31st Aug2022

ປຶກສາຫາລືວຽກງານໂຄສະນາເພື່ອເພີ່ມອັດຕາປົກຄຸມການສັກວັກຊິນໂຄວິດ-19 ແລະວັກຊິນປົກກະຕິແຕ່ຂັ້ນສູນກາງ ແລະ ແຂວງພາກໃຕ້

by somda phoneor

ສູນສື່ສານເພື່ອສຸຂະພາບເເລະສຸຂະສຶກສາ ກະຊວງສາທາລະນະສຸກ ຈັດຊຸດຝຶກອົບຮົມ ວຽກງານໂຄສະນາເພື່ອເພີ່ມອັດຕາການສັກວັກຊີນປ້ອງກັນພະຍາດໂຄວິດ19ເເລະວັກຊີນພາກປົກກະຕິໃຫ້ເເກ່ສື່ມວນຊົນຂັ້ນສູນກາງເເລະບັນດາເເຂວງພາກໃຕ້ ໃນຕອນເຊົ້າຂອງວັນທີ31ສີງຫາ2022 ຢູ່ຫ້ອງປະຊຸມໂຮງເເຮມຈໍາປາສັກເເກຣນໂຮເເທວນະຄອນປາກເຊ ເເຂວງຈໍາປາສັກ ພາຍໃຕ້ການເປັນປະທານຮ່ວມຂອງ  ທ່ານ  ວິສິດ ຄໍາລືຊາ ຫົວຫນ້າສູນສື່ສານເພື່ອສຸຂະພາບ ເເລະ ສຸຂະສຶກສາ ກະຊວງສາທາລະນະສຸກ, ດຣ ນາງ ສັງວານ ເເສນສຸກ ຮອງຫົວຫນ້າພະເເນກສາທາລະນະສຸກ ເເຂວງຈໍາປາສັກ, ມີຕາງຫນ້າສູນວິເຄາະ ເເລະ ລະບາດວິທະຍາທີ່ມາຈາກນະຄອນຫລວງວຽງຈັນ, ຄໍາມ່ວນ, ສະຫວັນນະເຂດ, ສາລະວັນ, ຈໍາປາສັກ, ເຊກອງ ເເລະ ອັດຕະປື  ພ້ອມດ້ວຍ ສື່ມວນຊົນ ທີ່ມາຈາກສູນກາງເຂົ້າຮ່ວມ.

 

ທ່ານ ວິສິດ ຄໍາລືຊາ ກ່າວວ່າ: ການຈັດກອງປະຊຸມໃນຄັ້ງນີ້ ເເມ່ນເປັນຄັ້ງທີ່ສອງ ເຊີ່ງຄັ້ງທໍາາອິດໄດ້ຈັດຂື້ນຢູ່ເມືອງວັນວຽງເເຂວງວຽງຈັນ ເເລະ ຄັ້ງທີ3 ຈະສືບຕໍ່ຈັດຂື້ນຢູ່ບັນດາເເຂວງພາກເຫນືອໃນອີກບໍ່ດົນນີ້ ຈຸດປະສົງເພື່ອແລກປ່ຽນ ແລະ ຖອດຖອນບົດຮຽນການປຸກ​ລະດົມ ແລະ ໂຄສະນາສະ​ພາບ​ການຄວບ​ຄຸມ​ພະ​ຍາດ​ ແລະ ການ​ສັກ​ຊີນປ້ອງ​ກັນພະຍາດ ໂຄວິດ 19 ຜ່ານທາງ​ສື່ມວນ​ຊົນ, ສື່​ອອນ​ລາຍ ແລະ ຊຸມ​ຊົນ ນັບເເຕ່ຂັ້ນສູນກາງຈົນຮອດທ້ອງຖິ່ນໃນ​ໄລ​ຍະ​ຜ່ານ​ມາ ເພື່ອວາງທິດທາງການແຜນໂຄສະນາ ແລະ ປຸກ​ລະ​ດົມ ການ​ສັກ​ວັກຊີນ​ປ້ອງກັນພະຍາດ ໂຄວິດ 19 ຜ່ານສື່ມວນ​ຊົນ ໃຫ້ໄດ້ຮັບປະສິດທິພາບເເລະປະສິດທິຜົນຫລາຍຂື້ນກວ່າເກົ່າ ນອກຈາກນີ້ ຍັງໄດ້ເຊີນເອົາສື່ມວນຊົນຈາກພາກສ່ວນຕ່າງໆໂດຍສະເພາະສື່ມວນຊົນຢູ່ຂັ້ນສູນກາງເຂົ້າມາຮ່ວມຕື່ມອີກ ເນື່ອງຈາກວ່າ ສື່ມວນຊົນມີບົດບາດສໍາຄັນຫລາຍ ໃນການໂຄສະນາຂໍ້ມູນຂ່າວສານໄດ້ຢ່າງກວ້າງຂວາງ ໂດຍສະເພາະການປຸກລະດົມໃຫ້ປະຊາຊົນຮູ້ຈັກຜົນຮ້າຍ,ໄພອັນຕະລາຍ,ວີທີປ້ອງກັນ ລວມເຖີງການເຂົ້າມາສັກວັກຊີນປ້ອງກັນພະຍາດໂຄວິດ-19.

ຊຸດຝຶກອົບຮົມ ໃນຄັ້ງນີ້ ຜູ້ເຂົ້າຮ່ວມ ໄດ້ພ້ອມກັນຮັບຟັງການນຳ​ສະ​ເໜີ​ການ​ບໍ​ລິ​ການ​ວັກ​ຊີນ​ກັນ​ພະ​ຍາດ​ໂຄວິດ-19 ຢູ່ ລາວ ຄາດ​ໝາຍ, ສະ​ພາບ​ການ​ຕົວ​ຈິງ, ບັນ​ຫາ ແລະ ສິ່ງ​ທ້າ​ທາຍ,ການ​ສື່​ສານ​ເພື່ອປຸກລະດົມຊຸມຊົນສຳ​ລັບ​ການເຂົ້າເຖີງການ​ບໍ​ລິ​ການ​ໃຫ້​ວັກ​ຊີນ​ປ້ອງກັນ​ພະ​ຍາດ​ໂຄວິດ-19,ການນຳ​ສະ​ເໜີ​ບົດ​ຄຳ​ຖາມ-ຄຳ​ຕອບ ກ່ຽວ​ກັບ​ພະ​ຍາດ​ ແລະ ວັກ​ຊິນ​ກັນ​ພະ​ຍາດ​ໂຄວິດ-19​,ຫຼັກ​ການ​ລວມ​ການ​ສື່​ສານ​ເພື່ອ​ຫຼຸດ​ຜ່ອນ​ຄວາມ​ສ່ຽງຂອງການຕິດເຊື້ອພະຍາດໂຄວິດ-19 ລວມເຖີງວຽກງານສໍາຄັນປີ່ນອ້ອມຈໍານວນຫນື່ງ ເຊີ່ງໄດ້ດໍາເນີນເປັນເວລາ 3 ວັນ ນັບເເຕ່ວັນທີ 31 ສີງຫາ ນີ້ ຫາ ວັນທີ 2ກັນຍາຫນ້ານີ້ຈື່ງສໍາເລັດ.

Off

Comments are closed.