30th Aug2022

ສືບຕໍ່ສ້າງບ້ານຄົກເພີງ ໃຫ້ເປັນບ້ານປ້ອງກັນຄວາມສະຫງົບດີ

by Peaung Thanonkeo

ວັນທີ 25 ສິງຫາ​ 2022, ປກສ ກຸ່ມ​ຄົກເພີງ​ ເມືອງສັງທອງ​ ນະຄອນຫຼວງວຽງຈັນ ເປີດກອງປະຊຸມ ຜັນຂະຫຍາຍວຽກງານກໍ່ສ້າງຮາກຖານການເມືອງ ຕິດພັນກັບວາລະແຫ່ງຊາດ ວ່າດ້ວຍການສະກັດກັ້ນ ແລະ ແກ້ໄຂບັນຫາຢາເສບຕິດ, ປະເມີນຄອບຄົວ, ບ້ານປອດຢາເສບຕິດ ແລະ ຄອບຄົວ, ບ້ານປ້ອງກັນຄວາມສະຫງົບດີ ຢູ່ບ້ານຄົກເພີງ ໂດຍການເປັນປະທານຂອງ ພັທ ສີ​ທົນ​ ພົມມະວົງ ຫົວໜ້າ ປກສ ກຸ່ມຄົກເພີງ, ໃຫ້ກຽດເຂົ້າຮ່ວມຂອງ ພັທ ສີວິໄລ​ ພູມນະໄຊ​ ຫົວໜ້າກອງບັນຊາການ ປກສ​ ເມືອງ​ສັງ​ທອງ​, ມີຄະນະ​ ປກສ​ ກຸ່ມ, ອໍານາດການປົກຄອງບ້ານ , ກຳລັງກໍ່ສ້າງຮາກຖານ ແລະ ປະຊາຊົນພາຍໃນບ້ານ ເຂົ້າຮ່ວມ.

ພັທ ສີ​ທົນ​ ພົມມະວົງ ຫົວໜ້າ ປກສ ກຸ່ມຄົກເພີງ​ໃຫ້ຮູ້ວ່າ​: ການຜັນຂະຫຍາຍວຽກງານກໍ່ສ້າງຮາກຖານການເມືອງ ຕິດພັນກັບວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ, ປະເມີນຄອບຄົວ, ບ້ານປອດຢາເສບຕິດ ແລະ ຄອບຄົວ, ບ້ານປ້ອງກັນຄວາມສະຫງົບດີ ຢູ່ບ້ານຄົກເພີງ ແມ່ນຈະລົງເຄື່ອນໄຫວ ໃຫ້ສໍາເລັດພາຍໃນ 6 ວັນ. ນັບແຕ່ວັນທີ 25 ສິງຫາ- 1 ກັນຍາ​ 2022​, ໂດຍຈະສຸມໃສ່ສືບຕໍ່ແກ້ໄຂຈໍານວນພົນລະເມືອງ ທີ່ຍັງບໍ່ທັນໄດ້ຈົດທະບຽນຂຶ້ນສຳມະໂນຄົວ ເປັນຕົ້ນ ເດັກເກີດໃໝ່, ຍົກຍ້າຍມາຈາກຕ່າງບ້ານ, ເມືອງ, ແຂວງ,  ສຸມໃສ່ແກ້ໄຂຄົນຕ່າງປະເທດ ທີ່ມາພັກເຊົາ ແລະ ປະກອບອາຊີບບໍ່ຖືກຕ້ອງຕາມລະບຽບກົດໝາຍ, ສຸມໃສ່ແກ້ໄຂບັນດາຈຸດສ່ຽງຂອງການມົ້ວສຸມຊື້-ຂາຍຢາເສບຕິດ, ປຸ້ນ, ຈີ້, ຊີງຊັບ; ສືບຕໍ່ສຶກສາອົບຮົມບັນດາເປົ້າໝາຍພົວພັນກັບຢາເສບ​ຕິດ ໂດຍໂຄສະນາເຜີຍແຜ່ລະບຽບກົດໝາຍ ແລະ ຜົນຮ້າຍໄພອັນຕະລາຍຂອງຢາເສບຕິດໃຫ້ຮັບຮູ້-ເຂົ້າໃຈ​ ແລ​ະ ຢຸດເຊົາ; ກວດກາຄຸ້ມຄອງຄົນຕ່າງປະເທດທີ່ລະເມີດລະບຽບກົດໝາຍ ເປັນຕົ້ນແມ່ນລັກປະກອບອາຊີບ, ລັກແຕ່ງງານກັບພົນລະເມືອງລາວ ແລະ ບັນຫາອື່ນໆ. ໂດຍອີງໃສ່ລະບຽບຫຼັກການວິຊາສະເພາະ ກໍຄືວຽກງານຄຸ້ມຄອງຄົນຕ່າງປະເທດ

Off

Comments are closed.