07th Sep2022

ກະຊວງປ້ອງກັນຄວາມສະຫງົບ,ຈັດຕັ້ງເຜີຍແຜ່ເຊື່ອມຊຶມມະຕິກອງປະຊຸມຄົບຄະນະບໍລິຫານງານສູນກາງພັກຄັ້ງທີ 4 ສະໄໝທີ 11 ແລະປາຖະກະຖາຫວັນຄືນມູນເຊື້ອ2ວັນປະຫວັດສາດຂອງພັກຂອງ,ຂອງຊາດ

by Peaung Thanonkeo

ກະຊວງປ້ອງກັນຄວາມສະຫງົບ,ຈັດຕັ້ງເຜີຍແຜ່ເຊື່ອມຊຶມມະຕິກອງປະຊຸມຄົບຄະນະບໍລິຫານງານສູນກາງພັກຄັ້ງທີ 4 ສະໄໝທີ 11  ແລະ ປາຖະກະຖາຫວັນຄືນມູນເຊື້ອວັນຄ້າຍວັນເກີດຂອງທ່ານປະທານສຸພານຸວົງຄົບຮອບ 113 ປີ ແລະ ວັນສ້າງຕັ້ງລັດຖະທໍາມະນູນແຫ່ງສປປລາວຄົບຮອບ 31 ປີ

ໃນວັນທີ 6 ກັນຍາ 2022, ທີ່ສະໂມສອນກະຊວງປ້ອງກັນຄວາມສະຫງົບ, ໂດຍການໃຫ້ກຽດເຜີຍແຜ່ຂອງ ພົຈວ ປອ ສຸວັນນີ ສີສຸພາບມີໄຊ ຄະນະພັກກະຊວງ, ຮອງຫົວໜ້າກົມໃຫ່ຍການເມືອງປ້ອງກັນຄວາມສະຫງົບ ແລະ ພົຈວ ຄອນສະຫວັນ ສົມພາໄຊ ຄະນະພັກກະຊວງ, ຮອງຫົວໜ້າກົມໃຫ່ຍ,ຫົວໜ້າກົມພະນັກງານກົມໃຫຍ່່ການເມືອງປ້ອງກັນຄວາມສະຫົງບ,ມີບັນດາຄະນະພັກກະຊວງ,ຮອງຫົວໜ້າກົມໃຫ່ຍ,ນາຍຕໍາຫຼວດກົມກອງອ້ອມຂ້າງກະຊວງເຂົ້າຮ່ວມ.

