25th Aug2022

ກອງປະຊຸມພົບປະແລກປ່ຽນບົດຮຽນວຽກງານພັກ-ພະນັກງານ ແລະ ວິທະຍາຄານການເມືອງ

by Peaung Thanonkeo

ກອງປະຊຸມພົບປະແລກປ່ຽນບົດຮຽນລະຫວ່າງກົມໃຫຍ່ການເມືອງ ກະຊວງ ປ້ອງກັນຄວາມສະຫງົບລາວ ກັບ ກົມຈັດຕັ້ງພະນັກງານ ແລະ   ວິທະຍາຄານການເມືອງ ກະຊວງປ້ອງກັນຄວາມສະຫງົບຫວຽດນາມ ໄດ້ຈັດໃນວັນທີ 25 ສິງຫາ 2022 ນີ້ ທີ່ກະຊວງປ້ອງກັນຄວາມສະຫງົບລາວ, ຝ່າຍລາວນຳໂດຍ ພົຈວ ປອ ສຸວັນນີ ສີສຸພາບມີໄຊ ຮອງຫົວໜ້າກົມໃຫຍ່ການເມືອງປ້ອງກັນຄວາມສະຫງົບລາວ ພ້ອມຄະນະ, ຝ່າຍຫວຽດນາມນຳໂດຍ ພົຕ ຮວງ ດຶກ ລຶງ ຫົວໜ້າກົມຈັດຕັ້ງພະນັກງານ, ພົຈວ ຟານ ຊັວນ ຕຸຍ ຜູ້ອຳນວຍການວິທະຍາຄານການເມືອງ ກະຊວງປ້ອງກັນຄວາມສະຫງົບຫວຽດນາມ ພ້ອມຄະນະ.

ໂອກາດນີ້ ພົຈວ ປອ ສຸວັນນີ ສີສຸພາບມີໄຊ ຮອງຫົວໜ້າກົມໃຫຍ່ການເມືອງປ້ອງກັນຄວາມສະຫງົບລາວ ໄດ້ລາຍງານການຈັດຕັ້ງປະຕິບັດວຽກງານໃນໄລຍະຜ່ານມາ ໂດຍປະຕິບັດຕາມມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 4 ສະໄໝທີ XI ເຊີ່ງໄດ້ຊີ້ນຳໃຫ້ກະຊວງປ້ອງກັນຄວາມສະຫງົບລາວ ຄົ້ນຄ້ວາປັບປຸງກົງຈັກການຈັດຕັ້ງ ຂອງບັນດາກົມໃຫຍ່ໂດຍເນັ້ນໃສ່ການຍົກສູງປະສິດທິພາບຂອງວຽກງານ. ມາຮອດປະຈຸບັນແມ່ນພວມສືບຕໍ່ຄົ້ນຄ້ວາ, ກະກຽມດ້ານເນື້ອໃນຕ່າງໆໃຫ້ແກ່ການປັບປຸງກົງຈັກການຈັດຕັ້ງຂັ້ນກົມໃຫຍ່ ແລະ ປັບປຸງຍົກລະດັບໂຮງຮຽນທິດສະດີການເມືອງປ້ອງກັນຄວາມສະຫງົບ ຂຶ້ນເປັນວິທະຍາຄານການເມືອງ ປ້ອງກັນຄວາມສະຫງົບ  ໃນນັ້ນວຽກທີ່ພວມສຸມໃສ່ແມ່ນປັບປຸງກົງຈັກການຈັດຕັ້ງຂອງວິທະຍາຄານ ແລະ ບຸກຄະລາກອນ-ຄູອາຈານ ໃຫ້ພຽງພໍກັບຄວາມຕ້ອງການ, ປັບປຸງ ແລະ ສ້າງຫຼັກສູດອະນຸປະລິນຍາ, ຫຼັກສູດປະລິນຍາຕີການເມືອງ-ການບັນຊາ, ປະລິນຍາຕີເຊື່ອມຕໍ່ ແລະ ຫຼັກສູດບຳລຸງທິດສະດີການເມືອງໃຫ້ເປົ້າໝາຍສະເພາະ  ແລະ ວຽກງານອື່ນໆ. ຈາກນັ້ນໃນກອງປະຊຸມທັງສອງຝ່າຍກໍໄດ້ມີຄຳຄິດຄຳເຫັນແລກປ່ຽນ ແລະ ຖອດຖອນບົດຮຽນ ຂໍ້ມູນດ້ານຕ່າງໆ ຢ່າງກົງໄປກົງມາ ໃນຂົງເຂດວຽກງານພັກ-ພະນັກງານ, ກໍ່ສ້າງກຳລັງ ແລະ ວຽກງານວິທະຍາຄານການເມືອງ ເພື່ອເຮັດໃຫ້ການຈັດຕັ້ງປະຕິວັດວຽກງານດັ່ງກ່າວມີຜົນສຳເລັດ ແລະ ເຊື່ອໝັ້ນວ່າ ການພົວພັນຮ່ວມມືຂອງສອງກຳລັງປ້ອງກັນຄວາມສະຫງົບຈະສືບຕໍ່ເສີມຂະຫຍາຍ ແລກປ່ຽນບົດຮຽນ ຮ່ວມມືກັນໃນຕໍ່ໜ້າ ແລະ ນັບມື້ກ້າວເຂົ້າສູ່ລວງເລິກ ມີປະສິດທິຜົນສູງ ແລະ ຂະຫຍາຍຕົວຢ່າງບໍ່ຢຸດຢັ້ງ.

Off

Comments are closed.