24th Aug2022

ຄະນະນໍາຂັ້ນສູງກະຊວງປ້ອງກັນຄວາມສະຫງົບລາວ ຕ້ອນຮັບຄະນະຜູ້ແທນ ຈາກ ສສ ຫວຽດນາມ.

by somda phoneor

ຄະນະນໍາຂັ້ນສູງກະຊວງປ້ອງກັນຄວາມສະຫງົບ ແຫ່ງ ສປປ ລາວ ນໍາໂດຍ ພົນຕີ ວັນທອງ ກອງມະນີ ກໍາມະການສູນກາງພັກ ຮອງລັດຖະມົນຕີ ຫົວໜ້າກົມໃຫຍ່ການເມືອງ ກະຊວງປ້ອງກັນຄວາມສະຫງົບ ແຫ່ງ ສປປ ລາວ ພ້ອມດ້ວຍຄະນະ ໄດ້ຕ້ອນຮັບຄະນະຜູ້ແທນຂັ້ນສູງ ກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ ນໍາໂດຍ ພົນເອກ ສຈ.ປອ ໂຕເລີມ ກໍາມະການກົມການເມືອງສູນກາງພັກກອມມູນິດຫວຽດນາມ ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ ທີ່ສະໜາມບິນສາກົນວັດໄຕ ໃນວັນທີ 24 ສິງຫາ 2022.

ການຕ້ອນຮັບການນໍາຂັ້ນສູງຂອງກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ ຂອງການນໍາຂັ້ນສູງກະຊວງປ້ອງກັນຄວາມສະຫງົບ ແຫ່ງ ສປປ ລາວ ໃນຄັ້ງນີ້, ແມ່ນໃນໂອກາດທີ່ຄະນະຜູ້ແທນກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ ໄດ້ເດີນທາງມາຮ່ວມເຮັດວຽກກັບກະຊວງປ້ອງກັນຄວາມສະຫງົບ ແຫ່ງ ສປປ ລາວ ໃນລະຫວ່າງວັນທີ 24-27 ສິງຫາ 2022 ທີ່ນະຄອນຫຼວງວຽງຈັນ ສປປ ລາວ ເຊີ່ງບັນຍາກາດ ໃນການຕ້ອນຮັບໃນຄັ້ງນີ້ ແມ່ນເຕ້ມໄປດ້ວຍຄວາມອົບອຸ່ນ ບົນພື້ນຖານແຫ່ງມະນະຈິດມິດຕະພາບລະວ່າງລາວ-ຫວຽດນາມ ເວົ້າລວມເວົ້າສະເພາະກໍ່ແມ່ນກະຊວງປ້ອງກັນຄວາມສະຫງົບຂອງສອງປະເທດ.

Off

Comments are closed.