02nd Sep2022

ກົມໂຄສະນາອົບຮົມ ປກສ ສະຫຼຸບການຈັດຕັ້ງປະຕິບັດວຽກງານ 6 ເດືອນຕົ້ນປີ 2022

by Peaung Thanonkeo

ກົມໂຄສະນາອົບຮົມ ປກສ ສະຫຼຸບການຈັດຕັ້ງປະຕິບັດວຽກງານ 6 ເດືອນຕົ້ນປີ 2022 ໃນວັນທີ່ 2 ກັນຍາ 2022 ເຂົ້າຮ່ວມໂດຍ ພົຈວ ຄອນສະຫວັນ ສົມພາໄຊ ຮອງຫົວຫນ້າກົມໃຫຍ່ການເມືອງ ປກສ, ມີ ພັອ ສອນພະຈັນ ທຳມະວົງ ຫົວຫນ້າກົມໂຄສະນາອົບຮົມ ປກສ ບັນດາຄະນະພັກ ຄະນະກົມ ພະນັກງານຫລັກແຫ່ງ ພະນັກງານນັກຮົບ ພາຍໃນກົມໂຄສະນາເຂົ້າຮ່ວມ.

ພັທ ປອ ສົມພັນ ສີວົງໄຊ ຮອງກົມໂຄສະນາອົບຮົມ ປກສ ໄດ້ລາຍງານ ສະພາບການເຄືອນໄຫວການຈັດຕັ້ງປະຕິບັດ ວຽກງານ 6 ເດືອນຕົ້ນປີ ເຊິ່ງໃນໄລຍະ 6 ເດືອນຜ່ານມາ ຄະນະພັກ ຄະນະນຳກົມ ໄດ້ຊີ່ນຳ ນຳພາພະນັກງານຫລັກແຫ່ລງ ພະນັກງານໃນກົມ ເອົາໃຈໃສ່ເຄື່ອນໄຫວວຽກງານສະເພາະ ຢ່າງຕັ້ງໜ້າ , ເຊີ່ງສະແດງອອກວຽກງານທີ່ພົ້ນເດັ່ນ ເປັນຕົ້ນວຽກງານໂຄສະນາໄດ້ແຍກຍາຍ ເອກະສານຄຳສັ່ງແນະນຳ, ແຈ້ງການເຊີນ ແລະ ເອກະສານ ປະທະກະຖາ ວັນສຳຄັນຕ່າງໆໃຫ້ 16 ກົມກອງອ້ອມຂ້າງກະຊ່ວງ, ຕິດຕັ້ງທຸງຊາດ ທຸງພັກ ອ້ອມຂ້າງກະຊ່ວງ, ແຈກຍ້າຍປື້ມເຊື່ອມຊືມ ແລະ ຜັນຂະຫຍາຍມະຕິກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ່ 10 ຂອງພັກ, ແຈກຍາຍມູນເຊື້ອວັນສ້າງຕັ້ງກຳລັງ ປກສ ຄົບຮອບ 61 ປີ, ແຈກຍາຍ ແລະ ຈັດສົ່ງ ປະຕິທິນ ປກສ ປີ 2022  ໃຫ້ຄະນະພັກ ຄະນະນໍາ ກະຊ່ວງ ກົມໃຫຍ່ ແລະ ກົມກອງອ້ອມຂ້າງກະຊ່ວງ, ພ້ອມດຽວກັນນີ້ ຍັງໄດ້ເກັບກຳຮູບພາບການເຄື່ອນໄຫວຂອງການນຳກະຊ່ວງ ປກສ ສ້າງແຜນປະດິດ ຄິດແຕ່ງບົດເພງ 10 ບົດເພງ 1 ບົດລະຄອນເວທີ ຮັບໃຊ້ວາລະແຫ່ງຊາດວ່າດ້ວຍການແກ້ໄຂບັນຫາເສບຕິດໃຫ້ກົມໃຫຍ່ຕຳຫຼວດ, ວຽກງານສິນລະປະກອນ ກໍໄດ້ສະແດງສິນລະປະດົນຕີ ບົດຟ້ອນຮັບໃຊ້ກຳລັງ ປກສ 14 ຄັ້ງ ພ້ອມທັ້ງເອົາໃຈໃສ່ກຽມບົດເພງ ຄັບລຳ ບົດຟ້ອນ ດົນຕີ ແລະ ບົດລະຄອນ ເພື່ອຮັບໃຊ້ວັນຕ່າງໆຂອງພັກ ຂອງຊາດ, ຂອງກຳລັງປະກອບອາວຸດ, ວຽກງານວິຈິດກຳ ຍັງໄດ້ແຕ້ມຮູບທິວທັດທຳມະຊາດ ດານດຳລົງຊີວິດປະຊາຊົນລາວ ບັນດາເຜົ່າ ແຕ້ມຮູບພາບໃສ່ຫ້ອງປະຊຸມ ວິໄອພີ ຂອງກົມໃຫຍ່ພາລະຕິການ ປກສ ແກະສະລັກໄມ້ ສ້າງພະລິດຕະພັນໂຕະຫ້ອງການ, ຫ້ອງຫຼຽນ ແລະ ຫົວຫຼຽນພິລະອາດຫານ ໃຫ້ການນຳ ປກສ ພ້ອມທັງວຽກງານອື່ນໆ ກໍ່ດຳເນີນຢ່າງມີປະສິດທິຜົນສູງ

 

Off

Comments are closed.