31st Aug2022

ປກສ ແຂວງ ສົມທົບກັບຫົວໜ່ວຍນັກທຸລະກິດ ຈີນ ປະຈຳແຂວງ ອຸດົມໄຊມອບເຄື່ອງຊ່ວຍເຫຼືອບັນເທົາທຸກໃຫ້ແກ່ປະຊາຊົນທີ່ປະສົບໄພນໍ້າຖ້ວມຢູ່ສອງບ້ານ

by Peaung Thanonkeo

ວັນທີ່ 28 ສິງຫາ 2022 ນີ້ ທາງກອງບັນຊາການ ປກສ ແຂວງອຸດົມໄຊນຳໂດຍ ພັທ ສອນວິໄລ ຕຸລາທອງ ຮອງຫົວໜ້າກອງບັນຊາການ ປກສ ແຂວງ,ສະມາຊິກສະພາເຂດ IV ແຂວງອຸດົມໄຊ

ສົມທົບກັບບັນດາກູ່ມຫົວໜ່ວຍນັກທຸລະກິດ ຈີນ ປະຈຳແຂວງອຸດົມໄຊໄດ້ນຳເອົາວັດຖຸປັດໃຈ ຈຳນວນໜຶ່ງລົງຊ່ວຍເຫຼືອບັນເທົາທາງດ້ານຊີວິດການເປັນຢູ່ຂັ້ນເບື້ອງຕົ້ນໃຫ້ແກ່ປະຊາຊົນທີ່ປະສົບເຄາະຮ້າຍຈາກໄພທຳມະຊາດ(ນໍ້າຖ້ວມ)ຢູ່ໃນຂອບເຂດສອງບ້ານຄື:

ບ້ານສາມະຄີໄຊ ແລະ ບ້ານໂພນໄຊ ເມືອງຫຼາ ແຂວງອຸດົມໄຊ,ເຄື່ອງທີ່ນຳມາມອບໃນຄັ້ງນີ້ລວມມີປະເພດເຄື່ອງນຸ່ງຫົ່ມຈຳນວນ 18 ຖົງ ແລະ ເງິນສົດອີກຈຳນວນໜຶ່ງລວມມູນຄ່າ 15,000,000 ກີບ,ເຊິ່ງແມ່ນການສົມທົບທຶນຊ່ວຍເຫຼືອຈາກຫົວໜ່ວຍທຸລະກິດ ຈີນ ປະຈຳແຂວງອຸດົມໄຊ,ໂດຍມີຄະນະນຳທິມງານກອງບັນຊາການ ປກສ ແຂວງ,ຫົວໜ່ວຍທຸລະກິດ,ອຳນາດການປົກຄອງບ້ານ ແລະ ຕາງໜ້າຄອບຄົວທີ່ຖືກເສຍຫາຍເຂົ້າຮ່ວມ.ຕໍ່ເຫດການຄັ້ງນີ້ ທາງອຳນາດການປົກຄອງບ້ານ ໄດ້ໃຫ້ຮູ້ວ່າ:ຄອບຄົວທີ່ຮັບຜົນກະທົບຫຼວງຫຼາຍກ່ວາໝູ່ມີຈຳນວນ 18 ຄອບຄົວໃນນີ້ຢູ່ບ້ານສາມະຄີໄຊ ມີ 08 ຄອບຄົວ ແລະ ບ້ານໂພນໄຊ 10 ຄອບຄົວ,ນອກຈາກນີ້ຍັງມີຈຳນວນຫຼາຍພື້ນທີ່ທີ່ໄດ້ຮັບຜົນເສຍຫາຍຢ່າງໜັກໜ່ວງ,ປະຈຸບັນຄະນະຮັບຜິດຊອບແຕ່ລະພາກສ່ວນພວມເລັ່ງເກັບກຳສະພາບ,ຕໍ່ສະພາບການດັ່ງກ່າວກຳລັງແຮງຊາວໜຸ່ມຈາກຂະແໜງການຕ່າງໆກໍ່ໄດ້ພ້ອມກັນອອກແຮງຊ່ວຍເຫຼືອດ້ານແຮງງານເພື່ອອະນາໄມມ້ຽນມັດເຄື່ອງຂອງ ແລະ ເສດສິ່ງຂອງຕ່າງໆ ໃນບໍລິເວນພື້ນທີ່ປະສົບໄພໃຫ້ເຂົ້າສູພາວະປົກກະຕິຕື່ມອີກ.

Off

Comments are closed.