ແລກປ່ຽນບົດຮຽນເຊິ່ງກັນ ແລະ ກັນ ໄດ້ເປັນຢ່າງດີ, ສາມາດບັນລຸໄດ້ຕາມຈຸດປະສົງລະດັບຄາດໝາຍທີ່ວາງໄວ້. ພ້ອມດຽວກັນນີ້ຍັງໄດ້ມອບໃບຢັ້ງຢືນໃຫ້ສຳມະນາກອນຕື່ມອີກ.

ໂອກາດດຽວກັນຍັງໄດ້ຮັບຟັງການໂອ້ລົມຂອງ ພົຈວ ປອ ວັນສົມ ສີສົມບັດ ຫົວໜ້າອຳນວຍການວິທະຍາຄານສັນຕິບານປະຊາຊົນ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດທີ່ທາງສຳມະນາກອນໄດ້ຄົ້ນຄວ້າຮ່ຳຮຽນມາພ້ອມດຽວກັນນີ້ ຍັງໄດ້ເນັ້ນໜັກໃຫ້ສຳມະນາກອນທຸກສະຫາຍ ຈົ່ງພ້ອມກັນເອົາທິດສະດີຫຼັກການດ້ານວິຊາສະເພາະຂອງຕົນນຳໄປໜູນໃຊ້ຄຽງຄູ່ກັບວຽກງານວິຊາສະເພາະຢູ່ກົມກອງຂອງຕົນໃຫ້ມີປະສິດທິຜົນສູງຂື້ນກວ່າເກົ່າ.

Off

Comments are closed.