05th Sep2022

ຄະນະນໍາສະຫະພັນນັກຮົມເກົ້າແຫ່ງຊາດລາວ ໄດ້ນໍາເອົາກະຕ່າດອກໄມ້,ກະຕ່າຂອງຂັວນເຂົ້າອວຍພອນອາດີດປະທານປະເທດ

by Peaung Thanonkeo

ຄະນະນໍາສະຫະພັນນັກຮົມເກົ່າແຫ່ງຊາດລາວ,ນໍາໂດຍ ພົນໂທ ແສງນວນ ໄຊຍະລາດ ປະທານສະຫະພັນນັກຮົບເກົ້າແຫ່ງຊາດລາວ,ພ້ອມດ້ວຍຄະນະໄດ້ນໍາເອົາກະຕ່າດອກໄມ້,ກະຕ່າຂອງຂັວນຂົ້າອວຍພອນ ທ່ານ ບຸນຍັງ ວໍລະຈິດ ອາດີດເລຂາທິການໃຫ່ຍ ຄະນະບໍລິຫານງານສູນກາງພັກ,ອາດີດປະທານປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ,ໃນວັນທີ 5 ກັນຍາ 2022 ນີ້,ຢູ່ທີ່ເຮືອນຂອງເອງ,ເນື່ອງໃນໂອກາດວັນສ້າງຕັ້ງສະຫະພັນນັກຮົບເກົ້າແຫ່ງຊາດລາວ,ທີ 20 ກັນຍາ ຄົບຮອບ 20 ປີ,ທີ່ຈະມາເຖີງນີ້,ໃນໂອກາດທີ່ມີຄວາມໝາຍສໍາຄັນນີ້ ພົນໂທ ແສງນວນ ໄຊຍະລາດ ປະທານສະຫະພັນນັກຮົບເກົ້າແຫ່ງຊາດລາວ, ໄດ້ກ່າວອວຍພອນໄຊອັນປະເສີດມາຍັງ ທ່ານ ບຸນຍັງ ວໍລະຈິດ ອາດີດເລຂາທິການໃຫ່ຍ ຄະນະບໍລິຫານງານສູນກາງພັກ,ອາດີດປະທານປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ,ພ້ອມດ້ວຍຄອບຄົວຈົ່ງມີສຸຂະພາບແຂງແຮງ,ມີພາລະນາໄມສົມບູນ ແລະ ມີຄວາມຜາສຸກໃນຊີວິດຄອບຄົວແລະເປັນເສົາຫຼັກ,ເສົາຄໍ້າ,ເປັນຮົມໂພຮົມໄຊ,ໃຫ້ແກ່ລູກຫຼານແລະປະເທດຊາດໃນການປົກປັກຮັກສາແລະສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງສີວິໄລຍິ່ງໆຂື້ນຕາມທິດສັງຄົມນິຍົມ,ພ້ອມທັງໃຫ້ຄຳໝັ້ນສັນຍາວ່າ: ຄະນະນໍາສະຫະພັນນັກຮົມເກົ້າແຫ່ງຊາດລາວຈະສືບຕໍ່ຮັກສາທາດແທ້ມູນເຊື້ອຂອງອາດີດຜູ້ນໍາປະຕິວັດ,ເອົາໃຈໃສ່ສຶກສາອົບຮົມການເມືອງແນວຄິດໃຫ້ຄົນຮຸ່ນໜຸ່ມມີນໍາໃຈຮັກຊາດ,ມີຄວາມດຸໝັ່ນຂະຫຍັນພຽນແລະພ້ອມກັນສືບຕໍ່ມູນເຊື້ອສູ້ຮົບໃຫ້ເເຂງແກ່ນຕະຫຼອດໄປ.

ພ້ອມນີ້ ທ່ານ ບຸນຍັງ ວໍລະຈິດໄດ້ສະແດງຄວາມຂອບໃຈຕໍ່ຄະນະນໍາສະຫະພັນນັກຮົບເກົ້າແຫ່ງຊາດລາວ,ພ້ອມດ້ວຍຄະນະທີ່ໄດ້ນໍາເອົາກະຕ່າດອກໄມ້,ກະຕ່າຂອງຂັວນເຂົ້າອວຍພອນໃນຄັ້ງນີ້ ພ້ອມທັງມີຄໍາເຫັນຊີ້ທິດເຍືອງທາງໃຫ້ແກ່ຄະນະພັກ,ຄະນະນໍາສະຫະພັນນັກຮົບເກົ້າແຫ່ງຊາດລາວໄດ້ນໍາໄປໝູນໃຊ້ເຂົ້າໃນໜ້າທີ່ວຽກງານຂອງຕົນ ໃຫ້ມີຄວາມໜັກແໜ້ນ,ເຂັ້ມແຂງດີຂື້ນເປັນ:ວຽກງານສຶກສາອົບຮົມການເມືອງແນວ,ວຽກງານປັບປຸງກົງຈັກການຈັດຕັ້ງ,ວຽກງານວິຊາສະເພາະແລະວຽກງານສໍາຄັນອື່ນໆທີ່ປິ່ນອອ້ມ.

ໂອກາດດັ່ງກ່າວ ພົນໂທ ແສງນວນ ໄຊຍະລາດ ກໍໄດ້ຕ່າງໜ້າໃຫ້ຄະນະພັກ-ຄະນະນຳສະຫະພັນນັກຮົບເກົ້າແຫ່ງຊາດລາວ ກໍ່ຄື ນາຍທະຫານ ແລະ ນາຍຕຳຫຼວດ ທົ່ວກຳລັງ ສະຫະພັນນັກຮົບເກົ່າສະແດງຄວາມຕະຕັນຍູຮູ້ບຸນຄຸນຕໍ່ພັກ-ລັດ ໂດຍສະເພາະແມ່ນ ອາດີດເລຂາທິການໃຫຍ່ ຍາມໃດກໍ່ໄດ້ເອົາໃຈໃສ່ໃກ້ສິດຕິດແທດ ຊີ້ນຳ-ນຳພາຕໍ່ກຳລັງສະຫະພັນນັກຮົບເກົ່າແຫ່ງຊາດລາວ ໃຫ້ມີຄວາມເຕີບໃຫຍ່ເຂັ້ມແຂງຢ່າງບໍ່ຢຸດຢັ້ງ ສືບຕໍ່ຊີ້ນຳ-ນຳພາກຳລັງ ສະຫະພັນນັກຮົບເກົ່າແຫ່ງຊາດລາວ ໃຫ້ມີຄວາມເຕີບໃຫຍ່ເຂັ້ມແຂງ ແລະ ທັນສະໄໝ ຂື້ນໄປເລື້ອຍໆແລະໃນວັນດຽວກັນນີ້ຄະນະນໍາສະຫະພັນນັກຮົບເກົ້າແຫ່ງຊາດລາວພ້ອມດ້ວຍຄະນະໄດ້ນໍາເອົາກະຕ່າດອກໄມ້,ເກະຕ່າຂອງຂັວນຂົ້າອວຍພອນ ທ່ານ ທອງລຸນ ສີສຸລິດ ເລຂາທິການໃຫ່ຍ ຄະນະບໍລິຫານງານສູນກາງພັກ,ປະທານປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ,ທັງເປັນປະທ່ານ ກິດຕິມະສັກສະຫະພັນນັກຮົບເກົ່າແຫ່ງຊາດລາວຕື່ມອີກ.

 

 

Off

Comments are closed.