22nd Aug2022

ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 1 ແລະ ສະມາຊິກສະພາປະຊາຊົນ ນະຄອນຫຼວງວຽງຈັນ ລົງເຄື່ອນໄຫວພົບປະ ປະຊາຊົນ 6 ບ້ານ ເມືອງ ສີໂຄດຕະບອງ

by somda phoneor

ໃນວັນທີ 22 ສິງຫາ 2022, ທີ່ວັດອູບມຸງ ເມືອງ ສີໂຄດຕະບອງ ນະຄອນຫລວງວຽງຈັນສະມາຊິກສະພາ ແຫ່ງຊາດ ປະຈຳເຂດເລືອກຕັ້ງທີ1 ແລະ ສະມາຊິກສະພາ ປະຊາຊົນ ນະຄອນຫລວງວຽງຈັນ ລົງເຄື່ອນໄຫວພົບປະ ປະຊາຊົນ 6 ບ້ານຄື: ບ້ານ ສີຖານເໜືອ, ຂຸນຕາທ່າ, ຂຸນຕາທົ່ງ, ອຸບມຸງ, ນາຄຳ ແລະ ບ້ານ ໜອງປາໃນ ເມືອງ ສີໂຄດຕະບອງ ນະຄອນຫຼວງວຽງຈັນ ເຊິ່ງນຳໂດຍທ່ານ ປອ ແອງພອນ ແພງສຸວັນ ສະມາຊິກສະພາແຫ່ງຊາດ ຊຸດທີ 9 ປະຈຳເຂດເລືອກຕັ້ງທີ 1, ທັງເປັນສະມາຊິກສະພາປະຊາຊົນ ນະຄອນຫຼວງວຽງຈັນ ພ້ອມດ້ວຍຄະນະ, ມີບັນດາຫົວໜ້າຫ້ອງການ, ອຳນາດການປົກຄອງບ້ານ, ພະນັກງານພາກສ່ວນທີ່ກ່ຽວຂ້ອງ ຕະຫລອດຮອດປະຊາຊົນ ແລະ ແຂກຖືກເຊີນ ເຂົ້າຮ່ວມ.

ທ່ານ  ສີສະຫວາດ ວົງສະຜ່າຍ ເລຂາພັກບ້ານ ນາຍບ້ານໆ ນາຄຳ ຕາງໜ້າອຳນາດການປົກຄອງບ້ານ 6 ບ້ານຄື: ບ້ານ ສີຖານເໜືອ, ຂຸນຕາທ່າ, ຂຸນຕາທົ່ງ, ອຸບມຸງ, ນາຄຳ ແລະ ບ້ານ ໜອງປາໃນ ລາຍງານສະພາບລວມຈຸດພິເສດ ແລະ ການຈັດຕັ້ງປະຕິບັດວຽກງານໃນໄລຍະຜ່ານມາຂອງບ້ານໂດຍສັງເຂບ. ຈາກນັ້ນ, ບັນດາຄະນະສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 1 ແລະ ສະມາຊິກສະພາປະຊາຊົນ ນະຄອນຫລວງວຽງຈັນໄດ້ກ່າວຕໍ່ກອງປະຊຸມໃນຄັ້ງນີ້ ທ່ານ ປອ ແອງພອນ ແພງສຸວັນ ໄດ້ກ່າວບາງບັນຫາທີ່ສຳຄັນວ່າ:

ໃນໂອກາດທີ່ລົງເຄື່ອນໄຫວພົບປະຢ້ຽມຢາມໃນຄັ້ງນີ້ ສະມາຊິກສະພາແຫ່ງຊາດ ແລະ ສະມາຊິກສະພາ ປະຊາຊົນ ນະຄອນຫລວງຢັງໄດ້ຮັບຟັງຄໍາສະເໜີຂອງປະຊາຊົນ ຫຼາຍບັນຫາທີ່ຕິດພັນກັບວຽກງານການພັດທະນາເສດຖະກິດ-ສັງຄົມ, ວຽກງານການສຶກສາ, ວຽກງານຜະລິດກະສິກຳ, ການຄຸ້ມຄອງລັດວິສາຫະກິດ, ການບໍລິການ, ການຄຸ້ມຄອງລາຄາສິນຄ້າ, ຄ່າຄອງຊີບຂື້ນສູງ, ສະຫວັດດີການສັງຄົມ, ຄວາມເປັນລະບຽບຮຽບໃນສັງຄົມ, ບັນຫານ້ຳຖ້ວມໃນເຂດຕົວເມືອງທົ່ວນະຄອນຫຼວງວຽງຈັນ, ບັນຫາຊີວິດການເປັນຢູ່ຂອງປະຊາຊົນ  ແລະ ບັນຫາວຽກງານອື່ນໆອີກ,ຈາກນັ້ນບັນດາທ່ານຜູ້ແທນໄດ້ມີການຊີ້ແຈງອະທິບາຍໃຫ້ປະຊາຊົນເຂົ້າໃຈຕໍ່ບາງຄໍາເໜີກັບທີ່ ແລະ ຮັບເອົາຄໍາສະເໜີທີ່ເຫັນວ່າມີຜົນກະທົບ ແລະ ຈໍາເປັນໃນການສ້າງສາພັດທະນາຂອງທ້ອງຖິ່ນ ເພື່ອນໍາໄປຊຸກຍູ້ໃຫ້ພາກສ່ວນທີ່ກ່ຽວຂ້ອງແກ້ໄຂໄດ້ທ່ວງທັນກັບສະພາບການ.

Off

Comments are closed.