23rd Aug2022

ຫ້ອງວ່າການ ສຳນັກງານປະທານປະເທດ ເຜີຍແຜ່ເອກະສານສຳຄັນຂອງພັກ-ຂອງຊາດ

by Peaung Thanonkeo

ຫ້ອງວ່າການ ສຳນັກງານປະທານປະເທດ (ຫສປທ) ເຜີຍແຜ່ເອກະສານສຳຄັນຂອງ ພັກ-ຂອງຊາດຄື: ມະຕິ ກອງປະຊຸມຄົບຄະນະ ຄັ້ງທີ 4 ຂອງຄະນະບໍລິຫານງານ ສູນກາງພັກ ສະໄໝທີ X ວັນຍຶດອຳນາດ 23 ສິງຫາ ແລະ ວັນເກີດປະທານສຸພານຸວົງ ຄົບຮອບ 113 ປີ (13 ກໍລະກົດ 1909-13 ກໍລະກົດ 2022) ໃນວັນທີ 23 ສິງຫາ 2022 ໂດຍການເຜີຍແຜ່ຂອງ ສະຫາຍ ນາງ ເຂັມມະນີ ພົນເສນາ ເລຂາຄະນະບໍລິຫານງານພັກ,ຫົວໜ້າຫ້ອງວ່າການ ສໍານັກງານປະທານປະເທດ ມີ ຄະນະພັກ ຄະນະໜ່ວຍພັກ, ສະມາຊິກພັກ ແລະ ພະນັກງານ-ລັດຖະກອນ ເຂົ້າຮ່ວມ.