ພົຈວ ປອ ສຸວັນນີ ສີສຸພາບມີໄຊ ຄະນະພັກກະຊວງ,ຮອງຫົວໜ້າກົມໃຫ່ຍການເມືອງປ້ອງກັນຄວາມສະຫງົບ,ໄດ້ຍົກໃຫ້ເຫັນວ່າ:ກອງປະຊຸມຄົບຄະນະ ບໍລິຫານງານສູນກາງພັກຄັ້ງທີ 4 ສະໄໝທີ Xl ໄດ້ດໍາເນີນລະຫວ່າງວັນທີ 18-26 ພຶດສະພາ 2022 ທີ່ສໍານັກງານສູນກາງພັກປະຊາຊົນປະຕິວັດລາວ,ພາຍໃຕ້ການເປັນປະທານຂອງ ສະຫາຍ ທອງລຸນ ສີສຸລິດ,ເລຂາທິການໃຫຍ ຄະນະບໍລິຫານງານສູນກາງພັກປະຊາຊົນປະຕິວັດລາວ,ປະທານປະເທດ,ກອງປະຊຸມໄດ້ຄົ້ນຄວ້າ,ປຶກສາຫາລື ແລະ ໃຫ້ທິດຊີ້ນໍາຕໍ່ບັນຫາສໍາຄັນຄື:ໄດ້ປະເມີນສະພາບແວດລ້ອມຢູ່ພາກພື້ນ ແລະ ສາກົນໃນປະຈຸບັນ,ກອງປະຊຸມໄດ້ຊີ້ນໍາລັດຖະບານ,ຄະນະພັກ,ອົງການປົກຄອງແຕ່ລະຂັ້ນເພີ່ມທະວີສະຕິລະວັງຕົວ,ຕິດຕາມ,ກໍາແໜ້ນສະພາບການຜັນແປຢູ່ໃນພາກພື້ນ ແລະ ສາກົນ ເພື່ອນໍາພາແນວຄິດ ແລະ ເປັນເຈົ້າການປະຕິບັດບັນດາມາດຕະການຮັບມື,ແກ້ໄຂຜົນກະທົບຕໍ່ປະເທດເຮົາໃຫ້ທັນການ,ພ້ອມນີ້ກ່ຽວກັບການຕີລາຄາຜົນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ,ແຜນງົບປະມານ ແລະ ແຜນເງິນຕາຕົ້ນປີ 2022 ຕິດພັນກັບແຜນການຈັດຕັ້ງປະຕິບັດ 2 ວາລະແຫ່ງຊາດ,ຄະນະບໍລິຫານງານສູນກາງພັກຕີລາຄາສູງ ຕໍ່ລັດຖະບານ ທີ່ໄດ້ມີຄວາມພະຍາຍາມ ແລະ ເອົາໃຈໃສ່ຊີ້ນໍາການຈັດຕັ້ງປະຕິບັດແຜນດັງກ່າວ, ສາມາດຮັບປະກັນສະຖຽນລະພາບ ຂອງເສດຖະກິດມະຫາພາກ,ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ,ໃນສາມເດືອນຕົ້ນປີການພັດທະນາເສດຖະກິດ-ສັງຄົມ ສືບຕໍ່ຂະຫຍາຍຕົວຕໍ່ເນື່ອງ,ການແກ້ໄຂການລະບາດ ຂອງພະຍາດໂຄວິດ-19 ໄດ້ເຮັດຢ່າງຕັ້ງໜ້າ ແລະ ສາມາດຮັບມື,ປ້ອງກັນ,ຄວບຄຸມ ແລະ ແກ້ໄຂດ້ວຍຫຼາຍມາດຕະການບໍ່ໃ້ຫແຜລາມອອກເປັນວົງກວ້າງ ແລະ ໄດ້ດັດປັບການໃຊ້ຊີວິດສັງຄົມຕາມວິຖີຊີວິດແບບໃໝ່,ນອກນີ້ທ່ານຍັງໄດ້ຍົກໃຫ້ເຫັນວຽກງານສໍາອື່ນໆອີກ,ທັງນີ້ກໍ່ເພື່ອເຮັດໃຫ້ນາຍຕໍາຫຼວດໄດ້ຮັບຮູ້,ເຂົ້າໃຈຕໍ່ເນື້ອໃນມະຕິສໍາຄັນດັ່ງກ່າວເພື່ອພ້ອມກັນສືບຕໍ່ຈັດຕັ້ງຜັນຂະຫຍາຍໃຫ້ເຂົ້າສູ່ໜ້າວຽກງານຕົວຈິງຢູ່ໃນກົມກອງຂອງຕົນໃຫ້ໄດ້ຮັບໝາກຜົນສູງສຸດ.

ພ້ອມດຽວກັນນີ້ ພົຈວ ຄອນສະຫວັນ ສົມພາໄຊ ຄະນະພັກກະຊວງ,ຮອງຫົວໜ້າກົມໃຫ່ຍ,ຫົວໜ້າກົມພະນັກງານກົມໃຫຍ່ການປ້ອງກັນຄວາມສະຫງົບ,ຍັງປາຖະກະຖາຫວນຄືນມູນເຊື້ອວັນຄ້າຍວັນເກີດຂອງທ່ານປະທານສຸພານຸວົງຄົບຮອບ113 ປີ ແລະ ວັນສ້າງຕັ້ງລັດຖະທໍາມະນູນແຫ່ງ ສປປ ລາວ ຄົບຮອບ 31 ປີ,ຊື່ງໄດ້ຍົກໃຫ້ເຫັນຄວາມໝາຍ,ຄວາມສໍາຄັນມູນເຊື້ອ 2 ປະຫວັດສາດຂອງອາດີດຜູ້ນໍາພັກ-ລັດໃນການຕໍ່ສູ້ກູ້ຊາດ,ປົດປ່ອຍປະເທດຊາດອອກຈາກແອກປົກຄອງຂອງພວກຈັດກະພັດລ່າເມືອງຂື້ນແບບເກົ່າແລະແບບໃໝ່ການປະກາດໃຊ້ລັດຖະທຳມະນູນສະບັບທຳອິດທີ່ເປັນການສະແດງໃຫ້ເຫັນເຖິງໝາກຜົນຂອງການປະຕິຫວັດການເສີມຂະຫຍານມູນເຊື້ອ,ການຄຸ້ມຄອງລັດ,ຄຸ້ມຄອງສັງຄົມດ້ວຍລັດຖະທຳມະນູນແລະກົດໝາຍນຳພາປະເທດຊາດໄປສູ່ຄວາມຈະເລີນຮຸ່ງເຮື່ອງ,ສັງຄົມມີຄວາມສະຫງົບ,ປອດໄພ,ສີວິໄລແລະຍຸຕິທຳ

 

Off

Comments are closed.