07th Sep2022

ກົມສື່ມວນຊົນ ປກສ ສະຫຼຸບວຽກງານ 6 ເດືອນຕົ້ນປີ 2022

by Peaung Thanonkeo

ໃນວັນທີ 6 ກັນຍາ 2022 ນີ້ ກົມສື່ມວນຊົນປ້ອງກັນຄວາມສະຫງົບ ໄດ້ຈັດກອງປະຊຸມສະ ຫຼຸບວຽກງານ 6 ເດືອນຕົ້ນປີ 2022 ໂດຍການເປັນປະທານຂອງ ພັອ ເພີນຄຳ ແສງດາລາ ຫົວໜ້າກົມສື່ມວນຊົນ ປກສ,ມີບັນດາຄະນະພັກ-ຄະນະບັນຊາກົມ, ພະແນກ, ກອງວິຊາສະເພາະ, ພະນັກງານ-ນັກຮົບ ແລະ ແຂກຖືກເຊີນເຂົ້າຮ່ວມ

ພັທ ສົມຫວັງ ນະວົງສີນ ຫົວໜ້າຫ້ອງການ ກົມສື່ມວນຊົນ ປກສ ໄດ້ສະຫຼຸບລາຍງານໃຫ້ຮູ້ວ່າ: ໃນໄລຍະ 6 ເດືອນຕົ້ນປີ 2022 ຄະນະພັກ-ຄະນະບັນຊາ ກົມ​ສື່​ມວນ​ຊົນ ປກສ ໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ສະມາຊີກພັກ-ພະນັກງານນັກຮົບ ຢ່າງເປັນປົກກະຕິ​ ເຮັດ​ໃຫ້ສະມາຊິກພັກ, ​ພະນັກງານ-ນັກຮົບ​ມີ​ຄວາມ​ຮັບ​ຮູ້, ກຳ​ແໜ້ນ​ແນວທາງ​ນະ​ໂຍບາຍ​ຂອງ​ພັກ-ລັດ, ມີແນວຄິດອຸ່ນອຽ່ນ,  ທຸນທ່ຽງ, ເຊືອໝັ້ນຕໍ່ການນຳພາຂອງພັກ-ລັດ, ສຸ່ມໃສ່ປະຕິບັດໜ້າທີຢ່າງຕັ້ງໜ້າ, ໃນໄລຍະ 06 ເດືອນທີ່ຜ່ານມາ ຄະນະພັກ-ຄະນະບັນຊາກົມ​ສື່​ມວນ​ຊົນ ປກສ ໄດ້ເອົາໃຈໃສ່ຊຸກຍູ້ໃຫ້ພະນັກງານ-ນັກຮົບ ທີ່ສັງກັດຢູ່ແຕ່ລະພະແນກ, ກອງ ໃຫ້ເຄື່ອນໄຫວຕາມພາລະບົດບາດຂອງຕົນ ດ້ວຍຄວາມຮັບຜິດຊອບສູງ ແລະ ມີຜົນສໍາເລັດຕາມລະດັບຄາດໝາຍ ເປັນກະບອກສຽງອັນສຳຄັນໃນການໂຄສະນາເຜີຍແຜ່ແນວທາງນະໂຍບາຍຂອງພັກ-ລັດ ເປັນຕົ້ນແມ່ນວຽກງານປ້ອງກັນຊາດ-ປ້ອງກັນຄວາມສະຫງົບ, ຕອບຕ້ານຄືນຖ້ອຍທຳນອງຂໍ້ມູນຂ່າວສານທີ່ບິດເບື່ອນຄວາມຈິງ, ປຸກລະດົມປະຊາຊົນປະກອບສ່ວນເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫງົບ ເຮັດໃຫ້ວຽກງານດັ່ງກ່າວເປັນວຽກງານຂອງທົ່ວປວງຊົນຮອບດ້ານ, ສຸມໃສ່ໂຄສະນາຜັນຂະຫຍາຍວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ຜ່ານພາຫະນະສື່ມວນຊົນຕ່າງໆຢ່າງກ້ວາງຂວາງ ແລະ ເລິກເຊິງ, ສ້າງຄວາມຮັບຮູ້ເຂົ້າໃຈໃຫ້ກັບສັງຄົມໄດ້ເປັນຢ່າງດີ, ໃນໄລຍະ 6 ເດືອນຕົ້ນປີສາມາດຂຽນ​ຂ່າວ-ຂຽນບົດອອກໜັງສືພິມໄດ​້ 650 ຂ່າວ, ຂຽນ​ບົດ​ໄດ້ 520 ບົດ, ຈັດພິມວາລະສານໄດ້ 3.090 ຫົວ, ຜະລິດລາຍການວິທະຍຸອອກສູ່ສັງຄົມໄດ້ທັງໝົດ 1.774 ຄັ້ງ, ສາມາດຂຽນຂ່າວ ແລະ ອ່ານຂ່າວອອກອາກາດທາງວິທະຍຸໄດ້ 1.316 ຂ່າວ, ບົດ 1.041 ບົດ, ຜະລິດລາຍການໂທລະພາບໄດ້ 5.400 ຄັ້ງ, ຂຽນຂ່າວອອກລາຍການທາງໂທລະພາບໄດ້ 4.621, ບົດ 96 ບົດ ແລະ ວຽກງານອື່ນໆ ກໍ່ມີຜົນສຳເລັດຕາມຄາດໝາຍ.

ສໍາລັບທິດທາງແຜນການໃນຕໍ່ໜ້າຄະນະພັກ-ຄະນະບັນຊາ ຈະໄດ້ສືບຕໍ່ສຶກສາ​ອົບຮົມ ​​ສະມາຊິກພັກພະນັກງານ-ນັກຮົບ ໃຫ້ມີຄວາມ​ບຸກບືນ​ຫ້າວຫັນ​​ໃນ​ການ​ເຮັດໜ້າທີ່​ວຽກງານ​ໃຫ້​ມີ​ຄວາມໜັກ​ແໜ້ນທາງ​ດ້ານ​ການ​ເມືອງ​​ແນວຄິດ, ຕິດ​ພັນ​ກັບການ​ເຮັດໜ້າທີ​ວິຊາ​ສະເພາະ ​​ເປັນ​ເຈົ້າ​ການເຮັດ​ວຽກງານ​ດ້ວຍ​ຄວາມ​ຮັບຜິດຊອບ​ສູງ​​, ປະຕິບັດ​ມະຕິ​-ຄໍາ​ສັ່ງ, ຂໍ້​ກໍານົດ-ກົດລະບຽບ​ຂອງ​ກໍາລັງ ​ແລະ ກົມ​ກອງ​ວາງ​ອອກ​ຢ່າງ​ເຂັ້ມ​ງວດ, ສຸມໃສ່ໂຄສະນາແນວທາງນະໂຍບາຍຂອງພັກ-ລັດ, ວຽກງານປ້ອງກັນຊາດ-ປ້ອງກັນຄວາມສະຫງົບ, ສຸ່ມໃສ່ໂຄສະນາຜັນຂະຫຍາຍວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ໃຫ້ທົ່ວສັງຄົມຮັບຮູ້ ແລະ ເຂົ້າໃຈ ພ້ອມທັງປະກອບສ່ວນຢ່າງຕັ້ງໜ້າ ແນ່ໃສ່ສ້າງສັງຄົມໃຫ້ມີຄວາມສະຫງົບ, ເປັນລະບຽບຮຽບຮ້ອຍ.

Off

Comments are closed.