31st Aug2022

ຊາວໜຸ່ມກະຊວງ ປກສ ຈັດກອງປະຊຸມລະດົມທຶນຊ່ວຍເຫຼືອຜູ້ປະສົບໄພນໍ້າຖ້ວມ

by Peaung Thanonkeo

ຊາວໜຸ່ມກະຊວງ ປກສ ໄດ້ຈັດກອງປະຊຸມປືກສາຫາລື ເພຶ່ອລະດົມທຶນຊ່ວຍເຫຼືອຜູ້ປະສົບໄພນໍ້າຖ້ວມທົ່ວປະເທດ ໃນວັນທີ 30 ສິງຫາ 2022, ເປັນປະທານໂດຍ ພັອ ບຸນຈັນ ອິນພົມມາ ເລຂາຄະນະບໍລິຫານງານຊາວໜຸ່ມກະຊວງ ປກສ, ມີບັນດາຕາງໜ້າຄະນະບໍລິຫານງານຊາວໜຸ່ມ 15 ກົມກອງອ້ອມຂ້າງກະຊວງ ປກສ ເຂົ້າຮ່ວມ.

ກອງປະຊຸມ ຄັ້ງນີ້, ແມ່ນເປັນການຜັນຂະຫຍາຍຕາມແຈ້ງການຂອງສູນກາງຊາວໜຸ່ມປະຊາຊົນ ປະຕິວັດລາວ ກ່ຽວກັບການໃຫ້ບັນດາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງ, ອົງການ, ນະຄອນຫຼວງວຽງຈັນ, ສະມາຄົມ, ບໍລິສັດຫ້າງຮ້ານ ແລະ ຜູ້ມີນໍ້າໃຈເສຍສະຫຼະ, ແລະຕາມທິດຊີ້ນໍາຂອງປະທານຄະນະຕ້ານ ແລະ ຮັບມືກັບໄພພິບັດ, ແຜນການ ແລະ ການເຄື່ອນໄຫວຂອງຄະນະກຳມະການຕ້ານ, ສະກັດກັ້ນ ແລະ ຮັບມືກັບໄພພິບັດ ສູນກາງຊາວໜຸ່ມ ປະຊາຊົນ ປະຕິວັດລາວ ປະຈໍາປີ 2022.

ດັ່ງນັ້ນ, ຫ້ອງຊາວໜຸ່ມກະຊວງ ປກສ ຈິງໄດ້ຈັດກອງປະຊຸມ ເພຶ່ອປືກສາຫາລື ກ່ຽວກັບການລະດົມດ້ານວັດຖຸ-ປັດໃຈ, ເຄື່ອງບໍລິໂພກ-ອຸປະໂພກ, ເຄື່ອງໃຊ້ສອຍຕ່າງໆຕາມເງື່ອນໄຂຂອງແຕ່ລະພາກສ່ວນ ເພື່ອຈະນໍາໄປມອບໃຫ້ຄອບຄົວທີ່ໄດ້ຮັບຜົນກະທົບໄພນໍ້າຖ້ວມທົ່ວປະເທດ ທີ່ລໍຖ້າຮັບການຊ່ວຍເຫຼືອ

Off

Comments are closed.