19th Aug2022

ລັດຖະມົນຕີ ກະຊວງ ປກສ ຕ້ອນຮັບການເຂົ້າພົບປະຂອງປະທານສູນກາງກຳມະບານລາວ

by somda phoneor

ໃນວັນທີ 19 ສິງຫາ 2022 ນີ້ ພົອ ວິໄລ ຫຼ້າຄຳຟອງ ຮອງນາຍົກລັດຖະມົນຕີ ລັດຖະມົນຕີ ກະຊວງປ້ອງກັນຄວາມສະຫງົບ ໄດ້ຕ້ອນຮັບການເຂົ້າພົບປະ ຂອງທ່ານ ນາງ ອາລີ ວົງໜໍ່ບຸນທຳ ປະທານຄະນະບໍລິຫານງານ ສູນກາງກຳມະບານລາວ ພ້ອມຄະນະ ເນື່ອງໃນໂອກາດທີ່ໄດ້ມາເຄື່ອນໄຫວວຽກງານກຳມະບານຢູ່ກະຊວງປ້ອງກັນຄວາມສະຫງົບ. ໂອກາດດັ່ງກ່າວ ທ່ານນາງ ອາລີ ວົງໜໍ່ບຸນທຳ ກໍໄດ້ລາຍງານຈຸດປະສົງໃນການເຄື່ອນໄຫວ ວຽກງານກຳມະບານ, ທັງເປັນການຊຸກຍູ້, ຕິດຕາມ, ກວດກາການເຄື່ອນໄຫວວຽກງານກຳມະບານຢູ່ກະຊວງປ້ອງກັນຄວາມສະຫງົບໃນໄລຍະຜ່ານມາ.

ພ້ອມດຽວກັນນີ້ ພົອ ວິໄລ ຫຼ້າຄຳຟອງ ຮອງນາຍົກລັດຖະມົນຕີ ລັດຖະມົນຕີກະຊວງ ປກສ ກໍໄດ້ສະແດງຄວາມຕ້ອນຮັບຢ່າງອົບອຸ່ນ ພ້ອມທັງສະແດງຄວາມຍ້ອງຍໍຊົມເຊີຍຕໍ່ຜົນງານການເຄື່ອນໄຫວຂອງສູນກາງກຳມະບານລາວ ແລະ ໄດ້ແຈ້ງສະພາບການຕ່າງໆທີ່ກ່ຽວພັນກັບການເຄື່ອນໄຫວຂອງກຳມະບານກະຊວງ ປກສ ໃຫ້ສູນກາງກຳມະບານລາວຮັບຊາບ ເພື່ອເປັນທິດໃນການເຄື່ອນໄຫວພົບປະວຽກງານຮ່ວມກັນກັບກຳມະບານກະຊວງປ້ອງກັນຄວາມສະຫງົບ ໃຫ້ມີບາດກ້າວຂະຫຍາຍຕົວ ແລະ ມີຜົນສຳເລັດຕາມຄາດໝາຍທີ່ວາງໄວ້.

 

 

Off

Comments are closed.