06th Sep2022

ແມ່ຍິງກົມໃຫຍ່ການເມືອງສະຫຼຸບການເຄື່ອນ ໄຫວວຽກງານຕິດຕາມການກວດກາປີ 2022

by Peaung Thanonkeo

ສະຫະພັນແມ່ຍິງກົມໃຫຍ່ການເມືອງ ປກສ ຈັດກອງປະຊຸມລາຍງານກວດກາໃນວັນທີ 6 ກັນຍາ 2022 ນີ້ ໂດຍການເປັນປະທານຂອງ ພັທ ນາງລີວອນ ລາວລີ ຮອງປະທານສະຫະພັນແມ່ຍີງກົມໃຫຍ່ການເມືອງ ເປັນກຽດເຂົ້າຮ່ວມຂອງ ພັອ ນາງ ຄຳຢາດ ວິໄລວັນ ປະທານສະຫະພັນແມ່ຍີງ ກະຊວງ ປກສ ມີບັນດາ ຄະນະສະຫະພັນແມ່ຍີງກົມໃຫຍ່ ຫນ່ວຍສະຫະພັນແມ່ຍີງອ້ອມຂ້າງເຂົ້າຮ່ວມ.

ພັທ ນາງລີວອນ ລາວລີ ໄດ້ຜ່ານຫລຸບການເຄື່ອນໄຫວວຽກງານກວດກາປະຈຳປີ 2022 ແລະ ວາງທິດທາງແຜນການປີ 2023 ເຊິ່ງທ່ານໄດ້ເວົ້າໃຫ້ຮູ້ວ່າ : ຜ່ານການເຄື່ອນໄຫວວຽກງານກວດກາໃນ 01 ປີ ຜ່ານມາ ຄະນະສະຫະພັນແມ່ຍິງກົມໃຫຍ່ການເມືອງ ປກສ ມີແບບແຜນນຳພາທີ່ດີບົນພື້ນຖານຫຼັກການລວມສູນປະຊາທິປະໄຕ ມີການແບ່ງງານໃຫ້ບຸກຄົນຮັບຜິດຊອບຢ່າງລະອຽດ ແລະ ມີການກວດກາໜ້າວຽກເປັນແຕ່ລະໄລຍະ, ປັບປຸງການຈັດຕັ້ງຂັ້ນໜ່ວຍໃຫ້ສອດຄ່ອງກັບກົດລະບຽບສະຫະພັນແມ່ຍິງຕິດພັນກັບການຈັດຕັ້ງທັງສາຍພັກ – ສາຍລັດ ນໍາພາຮ່ວມຊີວິດສໍາຫຼວດກວດກາໃນແຕ່ລະເດືອນ, ໄຕມາດ ພ້ອມນັ້ນກໍ່ໄດ້ຄັດເລືອກປະເພດໄປພ້ອມໆກັນ ສະຫຼຸບ ສ່ອງແສງລາຍງານໃຫ້ສະຫະພັນແມ່ຍິງກະຊວງເປັນປົກກະຕິໃນແຕ່ລະໄລຍະພ້ອມທັງຂະຫຍາຍມະຫາຊົນກ້າວໜ້າເຂົ້າເປັນສະຫະພັນແມ່ຍິງລາວ 1 ປີຜ່ານມາ ຂະຫຍາຍມະຫາຊົນໄດ້ຈຳນວນ 41 ຄົນ,ຊຸກຍູ້ປຸກລະດົມສະມາຊິກແມ່ຍິງເຂົ້າຮ່ວມການປະຕິບັດຂໍ້ແຂ່ງ3ດີ ຕິດພັນກັບການກໍ່ສ້າງກົມກອງປອດໃສ, ເຂັ້ມແຂງ, ໜັກແໜ້ນສະແດງອອກໃນການຄັດເລືອກຕີລາຄາແບ່ງປະເພດ 3 ດີປະຈໍາປີ 2022, ສາມາດເລືອກໄດ້ພົນລະເມືອງດີ 512 ຄົນ, ພັດທະນາດີມີ 511 ຄົນ, ສ້າງຄອບຄົວດີມີຄວາມຜາສຸກ 508 ຄົນ, ແມ່ຍິງ 3ດີ ປະເພດ I ມີ: 498ຄົນ, ປະເພດ II ມີ 14 ຄົນ,ປະເພດ III ມີ 2 ຄົນ, ໜ່ວຍແມ່ຍິງ 03 ດີປະເພດ I ມີ 15 ໜ່ວຍ, ໜ່ວຍແມ່ຍິງ 03 ດີ ປະເພດ II ມີ 01 ໜ່ວຍ, ບຸກຄົນຕົວແບບດ້ານຕ່າງໆ ມີ 06 ຄົນ ໃນນີ້ຕົວແບບຮອບດ້ານມີ 2 ຄົນ, ດ້ານວິຊາສະເພາະ 02 ຄົນ, ດ້ານເສດຖະກິດມີ 02 ຄົນ,ຮຽນດີ – ຮຽນເກັ່ງມີ 01  ຜ່ານມາໄດ້ຕິດຕາມກວດກາສະມາຊິກແມ່ຍິງໃນຄວາມຮັບຜິດຊອບໃນການເຄື່ອນໄຫວ, ການພົວພັນສັງຄົມ, ການປະຕິບັດໜ້າທີ່ວຽກງານວິຊາສະເພາະເປັນຕົ້ນການປະຕິບັດມະຕິ, ຄຳສັ່ງຂອງຂັ້ນເທິງ, ລະບຽບກົດໝາຍຂອງກຳລັງ ແລະ ກົດລະບຽບຂອງສະຫະພັນແມ່ຍິງລາວວາງອອກ, ການ ປະຕິຂໍ້ແຂ່ງຂັນ 3 ດີຂອງສະຫະພັນແມ່ຍິງ ແລະ ອື່ນໆ ໄດ້ນຳພາສຳຫຼວດກວດກາ, ສະຫຼຸບສ່ອງແສງລາຍງານຂັ້ນເທິງ ປົກກະຕິ. ນອກນັ້ນຍັງໄດ້ລົງຊຸກຍູ້ໜ່ວຍພັກປອດໃສ, ເຂັ້ມແຂງ, ໜັກແໜ້ນ, ໂດຍຖືເອົາວຽກງານກວດກາຂອງສະຫະພັນແມ່ຍິງສອດຫ້ອຍເຂົ້ານຳ ມີຫຼາຍກົມກອງກໍປະຕິບັດ ໄດ້ດີ ໂອກາດນີ້ຜູ້ເຂົ້າຮ່ວມກໍ່ໄດ້ພ້ອມກັນປະກອບຄຳຄິດຄຳເຫັນໃສ່ບົດສະຫຼຸບເພື່ອໃຫ້ມີເນື້ອໃນຄົບຖ້ວນສົມບູນ ແລະ ເອກະພາບກັນກຳນົດທິດທາງຈຸດສຸມທີ່ຈະຕ້ອງໄດ້ປະຕິບັດໃນປີ 2023 ຕື່ມອີກ.

Off

Comments are closed.