01st Sep2022

ຫ້ອງວ່າການກະຊວງ ປກສ ເປີດບັ້ນດຳເນີນຊີວິດການເມືອງປະຈຳປີ2022.

by Peaung Thanonkeo

ຫ້ອງວ່າການກະຊວງປ້ອງກັນຄວາມສະຫງົບໄດ້ເຊືອມຊືມເອກະສານເປີດບັ້ນດໍາເນີນຊີວິດການເມືອງປະຈຳປີ2022. ໃນວັນທີ 1 ກັນຍານີ້, ເປັນກຽດເຂົ້າຮ່ວມແລະເຜີຍແຜ່ເອກະສານໂດຍ    ພົຈວ ອານຸເດດ ຄູນຄຳ ຄະນະປະຈຳພັກ ຮອງຫົວໜ້າຫ້ອງວ່າການ ກະຊວງປ້ອງກັນຄວາມສະຫງົບ, ມີຄະນະພັກຫ້ອງວ່າການ, ກົມ, ຫ້ອງ, ພະນັກງານຫຼັກແຫຼ່ງ ແລະ ພະນັກງານ-ນັກຮົບ ທົ່ວຫ້ອງວ່າການກະຊວງ ປກສ ເຂົ້າຮ່ວມ.

ເອກະສານທີ່ນໍາມາເຜີຍແຜ່ຄັ້ງນີ້ມີ ຄໍາສັ່ງແນະນໍາຂອງຄະນະບໍລິຫານງານພັກກະຊວງປ້ອງກັນຄວາມສະຫງົບ ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນໃນກຳລັງປ້ອງກັນຄວາມສະຫງົບ, ຄຳແນະນຳ ຂອງກົມໃຫຍ່ການເມືອງປ້ອງກັນຄວາມສະຫງົບກ່ຽວກັບການຈັດຕັ້ງປະຕິບັດຄຳສັ່ງແນະນຳຂອງຄະນະບໍລິຫານງານພັກກະຊວງປ້ອງກັນຄວາມສະຫງົບວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນໃນກຳລັງປ້ອງກັນຄວາມສະຫງົບ, ເອກະສານ ແຈ້ງການແນະນຳເພີ່ມເຕີມ ການແນະນຳຂັ້ນຕອນ, ວິທີການດຳເນີນການກວດກາ, ຕີລາຄາແບ່ງປະເພດສະມາຊິພັກ, ໜ່ວຍພັກ ແລະ ຄັດເລືອກໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ເອກະສານ ເສີມຂະຫຍາຍທາດແທ້ມູນເຊື້ອປະຕິວັດອັນສະຫງ່າງາມຂອງກຳລັງປ້ອງກັນຄວາມສະຫງົບປະຊາຊົນລາວ. ທັງນີ້ເພື່ອໃຫ້ຄະນະພັກ, ສະມາຊິກພັກ ແລະ ພະນັກງານ-ນັກຮົບໄດ້ຮັບຮູ້ ແລະເຂົ້າໃຈຕໍ່ບັນດາເນື້ອໃນເອກະສານຕ່າງໆ ແລະ ຈະໄດ້ພ້ອມກັນສຳຫຼວດກວດກາຕີລາຄາແບ່ງປະເພດສະມາຊິກພັກ ແລະ ພະນັກງານ-ນັກຮົບ. ເພື່ອເຮັດໃຫ້ການກໍ່ສ້າງໜ່ວຍພັກປອດໃສ, ເຂັ້ມແຂງ,    ໜັກແໜ້ນໃນກຳລັງປ້ອງກັນຄວາມສະຫງົບຮັບປະກັນຄຸນນະພາບ, ຖືກຕ້ອງຕາມຄຳສັ່ງແນະນຳຂອງຄະນະບໍລິຫານງານພັກກະຊວງປ້ອງກັນຄວາມສະຫງົບ ແລະ ສອດຄ່ອງກັບສະພາບຈຸດພິເສດຂອງກຳລັງປ້ອງກັນຄວາມສະຫງົບ.

Off

Comments are closed.