01st Sep2022

6 ເດືອນຕົ້ນປີ 2022 ປກສ ກຸ່ມໜອງບຶກ ເກັບກໍາການຂຶ້ນທະບຽນສໍາມະໂນຄົວສໍາເລັດ 8.999 ຄົນ

by Peaung Thanonkeo

ພັທ ວຽງມະນີ ແກ້ວມະນີ ຫົວໜ້າ ປກສ ກຸ່ມໜອງບຶກ ເມືອງ ສີໂຄດຕະບອງ ນະຄອນຫຼວງວຽງຈັນ ໃຫ້ຮູ້ວ່າ: ໄລຍະ 6 ເດືອນຕົ້ນປີ 2022, ຜ່ານມາ ປກສ ກຸ່ມໜອງບຶກ ໄດ້ລົງກໍ່ສ້າງຮາກຖານການເມືອງ ສຸມໃສ່ເກັບກຳການເໜັງຕີງຂອງພົນລະເມືອງ, ການຍົກຍ້າຍ, ການພັກເຊົາ, ຄຸ້ມຄອງຄົນເພີ່ມ, ຄົນຫຼຸດ ຜ່ານມາເກັບກຳການຂຶ້ນທະບຽນສໍາມະໂນຄົວສໍາເລັດ 8.999 ຄົນ, ຍິງ 4.554 ຄົນ, ຍັງບໍ່ໄດ້ຂຶ້ນທະບຽນສໍາມະໂນຄົວ 344 ຄົນ, ຍິງ 165 ຄົນ, ພາຍໃນກຸ່ມມີຄົນພັກເຊົາຊົ່ວຄາວ ທັງໝົດ 380 ຄົນ, ຍິງ 251 ຄົນ, ຍົກຍ້າຍມາຈາກຕ່າງເມືອງ, ຕ່າງແຂວງມີ  301 ຄົນ. ນອກນັ້ນ ໄດ້ເປີດຝຶກອົບຮົມພາລະບົດບາດ, ສິດ ແລະ ໜ້າທີ່ໃຫ້ ກຳລັງ ປກສ ບ້ານທີ່ຂຶ້ນກັບ ມີນັກສໍາມະນາກອນ ເຂົ້າຮ່ວມ 26 ຄົນ, ໄດ້ສົມທົບກັບພາກສ່ວນກ່ຽວຂ້ອງ ຈັດຕັ້ງຜັນຂະຫຍາຍ ວຽກງານກໍ່ສ້າງຮາກຖານການເມືອງ ຕິດພັນກັບວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ, ປະເມີນຄອບຄົວ, ບ້ານປອດຢາເສບຕິດ ແລະ ຄອບຄົວ, ບ້ານປ້ອງກັນຄວາມສະຫງົບດີ ບ້ານໜອງບຶກໃຕ້. ພາຍໃນກຸ່ມ ມີຄະດີເກີດຂຶ້ນ 29 ເລື່ອງ, ແກ້ໄຂໄດ້ 7 ເລື່ອງ, ກັກຕົວຜູ້ຖືກຫາ 12 ຄົນ, ຍິງ 1 ຄົນ, ຢຶດຂອງກາງຢາບ້າໄດ້ 494 ເມັດ ໂດຍໄດ້ສົ່ງໃຫ້ກອງບັນຊາການ ປກສ ເມືອງສີໂຄດຕະບອງ ດໍາເນີນຄະດີ, ນອກຈາກນີ້ ຍັງໄດ້ເກັບກໍາ ແລະ ຂຶ້ນບັນຊີເປົ້າ ໝາຍ 107 ຄົນ, ຍິງ 8 ຄົນ ພ້ອມທັງນຳຕົວມາສືກສາອົບຮົມ .

Off

Comments are closed.