01st Sep2022

ກົມໃຫຍ່ການເມືອງເຂົ້າຊົມຫໍພິພິທະພັນ ປກສ

by Peaung Thanonkeo

ໃນວັນທີ 1 ກັນຍານີ້ ກົມໃຫຍ່ການເມືອງປ້ອງກັນຄວາມສະຫງົບໄດ້ເຂົ້າຢ້ຽມຊົມງານວາງສະແດງຮູບພາບການພົວພັນຮ່ວມມືລະຫວ່າງກຳລັງປ້ອງກັນຄວາມສະຫງົບລາວ ແລະ ກຳລັງປ້ອງກັນຄວາມສະຫງົບຫວຽດນາມ ຢູ່ທີ ຫໍພິພິທະພັນປ້ອງກັນຄວາມສະຫງົບ. ເຊີ່ງນຳພາໂດຍ ພັອ ປອ ຫຸມພັນ ຜິວເຂັມພອນ ຄະນະປະຈຳພັກກົມໃຫຍ່ການເມືອງ ຫົວໜ້າກົມພັກ ກົມໃຫຍ່ການເມືອງປ້ອງກັນຄວາມສະຫງົບ, ມີຄະນະກົມ, ພະແນກ ແລະ ພະນັກງານນັກຮົບ ກົມກອງອ້ອມຂ້າງກົມໃຫຍ່ການເມືອງເຂົ້າຮ່ວມຊົມ.

ງານວາງສະແດງຮູບພາບຄັ້ງນີ້ ເປັນການສະເຫຼີມສະຫຼອງວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 60 ປີ ແລະ ວັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດນາມ ຄົບຮອບ 45 ປີ. ເພື່ອສືບຕໍ່ເສີມຂະຫຍາຍມູນເຊື້ອ ມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຂອງສອງພັກ, ສອງລັດ ກໍ່ຄືກະຊວງປ້ອງກັນຄວາມສະຫງົບລາວ ແລະ ກະຊວງປ້ອງກັນຄວາມສະຫງົບຫວຽດນາມ, ທັງເປັນການຢັ້ງຢືນ ແລະ ຫວນຄືນປະຫວັດສາດແຫ່ງການພົວພັນຮ່ວມມື ຂອງສອງກະຊວງ ກໍ່ຄືສອງກຳລັງ ນັບແຕ່ອະດີດມາເຖິງປະຈຸບັນ.

Off

Comments are closed.