26th Aug2022

ກອງບັນຊາການປ້ອງກັນເຄື່ອນທີ່,ກະຊວງ ປກສ ປະກາດປັບປຸງການຈັດຕັ້ງຂັ້ນກອງບັນຊາການ

by Peaung Thanonkeo

ກອງບັນຊາການປ້ອງກັນເຄື່ອນທີ່,ກະຊວງປ້ອງກັນຄວາມສະຫງົບ,ປະກາດປັບປຸງການຈັດຕັ້ງຂັ້ນກອງບັນຊາການໃນວັນທີ 26 ສິງຫາ2022ນີ້,ໂດຍການໃຫ້ກຽດ ແລະ ເປັນປະທານຂອງ ພົຕ ວັນທອງ ກອງມະນີ ຮອງລັດຖະມົນຕີກະຊວງປ້ອງກັນຄວາມສະຫງົບ,ຫົວໜ້າກົມໃຫຍ່ການເມືອງປ້ອງກັນຄວາມສະຫງົບ,ມີບັນດາຄະນະພັກກະຊວງ,ຫວົໜ້າກອງບັນຊາການ,ພະນັກງານຫຼັກແຫຼ່ງ,ຫ້ອງ,ກອງພັນ,ສູນຝຶກອົບຮົມວຽກງານວິຊາສະເພາະຄົບວົງຈອນ,ກອງຮ້ອຍອ້ອມກອງບັນຊາການປ້ອງກັນເຄື່ອນທີ່ແລະແຂກຖຶກເຊີນເຂົ້າຮ່ວມ.

ພັອ ສົມພອນ ແກ້ວພູທອນ ຮອງຫົວໜ້າກົມພະນັກງານ ກົມໃຫຍ່ການເມືອງ ໄດ້ຜ່ານຂໍ້ຕົກລົງ ຂອງລັດຖະມົນຕີກະຊວງ ປກສ ວ່າດ້ວຍການແຕ່ງຕັ້ງນາຍຕຳຫຼວດທີ່ຂື້ນກັບກອງບັນຊາການປ້ອງກັນເຄື່ອນທີ່ ໃນນີ້ໄດ້ແຕ່ງຕັ້ງ ພັອ ທອງເພັດ ມະນີສະຫວັນ ເປັນຮອງຫົວໜ້າກອງບັນຊາການປ້ອງກັນເຄື່ອນທີ່ ສ່ວນຫົວໜ້າ ແລະ ຮອງທີ່ມີຢູ່ແລ້ວແມ່ນຮັກສາໄວ້ຄືເກົ່າ,ທັງນີ້ກໍ່ເພື່ອເປັນການປັບປຸງກົງຈັກການຈັດຕັ້ງຂັ້ນກະຊວງປ້ອງກັນຄວາມສະຫງົບເວົ້າລວມ,ເວົ້າສະເພາະກໍ່ແມ່ນກອງບັນຊາການປ້ອງກັນເຄື່ອນທີ່ໃຫ້ມີຄວາມເຕີບໃຫ່ຍເຂັ້ມແຂງທາງດ້ານປະລິມານແລະຄຸນນະພາບ,ເພື່ອພ້ອມກັນສືບຕໍ່ເຮັດໜ້າທີ່ການເມືອງອັນມີກຽດສະຫງ່າທີ່ພັກ-ລັດ,ການຈັດຕັ້ງຂັ້ນເທີງແລະປະຊາຊົນມອບໝາຍໄດ້ມີຜົນງານ,ມີຜົນສໍາເລັດອັນໃໝ່ຍິ່ງໃຫ່ຍກວ່າເກົ່າ.

