18th Aug2022

ກົມໃຫຍ່ພະລາທິການປ້ອງກັນຄວາມສະຫງົບ ສະຫຼຸບວຽກງານພະລາທິການ 6 ເດືອນຕົ້ນປີ 2022

by somda phoneor

ກອງປະຊຸມສະຫຼຸບວຽກງານພະລາທິການ ປ້ອງກັນຄວາມສະຫງົບ  6 ເດືອນຕົ້ນປີ ແລະ ວາງທິດທາງແຜນການຈຸດສຸມ 6 ເດືອນທ້າຍປີ 2002 ໄດ້ຈັດໃນວັນທີ 17 ສິງຫາ 2022 ໂດຍການ ເປັນປະທານຂອງ  ພົຈວ ທອງສຸກ ຍ່າເອີລາວລີ ຄະນະພັກກະຊວງ ເລຂາຄະນະພັກ ຮັກສາ ການຫົວຫນ້າກົມໃຫຍ່ພະລາທິການ ມີຄະນະກົມໃຫຍ່, ຄະນະຫ້ອງ, ກົມ, ກອງ, ໂຮງຫມໍ ແລະ ຈາກ 2 ບໍລິສັດ ເຂົ້າຮ່ວມ.

ພົຈວ ຫນູຈອນ ກ້ອນທອງດໍາ ຮອງເລຂາຄະນະພັກ, ຮອງຫົວຫນ້າກົມໃຫຍ່ພະລາທິການ ປ້ອງກັນຄວາມສະຫງົບ ໄດ້ຂຶ້ນຜ່ານບົດສະຫຼຸບການເຄື່ອນໄຫວວຽກງານໃນ 6 ເດືອນຜ່ານມາຄື: ໄດ້ລົງຊຸກຍູ້ ປັບປຸງກົງຈັກການຈັດຕັ້ງ, ເຜີຍແຜ່ບັນດານິຕິກໍາທີ່ກ່ຽວກັບວຽກງານພະລາທິການຢູ່ບັນດາ ປກສ ແຂວງພາກໃຕ້, ໄດ້ສຸມໃສ່ຄົ້ນຄວ້າສ້າງບົດວິພາກ, ຫຼັກສູດການຮຽນ-ການສອນ, ວຽກງານການເງິນ ແລະ ຄຸ້ມຄອງການລົງທຶນຂອງລັດ ໄດ້ຮັບປະກັນການເບີກຈ່າຍເງິນເດືອນ, ເງິນອຸດຫນູນ, ເງິນເຄື່ອນໄຫວວິຊາສະເພາະ, ເງິນຮັບໃຊ້ວຽກງານບໍລິຫານໄດ້ເປັນປົກກະຕິ ແລະ ທັນເວລາ; ວຽກງານອຸປະໂພກ-ບໍລິໂພກ ໄດ້ຮັບເຄື່ອງຈາກໂຮງງານ ແລະ ບໍລິສັດຮ່ວມທຸລະກິດທັງຫມົດ 41 ລາຍການ, ໄດ້ເບີກຈ່າຍເຄື່ອງອຸປະໂພກ ຈໍານວນ 62 ລາຍການ, ໄດ້ສັງລວມແຜນຄວາມຕ້ອງການ ເຄື່ອງອຸປະໂພກ-ບໍລິໂພກ ປະຈໍາປີ 2023 ສໍາເລັດ, ວຽກງານປະກອບ, ຄຸ້ມຄອງພາຫະນະ, ເຕັກນິກ, ຍຸດໂທ ແລະ ນ້ໍາມັນເຊື້ອໄຟ ໄດ້ຈັດຊື້ພາຫະນະປະເພດລົດຈິບ 3 ຄັນ ແລະ ຮັບພາຫະນະປະເພດລົດຈິບ 16 ຄັນ, ໄດ້ປະກອບອາວຸດຍຸດໂທປະກອນ ໃຫ້ບັນດາກົມກອງອ້ອມຂ້າງກະຊວງ ແລະ ປກສ ແຂວງຈໍາ ນວນ 