24th Aug2022

ອົງຄະນະພັກກອງບັນຊາການປ້ອງກັນສູນກາງ, ກະຊວງປ້ອງກັນຄວາມສະຫງົບເປີດບັ້ນດໍາເນີນຊີວິດການເມືອງປະຈໍາປີ 2022

by somda phoneor

ອົງຄະນະພັກກອງບັນຊາການປ້ອງກັນສູນກາງ,ກະຊວງປ້ອງກັນຄວາມສະຫງົບເປີດບັ້ນດໍາເນີນຊີວິດການເມືອງປະຈໍາປີ 2022,ໃນວັນທີ 24ສິງຫາ 2022ນີ້ພາຍໃຕ້ການເປັນປະທານຂອງ ພົຈວ ສົມພົງ ຂໍາວິລຸນ,ຄະນະພັກກະຊວງ,ເລຂາຄະນະພັກ,ຫົວໜ້າກອງບັນຊາການປ້ອງກັນສູນກາງ,ມີບັນດາຮອງເລຂາ,ຄະນະປະຈໍາພັກ,ຄະນະພັກ,ເລຂາ-ຮອງເລຂາຄະນະພັກຮາກຖານ,ໜ່ວຍພັກແລະສະມາຊິກພັກກົມກອງອ້ອມຂ້າງກອງບັນຊາການປ້ອງກັນສູນກາງເຂົ້າຮ່ວມ.

ພົຈວ ສົມພົງ ຂໍາວິລຸນ, ຄະນະພັກກະຊວງ, ເລຂາອົງຄະນະພັກ, ຫົວໜ້າກອງບັນຊາການປ້ອງກັນສູນກາງໄດ້ມີຄໍາເຫັນເປີດບັ້ນດໍາເນີນຊີວິດການເມືອງໃນຄັ້ງນີ້ວ່າ: ເພື່ອປະຕິບັດຕາມແນວທາງນະໂຍບາຍຂອງພັກ, ເວົ້າລວມ, ເວົ້າສະເພາະ ແມ່ນປະຕິບັດແນວທາງການກໍ່ ສ້າງພັກຕາມ 5 ຫຼັກການ 3 ທິດນໍາ ຂອງພັກວາງອອກ ທີ່ແນໃສ່ເຮັດໃຫ້ຮາກຖານພັກມີຄວາມປອດໃສ, ເຂັ້ມແຂງ, ໜັກແໜ້ນ,ທາງດ້ານການເມືອງ-ແນວຄິດ, ດ້ານການຈັດຕັ້ງ, ດ້ານແບບແຜນວິທີນໍາພາ ແລະ ດ້ານວຽກງານປ້ອງກັນພັກ, ກອງປະຊຸມເປີດບັ້ນດໍາເນີຊີວິດການເມືອງໃນຄັ້ງນີ້ ກໍ່ເພື່ອເປັນການສໍາຫຼວດກວດກາ, ສະຫຼຸບຕີລາຄາ ແລະ ປະເມີນຜົນຕໍ່ການປະຕິບັດໜ້າທີ່ ການເມືອງຂອງ ບັນດາໜ່ວຍພັກ ແລະ ສະມາຊິກພັກໃນການຈັດຕັ້ງປະຕິບັດກົດລະບຽບຂອງພັກ,ກົດໝາຍຂອງ ລັດ, ມະຕິຄໍາສັ່ງຕ່າງໆ ຂອງຂັ້ນເທິງໃນໄລຍະຜ່ານມາ,ພ້ອມທັງເປັນການສະຫຼຸບສັງລວມ ບັນດາປະກົດການຫຍໍ້ທໍ້ດ້ານຕ່າງໆທີ່ເປັນການກົດໜ່ວງທ່ວງດຶງຕໍ່ຂະບວນການກໍ່ສ້າງໜວຍພັກປອດໃສ, ເຂັ້ມແຂງ, ໜັກແໜ້ນ, ຂອງບັນດາໜ່ວຍພັກອ້ອມ ຂ້າງອົງຄະນະພັກກອງບັນຊາການປ້ອງກັນສູນກາງ ແລ້ວນໍາໄປປັບປຸງ ແກ້ໄຂໃນຕໍ່ໜ້າ,ເອົາໃຈໃສ່ປະຕິບັດສິດລວມສູນປະຊາທິປະໄຕຂອງພັກຢ່າງຖືກຕ້ອງ, ເປັນຕົ້ນແມ່ນການຕໍານິກໍ່ສ້າງ,ການຕີລາຄາຈັດແບ່ງປະເພດໃຫ້ຖືກຕ້ອງ ເໝາະສົມກັບສະພາບຄວາມເປັນຈິງຂອງແຕ່ລະໜ່ວຍພັກ ແລະ ສະມາຊິກພັກແຕ່ລະສະຫາຍ,ເພື່ອບັນລຸຕາມຈຸດປະສົງ,ລະດັບຄາດຫມາຍ,ທັງຕອບສະຫນອງໄດ້ທາງດ້ານປະລິມານ ແລະ ຄຸນນະພາບ.

ສໍາລັບເນື້ອໃນເອກະທີ່ສໍາຄັນທີ່ນໍາມາຈັດຕັ້ງເຊື່ອມຊຶ່ມໃນຄັ້ງນີ້ມີຄໍາສັ່ງແນະນໍາ ຂອງຄະນະບໍລິຫານງານພັກກະຊວງປ້ອງກັນຄວາມສະຫງົບ ວ່າດ້ວຍການເພີ່ມທະວີການກໍ່ສ້າງຫນ່ວຍພັກປອດໃສ, ເຂັ້ມແຂງ,ໜັກແໜ້ນໃນກໍາລັງປ້ອງກັນຄວາມສະຫງົບ,ຜ່ານເອກະສານ ຄໍາແນະນໍາຂອງກົມໃຫຍ່ການເມືອງ ປກສ ກ່ຽວກັບການຈັດຕັ້ງປະຕິບັດຄໍາສັ່ງຂອງຄະນະບໍລິຫານງານພັກກະຊວງ ປກສ ,ຜ່ານຂໍ້ຕົກລົງ,ແຈ້ງການແລະເອກະສານສໍາຄັນອື່ນອີກຈໍາໜື່ງ.

Off

Comments are closed.