ໃນໂອກາດທີ່ມີຄວາມໝາຍສໍາຄັນນີ້ ກໍ່ໄດ້ຮັບຟັງຄຳໂອ້ລົມ ຂອງພົຕ ວັນທອງ ກອງມະນີ ລັດຖະມົນຕີ ຫົວໜ້າກົມໃຫ່ຍການເມືອງ ກະຊວງປ້ອງກັນຄວາມສະຫງົບ,ເຊິ່ງທ່ານໄດ້ກ່າວວ່າ: ການປະກາດແຕ່ງຕັ້ງໃນຄັ້ງນີ້ ແມ່ນການມອບໝາຍໜ້າທີ່ອັນໃຫຍ່ຫຼວງ,ໜັກໜ່ວງ ຕໍ່ກັບບັນດາສະຫາຍ ທີ່ໄດ້ຮັບການແຕ່ງຕັ້ງໃນຄັ້ງນີ້ຕ້ອງໄດ້ຕັດສິນໃຈສູ້ຊົນພ້ອມກັນກ້າວຂື້ນເຮັດສຳເລັດໜ້າທີ່,ສະນັ້ນຜູ້ທີ່ໄດ້ຮັບການແຕ່ງຕັ້ງໃໝ່,ຕ້ອງເອົາໃຈໃສ່ເຊື່ອມຊືມແນວທາງປ່ຽນແປງໃໝ່ຂອງພັກ,ມີທັດສະນະຫຼັກໝັ້ນການເມືອງ,ມີຄວາມຈົ່ງຮັກພັກດີຕໍ່ພັກ-ຕໍ່ລັດ ແລະ ເຊື່ອໝັ້ນຕໍ່ອຸດົມການສັງຄົມນິຍົມ,ເຕົ້າໂຮມສາມັກຄີເປັນປຶກແຜ່ນປະຕິບັດຕາມຫຼັກການລວມສູນປະຊາທິປະໄຕ,ເອກະພາບ,ຕ້ານແນວຄິດຫຼາຍພັກຫຼາຍເຄົ້າ,ຈຸ້ມເຈື້ອເຊື້ອສາຍ,ຕ້ອງມີຄວາມຈິງໃຈກໍ່ສ້າງຊ່ວຍເຫຼືອເຊີ່ງກັນ ແລະ ກັນ, ເພີ່ມທະວີຄວາມຮັບຜິດຊອບຕໍ່ໜ້າທີ່ການເມືອງຂອງຕົນ ໃນການປະຕິບັດພາລະບົດບາດໜ້າທີ່ ແລະ ຂອບເຂດສິດໜ້າທີ່ຂອງຕົນ,ໃນການຄົ້ນຄວ້າຫັນເອົາແນວທາງຂອງພັກ,ກົດໝາຍຂອງລັດ,ມະຕິຄຳສັ່ງ ຂໍ້ກຳນົດຕ່າງໆທີ່ພັກ-ລັດ ກໍ່ຄືຂັ້ນເທິງວາງອອກໃຫ້ເປັນວຽກອັນລະອຽດຂອງຕົນ,ເອົາໃສ່ປັບປຸງແບບແຜນນຳພາ ແລະ ວິທີເຮັດວຽກແຕ່ເທິງລົງລຸ່ມ,ນຳພາເປັນໝູ່ຄະນະ,ບຸກຄົນຮັບຜິດຊອບ,ສຽງສ່ວນໜ່ອຍຂື້ນກັບສຽງສ່ວນຫຼາຍ,ບຸກຄົນຂື້ນກັບການຈັດຕັ້ງ,ເອົາໃຈໃສ່ຈັດຕັ້ງຝຶກຊ້ອມ,ຝຶກແອບໃຫ້ກຳລັງເປັນປົກກະຕິເຮັດໃຫ້ພະນັກງານ-ນັກຮົບມີ ຄວາມຊຳນິ-ຊໍານານ,ວຽກງານວິຊາສະເພາະຮັບປະກັນເຮັດສຳເລັດໜ້າ ທີ່ການເມືອງທີ່ໄດ້ຮັບມອບໝາຍ.

 

Off

Comments are closed.