18th Aug2022

ພິທີປະກາດການມອບໂອນກົມກິລາໄປຂຶ້ນກັບກົມໂຄສະນາອົບຮົມ.

by somda phoneor

ພິທີປະກາດການມອບໂອນກົມກິລາ ປກສ ໄປຂຶ້ນກັບກົມໂຄສະນາອົບຮົມ ປກສ ແລະ ປະກາດຍົກຍ້າຍ, ແຕ່ງຕັ້ງນາຍ ແລະ ພົນຕຳຫຼວດອ້ອມຂ້າງກົມໃຫຍ່ການເມືອງປ້ອງກັນຄວາມສະຫົງບ, ໄດ້ຈັດໃນວັນທີ 18 ສິງຫາ 2022 ນີ້ ໂດຍການເປັນປະທານຂອງ ພົຕ ວັນທອງ ກອງມະນີ ຮອງລັດຖະມົນຕີ ຫົວໜ້າກົມໃຫຍ່ການເມືອງປ້ອງກັນຄວາມສະຫົງບ, ມີຄະນະພັກ, ຄະນະກົມ, ນາຍ ແລະ ພົນຕຳຫຼວດທີ່ໄດ້ຮັບການຍົກຍ້າຍເຂົ້າຮ່ວມ.

ພັອ ບຸນສີ ທຳມະລັງສີ ຮອງຫົວໜ້າຫ້ອງການເມືອງ ກົມໃຫຍ່ການເມືອງ ປກສ ໄດ້ຜ່ານຂໍ້ຕົກລົງຂອງ ລັດຖະມົນຕີກະຊວງ ປກສ ວ່າດ້ວຍການມອບໂອນກົມກິລາໄປຂຶ້ນກັບກົມໂຄສະນາອົບຮົມ ກົມໃຫຍ່ການເມືອງປ້ອງກັນຄວາມສະຫົງບ. ຜ່ານຂໍ້ຕົກລົງວ່າດ້ວຍການຍົກຍ້າຍ, ແຕ່ງຕັ້ງນາຍຕຳຫຼວດທີ່ຂຶ້ນກັບກົມໃຫຍ່ການເມືອງປ້ອງກັນຄວາມສະຫງົບໃນນີ້ ຍົກຍ້າຍ ພັອ ທອງເພັດ ມະນີສະຫັວນ ຈາກກົມກິລາ ໄປຮັບໜ້າທີ່ໃໝ່ຢູ່ກອງບັນຊາການປ້ອງກັນເຄື່ອນທີ່, ພັອ ນາງ ໄລທອງ ໄຊຍະສອນ ຈາກກົມກິລາ ໄປຮັບໜ້າທີ່ໃໝ່ຢູ່ ຫ້ອງການເມືອງ, ພັທ ພອນສະຫັວນ ພີມມະເສນ ຈາກກົມກິລາ ໄປຮັບໜ້າທີ່ໃໝ່ຢູ່ກົມໂຄສະນາອົບຮົມ ແລະ ແຕ່ງຕັ້ງ ພັອ ນາງ ໄລທອງ ໄຊຍະສອນ ເປັນຮອງຫົວໜ້າຫ້ອງການເມືອງ, ແຕ່ງຕັ້ງ ພັທ ພອນສະຫັວນ ພີມມະເສນ ເປັນຫົວໜ້າກອງກິລາ ທີ່ຂຶ້ນກັບກົມໂຄສະນາອົບຮົມ ພ້ອມນີ້ຍັງໄດ້ຜ່ານຂໍ້ຕົກລົງວ່າດ້ວຍການຍົກຍ້າຍນາຍຕຳຫຼວດອີກຈຳນວນໜື່ງ ແລະ ຜ່ານຂໍ້ຕົກລົງ ວ່າດ້ວຍການສັບຊ້ອນນາຍ ແລະ ພົນຕຳຫຼວດໃຫ້ບັນດາກົມກອງອ້ອມຂ້າງກົມໃຫຍ່ການເມືອງປ້ອງກັນຄວາມສະຫົງບ. ໂອກາດດັ່ງກ່າວ ພົຕ ວັນທອງ ກອງມະນີ  ຮອງລັດຖະມົນຕີ ຫົວໜ້າກົມໃຫຍ່ການເມືອງປ້ອງກັນຄວາມສະຫງົບໄດ້ໃຫ້ກຽດໂອ້ລົມເຊີ່ງທ່ານກ່າວວ່າ: ການປະກາດຍົກຍ້າຍໃນຄັ້ງນີ້ແມ່ນຍ້ອນຄວາມຮຽກ ຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່ ທັງແມ່ນການມອບໝາຍໜ້າທີ່ຈາກຂັ້ນເທິງທີ່ຕ້ອງປະຕິ ບັດຢ່າງເຂັ້ມງວດ ແລະ ບັນດາສະຫາຍທີ່ຖືກແຕ່ງຕັ້ງ ຈະຕ້ອງສືບຕໍ່ຮ່ວມກັບໝູ່ຄະນະ ເພື່ອເຮັດໃຫ້ສະ ພາບພາຍໃນກົມກອງມີຄວາມສະຫົງບ, ມີຄວາມໜັກແໜ້ນ, ສາມາດປະຕິບັດສຳເລັດທຸກໜ້າທີ່ການ ເມືອງທີ່ໄດຮັບມອບໝາຍ ໂດຍສະເພາະແມ່ນວຽກງານຂອງກົມໃຫຍ່ການເມືອງປ້ອງກັນຄວາມສະຫງົບ ໃຫ້ຖຶກຕ້ອງຕາມທິດຂັ້ນເທິງ ຮັບປະກັນການເຄື່ອນໄຫວປະຕິບັດໜ້າທີ່ມີຜົນສຳເລັດ.

Off

Comments are closed.