93 ລາຍການ ຮັບປະກັນການຈັດຊື້ນ້ໍາມັນເຊື້ອໄຟ ແລະ ໄດ້ເບີກຈ່າຍໃຫ້ບັນດາກົມກອງເປັນປົກ ກະຕິ; ວຽກງານຮັກສາສຸຂະພາບ ແລະ ປິ່ນປົວພະຍາດໄດ້ກວດກາສຸຂະພາບການນໍາຂັ້ນ 1 – 8 ປະຈໍາປີ 2022 ໄດ້ 308 ສະຫາຍ, ກວດພະຍາດເຂດນອກ 3.600 ເທື່ອຄົນ, ວຽກງານກໍ່ສ້າງສ້ອມແປງ, ຄຸ້ມ ຄອງເຄຫາສະຖານ, ຄ້າຍຄູ ແລະ ຊັບສິນ-ທີ່ດິນລັດ ເປັນເຈົ້າການຊຸກຍູ້, ຕິດຕາມໂຄງການກໍ່ສ້າງ-ສ້ອມ ແປງຕ່າງໆທີ່ໄດ້ຮັບອະນຸມັດໃຫ້ດໍາເນີນຕາມແຜນການ ແລະ ໄດ້ຕິດຕາມຄຸ້ມຄອງການນໍາໃຊ້ຊັບສິນ-ທີ່ດິນລັດ-ເຮືອນລວມ, ຄຸ້ມຄອງນໍາໃຊ້ໄຟຟ້າ-ນໍ້າປະປາ, ວຽກງານການຜະລິດ-ທຸລະກິດ ໄດ້ຈັດຕັ້ງເຊັນສັນ ຍາຮ່ວມທູລະກິດກັບ 4 ບໍລິສັດ, ໄດ້ຊຸກຍູ້ວຽກງານການຜະລິດ-ທຸລະກິດ ສ້າງແຫຼ່ງລາຍຮັບໄດ້ 7 ຕື້ກວ່າກີບ, ໄດ້ຈັດຕັ້ງປະຕິບັດການປູກຝັງ-ລ້ຽງສັດ ເພື່ອສ້າງແຫຼ່ງລາຍຮັບເຂົ້າກົມກອງ ໃນນັ້ນໄດ້ຂາຍປາ, ຂາຍ ໄຂ່, ຜົນຜະລິດປູກຝັງ, ເຄື່ອງດື່ມ ແລະ ບໍລິການອື່ນໆ ສາມາດສ້າງລາຍຮັບໄດ້ 100 ລ້ານກວ່າກີບ, ຈາກ ນັ້ນຍັງໄດ້ຕິດຕາມການກໍ່ສ້າງໂຄງການຕ່າງໆ ເພື່ອພັດທະນາດອນກໍມີ ແຂວງໄຊສົມບູນ ໃຫ້ກາຍເປັນສູນບໍາບັດ, ສູນຜະລິດ ແບບຄົບວົງຈອນ, ວຽກງານຮັກສາຄວາມປອດໄພ ສາມາດເກັບຄ່າບໍລິການໄດ້ 1.272 ສັນຍາ ແລະ ເຊັນສັນຍາໃຫມ່ 40 ສັນຍາ ເກັບຄ່າບໍລິການໄດ້ ເກືອບ10ຕື້ກີບ; ພາຍຫຼັງສໍາເລັດ ການຜ່ານບົດສະຫຼຸບ ຕາງຫນ້າໃຫ້ຫຼາຍກົມກອງກໍ່ໄດ້ຜັດປ່ຽນກັນ ຂຶ້ນປະກອບຄໍາເຫັນໃສ່ບົດສະຫຼຸບຢ່າງ ກົງໄປກົງມາ ເພື່ອເຮັດໃຫ້ບົດສະຫຼຸບມີເນື້ອໃນຄົບຖ້ວນຈະແຈ້ງ, ລັກເຊິ່ງ ແລະ ມີຄວາມຫມາຍນໍາໄປຈັດ ຕັ້ງປະຕິບັດເຂົ້າໃນວຽກງານວິຊາສະເພາະ ໃຫ້ມີຜົນສໍາເລັດຂຶ້ນເປັນກ້າວໆ.

Off

Comments are closed.