02nd Feb2016

ລມຕ ກວດກາຄວາມຄືບໜ້າການກໍ່ສ້າງ ໂຄງການຄຸ້ມຄອງເຕັກນິກຂໍ້ມູນການສື່ສານ

by somchan

ພົນຕີ ສົມແກ້ວ ສີລາວົງ ລັດຖະມົນຕີວ່າການກະຊວງ ປກສ ພ້ອມດ້ວຍຄະນະ ໄດ້ລົງກວດກາຄວາມຄືບໜ້າ ການກໍ່ສ້າງໂຄງການຄຸ້ມຄອງເຕັກນິກຂໍ້ມູນ ການສື່ສານແລະຕ້ານການໂຈລະກຳທາງອິນເຕີເນັດ ໃນວັນທີ29 ມັງກອນ 2016.

DSC_5010-(cut)

ພັອ ດຣ ຄຳມ້າວ ຫລ້າຈັນເພັດ ຮອງຫົວໜ້າກົມໃຫຍ່ສັນຕິບານ ກະຊວງ ປກສ ໄດ້ລາຍງານຄວາມຄືບໜ້າການຈັດຕັ້ງປະຕິບັດໂຄງການຄຸ້ມຄອງເຕັກນິກຂໍ້ມູນການສື່ສານ ແລະ ຕ້ານການໂຈລະກຳທາງອິນເຕີເນັດ ເຊິ່ງກະຊວງ ປກສ ໄດ້ຮັບອະນຸມັດຈາກພັກ-ລັດຖະບານໃນການດຳເນີນການຈັດຕັ້ງປະຕິບັດໂຄງການດັ່ງກ່າວ ໃນມູນຄ່າ 24 ລ້ານກວ່າໂດລາສະຫະລັດ, ແລະ ໄດ້ເລີ່ມລົງມືກໍ່ສ້າງແຕ່ປີ 2009 ໂດຍມີໜ້າວຽກຕົ້ນຕໍຄື: ປູຢາງໜ້າທາງມີຄວາມຍາວ 6 ກິໂລແມັດ, ປຸກສ້າງຕຶກອາຄານຫ້ອງບັນຊາການເຕັກນິກໃຫມ່ 3 ຊັ້ນເຄິ່ງ 1 ຫຼັງ ແລະ ສ້ອມແປງຕຶກໄຟຟ້າເກົ່າ 1 ຫຼັງ. ເຊິ່ງມາຮອດປະຈຸບັນການກໍ່ສ້າງແມ່ນສຳເລັດ 90%.

ທ່ານ ຄຳມ້າວ ຫຼ້າຈັນເພັດ ກ່າວຕື່ມວ່າ: ການສ້າງໂຄງການດັ່ງງກ່າວແນໃສ່ຮັບປະກັນໃນການກວດກາຄຸ້ມຄອງ ແລະ ສະກັດກັ້ນປະກົດການຫຍໍ້ທໍ້ທາງດ້ານສື່ສານທາງອິນເດີເນັດ ແລະ ເຂົ້າສູ່ລະບຽບກົດໝາຍ.      ໂອການີ້ ທ່ານລັດຖະມົນຕີວ່າການກະຊວງ ປກສ ຍັງໄດ້ແນະນຳບາງວຽກງານເພື່ອໃຫ້ສອດຄ່ອງກັບສະພາບການຕົວຈິງທາງດ້ານວຽກງານວິຊາສະເພາະຂອງກຳລັງ ປກສ ໃນໄລຍະໃຫມ່ໃຫ້ມີໝາກຜົນສຳເລັດຕາມລະດັບຄາດໝາຍ.

DSC_4977-(cut)

Off

Comments are closed.