31st Aug2022

ການນຳກອງບັນຊາການ ປກສ ແຂວງອຸດົມໄຊ ພ້ອມຄະນະ ລົງລະດົມຈິດໃຈປະຊາຊົນທີ່ຮັບຜົນກະທົບຈາກໄພທຳມະຊາດ (ນໍ້າຖ້ວມ).

by somda phoneor

ພາຍຫຼັງທີ່ເກີດມີຝົນຕົກໜັກຕິດຕໍ່ກັນເປັນເວລາຫຼາຍຊົວໂມງ ໃນຄັ້ງວັນທີ 26 ສິງຫານີ້ ເຮັດໃຫ້ສະພາບ ປະລິມານນ້ໍາກໍ ແລະ ຫ້ວຍນ້ຳສາຍຕ່າງໆເພີ່ມສູງຂຶ້ນຢ່າງໄວວາ ພ້ອມທັງເກີດມີນ້ຳປ່າໄຫຼຊຸຢ່າງໜັກໜ່ວງ ໂດຍສະເພາະແມ່ນເສັ້ນທາງເລກ 2 ຕາເວັນອອກ ລະຫວ່າງເມືອງໄຊ-ເມືອງຫຼາ, ເສັ້ນທາງເລກ 13 ເໜືອ ລະຫວ່າງເມືອງໄຊ-ເມືອງນາໝໍ້, ສະພາບນໍ້າໄດ້ພັດຖ້ວມບ້ານເຮືອນ,ຮົ້ວສວນ,ພື້ນທີ່ນາເຂົ້າຂອງປະຊາຊົນ ຢູ່ລຽບຕາມແຄມສາຍນ້ຳກໍ ແລະ ເຂດພື້ນທີ່ຕ່ຳ ຖືກເຊາະເຈື່ອນເປັນຈຳນວນຫຼາຍ. ຕໍ່ກັບສະພາບການດັ່ງກ່າວ ດ້ວຍຄວາມເປັນຫ່ວງເປັນໄຍຂອງກຳລັງປ້ອງກັນຄວາມສະຫງົບແຂວງອຸດົມໄຊ ນຳໂດຍ ພັອ ສີວອນ ໄຊຍະວົງ ຫົວໜ້າກອງບັນຊາການ ປກສ ແຂວງພ້ອມດ້ວຍຄະນະພັກ-ຄະນະບັນຊາ,ສົມທົບກັບອົງການປົກຄອງເມືອງ,ອໍານາດການປົກຄອງບ້ານ ແລະ ພາກສ່ວນກ່ຽວຂ້ອງ ລົງເຄື່ອນໄຫວຕິດຕາມສະພາບ ແລະ ໃຫ້ຂວັນກຳລັງໃຈແກ່ປະຊາຊົນ ທີ່ປະສົບເຄາະຮ້າຍຈາກໄພທຳມະຊາດຄັ້ງນີ້ ເຊິ່ງອຸທົກກະໄພຄັ້ງນີ້ມີຫຼາຍພື້ນທີ່ໄດ້ຮັບຜົນເສຍຫາຍ,ໂດຍສະເພາະແມ່ນບັນດາບ້ານໃນເທດສະບານເມືອງໄຊ,ເມືອງນາໝໍ້ ແລະ ເມືອງຫຼາ. ຕໍ່ສະພາບດັ່ງກ່າວເຮັດໃຫ້ລະບົບເຄືອຄ່າຍໄຟຟ້າ, ນ້ໍາປະປາ ແລະ ການສື່ສານຄົມມະນາຄົມບໍ່ສາມາດນຳໃຊ້ໄດ້, ເສັ້ນທາງການສັນຈອນຖືກຕັດຂາດ ເປັນອຸປະສັກໃນການສັນຈອນໄປມາຫາສູ່ ຕໍ່ວິກິດຄັ້ງນີ້ຄະນະພັກ-ຄະນະນຳກອງບັນຊາການ ປກສ ແຂວງອຸດົມໄຊກໍ່ໄດ້ຊຸກຍູ້ໃຫ້ອົງການປົກຄອງເມືອງ,ອຳນາດການປົກຄອງບ້ານຊ່ວຍເກັບກຳຕິດຕາມສະພາບຢ່າງໃກ້ສິດ,ປຸກລະດົມໃຫ້ປະຊາຊົນພ້ອມກັນຍົກສູງສະຕິເຝົ້າລະວັງບັນຫາທີ່ຈະຕາມມາ,ໃຫ້ທຸກຄອບຄົວຊ່ວຍເຫຼືອເບິ່ງແຍງເຊີ່ງກັນ ແລະ ກັນ ໃນຊ່ວງວິກິດຫຍຸ້ງຍາກນີ້ໃຫ້ພົ້ນຜ່ານໄປດ້ວຍດີ.

Off

Comments are closed.