ໃນໂອກາດນີ້, ສະຫາຍ ນາງ ເຂັມມະນີ ພົນເສນາ ໄດ້ເຜີຍແຜ່ມະຕິກອງປະຊຸມຄົບຄະນະ ຄັ້ງທີ 4 ຂອງຄະນະ ບໍລິຫານງານ ສູນກາງພັກ ສະໄໝທີ XI ເຊິ່ງຈັດຂຶ້ນ ໃນລະຫວ່າງ ວັນທີ 18-26 ພຶດສະພາ 2022 ທີ່ສຳນັກງານສູນກາງພັກ ປະຊາຊົນປະຕິວັດລາວ ພາຍໃຕ້ການເປັນປະທານຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານ ງານ ສູນກາງພັກປະຊາຊົນ ປະຕິວັດລາວ, ກອງປະຊຸມໄດ້ຄົ້ນຄວ້າປຶກສາຫາລື ແລະ ໃຫ້ທິດຊີ້ນຳຕໍ່ຫລາຍບັນຫາສຳ ຄັນ ເປັນຕົ້ນ ໄດ້ປະເມີນສະພາບແວດລ້ອມ ຢູ່ພາກພື້ນ ແລະ ສາກົນ ໃນປັດຈຸບັນ ແລະ ຄາດຄະເນທ່າ ຂະຫຍາຍໃນຕໍ່ ໜ້າ, ຕີລາຄາກ່ຽວກັບຜົນ ການຈັດຕັ້ງປະຕິບັດ ແຜນພັດທະນາ ເສດຖະກິດ-ສັງຄົມ, ແຜນງົບປະມານ ແລະ ແຜນ ເງິນຕາ ຕົ້ນປີ 2022 ຕິດພັນກັບຜົນ ການຈັດຕັ້ງປະຕິບັດ 2 ວາລະແຫ່ງຊາດ; ສືບຕໍ່ຍູ້ແຮງການຈັດຕັ້ງປະຕິບັດ ມະຕິ ກອງປະຊຸມໃຫຍ່ ຄັ້ງທີ XI ຂອງພັກໃຫ້ປະກົດຜົນເປັນຈິງ, ການຊຸກຍູ້, ສົ່ງເສີມຜູ້ປະກອບການທຸລະກິດຂະໜາດນ້ອຍ, ຂະໜາດກາງ ແລະ ຈຸນລະວິສາຫະກິດໃຫ້ມີ ຄວາມເຂັ້ມແຂງການເພີ່ມທະວີການພັດທະນາຊັບ ພະຍາກອນມະນຸດ ໃຫ້ມີຄຸນນະພາບສູງ ການປັບປຸງລະບົບການຈັດຕັ້ງ, ກົງຈັກ ແລະ ກົນໄກການເຄື່ອນໄຫວ ຂອງອົງການບໍລິຫານລັດ ຕາມທິດເຂັ້ມແຂງ ແລະ ມີປະສິດທິພາບ. ຄົ້ນຄວ້າປຶກ ສາຫາລື ແລະ ໃຫ້ທິດຊີ້ນຳເບື້ອງຕົ້ນ ກ່ຽວກັບການຄົ້ນຄວ້າທິດ ສະຕິ ແລະ ສະຫລຸບພຶດຕິກຳ ໃຫ້ແກ່ການສ້າງປະຖົມປັດໄຈ ເພື່ອກ້າວຂຶ້ນສູ່ຈຸດໝາຍ ສັງຄົມນິຍົມ, ໄດ້ປຶກສາຫາລື, ແລະ ໃຫ້ທິດຊີ້ນຳກ່ຽວກັບ ການກະກຽມດຳເນີນ ກອງປະຊຸມ ວຽກງານ ການເມືອງແນວຄິດ ທົ່ວປະເທດຄັ້ງທີ V. ກອງປະຊຸມວຽກງານ ກໍ່ສ້າງຮາກຖານການເມືອງ, ວຽກງານພັດທະນາ ຊົນນະບົດ, ແກ້ໄຂຄວາມ ທຸກຍາກ ແລະ ວຽກ ງານສາມສ້າງ, ກອງປະຊຸມ ສະຫລຸບຂະບວນການ ແຂ່ງຂັນຮັກຊາດ ແລະ ພັດທະນາ. ພ້ອມນັ້ນ, ຄະນະບໍລິຫານງານ ຊີນກາງພັກ ໄດ້ວາງວຽກງານຈຸດສຸມ ໃນການນຳພາຊີ້ນຳ ຂອງຕົນແຕ່ນີ້ ຫາກອງປະຊຸມຄົບຄະນະ ບໍລິຫານງານສູນກາງ ພັກ ຄັ້ງທີ 5 ສະ ໄໝທີ XI ໃນຫລາຍດ້ານເຊັ່ນ: ຊີ້ນຳການກະກຽມ ແລະ ດຳເນີນກອງປະຊຸມສາມັນເທື່ອທີ 3 ຂອງ ສະພາແຫ່ງຊາດ; ຊີ້ນຳການຈັດຕັ້ງປະຕິບັດ ແຜນນັດທະນາ ເສດຖະກິດ-ສັງຄົມແຫ່ງຊາດ, ແຜນງົບປະມານ, ແຜນ ເງິນຕາໃນ 6 ເດືອນທ້າຍປີ 2022 ຕິດພັນກັບ 2 ວາລະແຫ່ງຊາດ; ສຸມໃສ່ຊີ້ນຳແກ້ໄຂ ຄວາມເຄັ່ງຮ້ອນ, ອ່ອນໄຫວ ທີ່ ກະທົບໂດຍກົງ ຕໍ່ຊີວິດການເປັນຢູ່ ຂອງປະຊາຊົນໃນປັດຈຸ ບັນ ແລະ ບັນຫາອື່ນໆ.

ຈາກນັ້ນ, ສະຫາຍ ເພັດສະໝອນ ພັນທະວົງ ຮອງເລຂາຄະນະບໍລິຫານງານພັກ, ຮອງຫົວໜ້າ ຫ້ອງວ່າການສຳນັກງານປະທານປະເທດກໍ່ໄດ້ ເລົ່າຄືນປະຫວັດ ຄວາມເປັນມາຂອງ ວັນຍຶດອຳນາດ ມອນ 23 ສິງຫາ 1945 ແລະ ວັນຍຶດອຳນາດ 23 ສິງຫາ 1975 ພ້ອມທັງເຜີຍແຜ່ເອກກະສານ ວັນເກີດ ທ່ານ ສຸພານຸວົງ ຄົບຮອບ 113 ປີ ຕື່ມອິກ.

Off

Comments are closed.