07th Sep2022

ປກສ ກຸ່ມບ້ານໃຫຍ່ ລົງເຜີຍແຜ່ກ່ຽວກັບການຈັດຕັ້ງວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ.

by Peaung Thanonkeo

ຕົ້ນເດືອນ ກັນຍາ 2022 ນີ້, ກອງບັນຊາການປ້ອງກັນຄວາມສະຫງົບ ເມືອງໄຊຍະບູລີ ສົມທົບກັບ ປກສ ກຸ່ມບ້ານ ສືບຕໍ່ເຄື່ອນໄຫວເຜີຍແຜ່ວາລະແຫ່ງຊາດ ວ່າດ້ວຍການແກ້ໄຂບັນຫາ ຢາເສບຕິດ ໃຫ້ກັບອົງການປົກຄອງບ້ານ ແລະ ປະຊາຊົນ ບ້ານໃຫຍ່, ໂດຍການເຂົ້າຮ່ວມຂອງ ພັທ ວິໄລ ລັດຕະນະພູນສີນ ຮອງຫົວໜ້າກອງບັນຊາການ ປກສ ເມືອງໄຊຍະບູລີ, ມີ ຄະນະກອງບັນຊາການ ປກສ ເມືອງ,  ພະນັກງານທີ່ກ່ຽວຂ້ອງ, ອຳນາດການປົກຄອງບ້ານ ພ້ອມດ້ວຍພໍ່ແມ່ປະຊາຊົນ ເຂົ້າຮ່ວມ.

ພັທ ສົມສີ ໄຊຍະລາດ ຫົວໜ້າ ປກສ ກຸ່ມບ້ານໃຫຍ່ ໄດ້ຜ່ານບົດສະຫຼຸບການຈັດຕັ້ງປະຕິບັດມາລະແຫ່ງຊາດ ວ່າດ້ວຍ ການແກ້ໄຂບັນຫາຢາເສບຕິດຢູ່ບ້ານໃຫຍ່ ເຊິ່ງໄດ້ສັງເກດຕີລາຄາສະພາບການເກີດຂື້ນພາຍໃນບ້ານ, ບ້ານໃຫຍ່ ປະກອບມີ 14 ໜ່ວຍ, ມີ 161 ຫຼັງຄາ, ມີ 157 ຄອບຄົວ, ມີພົນລະເມືອງທັງໝົດ 745 ຄົນ, ຜ່ານການລົງກວດກາຂອງເຈົ້າໜ້າທີ່ ພົບເຫັນເປົ້າໝາຍທັງໜັດ 26 ຄົນ, ໃນນັ້ນເດັ່ນກວ່າໝູ່ແມ່ນເປົ້າໝາຍເສຍຢາເສບຕິດ 18 ຄົນ, ເປົ້າໝາຍຄ້າ-ຂາຍ 03 ຄົນ, ເປົ້າໝາຍເສຍຝາລັກຊັບມີ 02 ຄົນ, ຕໍ່ກັບເປົ້າໝາຍທີ່ເຄື່ອນໄຫວບໍ່ຮ້າຍແຮງແມ່ນໄດ້ສືກສາອົບຮົມກ່າວເຕືອນ ແລະ ສ້າງບົດບັນທຶກໂດຍຊ່ອງໜ້າຜູ້ປົກຄອງ, ສ່ວນເປົ້າໝາຍທີ່ເຄື່ອນໄຫວຮ້າຍແຮງ ແມ່ນດຳເນີນຄະດີຕາມລະບຽບກົດໝາຍ.

ພັທ ວິໄລ ລັດຕະນະພູນສິນ ຮອງຫົວໜ້າກອງບັນຊາການ ປກສ ເມືອງໄຊຍະບູລີ ໄດ້ມີຄຳເຫັນໂອລົມໂດຍເນັ້ນໝັກໃຫ້ຄະນະຮັບຜິດຊອບ ວາລະແຫ່ງຊາດ ວ່າດ້ວຍ ການແກ້ໄຂບັນຫາຢາເສບຕິດ, ເຮັດໃຫ້ວຽກເປັນປະຊາທິປະໄຕ ມີຄວາມເປັນເອກະພາບກັນ ແລະ ສຶກສາອົບສົມການເມືອງແນວຄິດໃຫ້ປະຊາຊົນເຂົ້າໃຈຕໍ່ວຽກງານປ້ອງກັນຊາດ-ປ້ອງກັນຄວາມສະຫງົບ. ຮຽກຮ້ອງໃຫ້ອໍານາດການປົກຄອງບ້ານ ແລະ ປະຊາຊົນ ໂດຍສະເພາະແມ່ນຖັນແຖວຊາວໜຸ່ມ-ໄວໜຸ່ມ ມີສ່ວນຮ່ວມກັບເຈົ້າໜ້າທີ່ ໃນການຈັດຕັ້ງປະຕິບັດວາລະແຫ່ງຊາດ ວ່າດ້ວຍ ການແກ້ ໄຂບັນຫາຢາເສບຕິດໃຫ້ຫຼາຍຂື້ນ ແລະ ສຸມໃສ່ແກ້ໄຂທຸກເປົ້າໝາຍທີ່ເຄື່ອນໄຫວພາຍໃນບ້ານໃຫ້ຫຼຸດລົງ.

Off

Comments are closed.